環球旅遊

【清邁】小編親身試玩 Dragon Flight叢林飛索 克服畏高的心理陰影!

image

人類對於自己未接觸過嘅事物總有一種莫名嘅恐懼。只有一個辦法可以消除呢種恐懼,就係直接面對佢!講到好似好深奧咁,事源係我有兩位朋友相當畏高,當我地提出要去清邁玩叢林飛索嘅時候,佢地即刻面都青埋…作為「好朋友」,當然要幫佢地克服呢個恐懼啦!小編我二話不說就訂左【Dragon Flight 叢林飛索】世界最長超刺激

KKdap App

世界最長飛索 飛足800米

清邁其實唔只一個地方有得玩飛索,點解我會揀Dragon Flight呢?原因就係Dragon Flight有全世界最長嘅飛索!兩個平台中間足足有成800米!800米呀!大家可以想像下即係飛得有幾快先可以飛足800米而唔會停喺中間。

image

專車接送 由酒店直接載你到目的地

我地一行五人一大朝早食飽早餐就等專車黎接載我地喇~老實講如果無車接送真係好難去到目的地,因為玩飛索嘅地方距離市區都幾遠,而且喺個叢林入面,啲山路又斜又多彎位,唔係咁易去架~坐左一個鐘車,我地終於到左Dragon Flight叢林飛索嘅大本營喇~

image

出發前夕好緊張!

去到場地,首先你要出示返KKday發出嘅憑證畀職員登記。之後每位參與者都要簽名證明你已經閱讀左飛索嘅安全守則同注意事項!緊張嘅氣氛逐步升溫!擺低個人物品喺locker之後,教練就會幫你著上全套安全裝備!包括頭盔、安全帶、救命繩同埋一枝水。最搞笑係戴頭盔之前要戴浴帽,減少你啲汗整污糟個頭盔。(老實講個頭盔真係…有啲臭…)

image

我地已經準備好喇!出發!

咻!一聲橫越山野!爽呀!

我地個團有14人,隨行有成4個教練咁多,佢地全部都識講英文同中文架!不時搞gag搞氣氛,令到大家都無咁緊張。教練講解完點樣滑出去之後,冒險正式開始!一開始第一下滑嘅時候其實真係幾驚,雖然第一站嘅平台唔係好高,但要你真係踏出第一步滑出去都唔係一件容易嘅事!

image

但當你真係滑左出去之後,你會發現,咦?原來都唔係好得人驚咋喎!(雖然小編嗌得比畏高嘅朋友仲大聲)而當你滑多兩次之後,你已經可以氣定神閒觀賞成個叢林嘅景色喇~清澈嘅藍天、翠綠嘅山野,小編個腦居然浮現左個好老套嘅想法:人生存嘅意義係咩呢?我當下嘅答案係四個字,及.時.行.樂!

image

玩到一半教練突然問我地想唔想做super man,原來係背脊朝天、頭向下咁飛呀!一場黎到,當然要試下啦!

image

除左飛索,仲有滑板、獨木橋,同埋最最恐怖嘅垂降!

成個行程大約有40個關卡,大約用左三個鐘去完成,完左仲有飯食,雖然味道一般,但玩左咁耐都幾肚餓,可以填下肚。事後問返畏高嘅朋友,佢地都話唔驚,好刺激,仲話係自己人生一大突破添!

如果你想知多啲關於Dragon Flight叢林飛索嘅資料,可以click以下連結上KKday官網睇下架!

>>【Dragon Flight 叢林飛索】世界最長超刺激

更多清邁行程:

>>【有機農場學做泰式料理】Mama Noi廚藝學校一日/半日遊

>>【友善大象半日體驗營】深度體驗不騎大象

▲認識KKday▲

KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com

KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: