環球旅遊日本交通指南

【日本】九州自助旅行最強攻略,用JR玩遍九州六大縣!

image

(圖片來源)

KKdap App

想自遊行九洲但又唔知點落手?唔知點樣去到景點但又唔想租車?所以呢次KKday為大家準備咗九洲攻略,等你玩哂成個九洲都只係需要一張JR PASS!

1. 九州簡介

位於日本西南部嘅一座島,係全日本第三大島嶼。由宮崎、福岡、佐賀、長崎、熊本、鹿兒島等七個縣組成。九州嘅機場有福岡機場、宮崎機場、鹿兒島機場。

2. 幾時去九洲好?

櫻花盛開嘅三月、楓紅遍野嘅十月,係最適合去九州嘅時段。暑假嘅時候,有好多唔同嘅煙花大會舉行,如果冬天去嘅話就可以浸下溫泉。

 

3. 九州JR周遊劵使用方法

image

有分北部同埋全九州嘅3日同5日券,總共4種。

4. 九州JR列車路線

 

image

如果唔知點樣搭過去嘅可以睇返呢個表就知沿線有咩景點啦。一眼睇曬!

5. 九州必遊景點

 

#宮崎

【青島神社】

image


(圖片來源)

image

 

(圖片來源)

青島神社位於宮崎南部嘅日南,日南海岸係由砂岩同泥岩相互堆積形成嘅特殊海岸地形,因為呢樣奇怪嘅外表,所以被稱為「鬼之洗衣板」

image

(圖片來源)

「山幸彥和海幸彥」係日本皇室重要神話之一,而故事嘅發源地就係青島神社。神社嘅中央有一幅好大嘅繪馬牆,掛住咗嚟自世界各地嘅願望。青島環繞住海蝕地形,青島同陸地之間只係靠一條橋連住。

交通:可以搭JR特快列車「海幸山幸」去到JR青島站。架車得兩卡,而且大多數係指定席,只有六席為自由席,所以如果想搭特快列車,就要事先訂位啦。

小編提提你:唔可以用JR九州周遊劵架!

 

【鵜戶神宮】

image

(圖片來源)

鵜戶神宮起喺海邊岩洞入面,山、海、神宮嘅建築交匯成一線,去鵜戶神宮嘅途中,可以睇下海邊嘅奇岩怪石。因為鵜戶神宮係延續住「山幸彥和海幸彥」嘅神話故事,所以喺御本殿嘅岩洞入面,可以見到更多關於傳說嘅象徵。

交通:搭JR 到達宮崎站(可使用JR周遊券),轉乘宮崎交通巴士到鵜戸神宮入口,或者由青島搭同一架宮崎交通巴士到鵜戸神宮。

>>> 宮崎交通巴士路線圖

 

【高千穗峽】

image

(圖片來源)

擁有神話之鄉之稱嘅「高千穗峽」,係由河川侵蝕熔岩而成嘅V字型峽谷,圍繞住峽谷兩邊嘅係由安山岩所形成嘅絕壁,一年四季會開唔同嘅花,所以無論任何時候去高千穗峽,都會睇到別有風情嘅景色。高千穗峽中最為知名嘅係享有「日本百大瀑布」美譽嘅「真名井の潼」,從17公尺斷崖傾洩而下,氣勢不容睇小。

交通:

1. 由福岡出發,坐Gokase 高速巴士,每日4班

2. 由熊本出發,坐特急たかちほ號,每日2班

3. 由延岡出發,坐宮崎交通巴士,半個鐘1班

4. 由宮崎出發,坐高速乗合バス,每日1班

 

>>>【輕鬆搞掂】高千穗峽交通懶人包

 


#福岡

【福岡塔】

image

 

(圖片來源)

福岡塔全長234公尺,除咗展望台可以360度觀賞福岡嘅景觀,仲可以喺空中餐廳一邊享受美食,一邊欣賞壯觀嘅景色。夜晚嘅時候,福岡塔仲會有夜間特色投影Show,係第一個被認定為「戀人聖地」嘅著名約會地點。如果你想征服日本各大高塔,千祈唔好miss咗福岡塔呀!

地址:福岡縣福岡市早良區百道浜2-3-26
票價:成人800円,中、小學生500円、幼兒200円
營業時間:09:30~22:00 (最後入館時間為21:30)
交通:可以坐JR新幹線 或 JR鹿兒島縣 到 博多站,再喺博多嘅中轉站,轉乘巴士;或是坐地鐵到西新站再轉巴士。

 

【太宰府滿天宮】

image

(圖片來源)

 

天滿宮係日本祭祀學問之神菅原道真嘅神社,分布於日本各地,以北野天滿宮、太宰府天滿宮同防府天滿宮最為有名。而其中太宰府天滿宮嘅地位相當於台南的孔廟,除了祈禱學業順利、金榜題名之外,亦都可以祈求工作順利,以及升遷順利。

地址:福岡県太宰府市宰府4丁目7番1号

票價:免費

營業時間:06:30 ~20:00(1/6~31/8) /19:00 ( 1/9~31/5)

交通:有JR直達 或者搭地鐵轉乘到西鐵太宰線到「太宰府」。

 

#熊本

【熊本城】

image

(圖片來源)

熊本城為日本三大名城之一,同名古屋城、大阪城並列。城內種咗好多銀杏樹,所以又被稱為銀杏城。擁有3座天守閣、49座櫓、18座櫓門、29道城門,相當之壯觀。其中以「倒武者」嘅石牆最為出名,如果想留底特別嘅回憶,亦可以去到天守閣嘅出口同著上忍者裝的忍者影返幾張靚相作紀念。

地址:熊本城位於日本熊本縣熊本市中央區
票價:500 円
營業時間:08:30 ~ 18:00 (4-10月) 、08:30~17:00 11月~3月
交通:喺JR新幹線、JR鹿兒島本線或JR豐肥本線「熊本」站轉乘熊本城周遊巴士「SHIROMEGURIN」,喺「熊本城・二之丸停車場」落車即可抵達。

 

【酷ma 萌廣場】

image

(圖片來源)

相信大家都見過熊本部長嘅影片,而呢個風靡國際嘅吉祥物就係出生於熊本。嚟到熊本熊嘅大本營當然唔可以錯過部長辦公室啦!如果咁啱部長冇出席活動或出差嘅話,就有機會同佢面對面接觸。所以想同熊本熊一齊玩嘅朋友,可以先上網查下部長嘅行程,廢事錯失機會呀。

地址:熊本市中央区手取本町8番2号(鶴屋百貨店東館一樓)
營業時間:10:00~19:00
交通:JR熊本站轉乘電車或巴士,喺「水道町」或「通町筋」站落車

>>> 部長詳細行程時間表

 

#鹿兒島

【櫻島】

image

(圖片來源)

櫻島係鹿兒島嘅象徵,目前仲係一座活火山,一年噴發近千次,火山上嘅飄渺白煙亦係鹿兒島嘅代表景色。嚟到櫻島除咗可以近距離欣賞火山風景之外,可以去到溫泉湧出嘅海岸附近,體驗特殊嘅「溫泉挖掘」,體驗下自己挖掘足湯嘅樂趣。

交通:坐九州新幹線到達JR鹿兒島中央站,再轉City View巴士/巴士/電車到達櫻島渡輪碼頭,再搭船至櫻島。

 

#熊本 ・阿蘇山

【 阿蘇山嘅中岳火山口】

image

(圖片來源)

阿蘇山係世界屈指可數嘅活火山,以火山口、連綿嘅高原同山岳景色聞名。阿蘇山亦係世界上唯一一座可以近距離觀賞山口嘅火山。火山口長年瀰漫住硫黃氣味,而由山口噴發嘅時候白色煙霧更加可以直達天上,景色相當壯麗。

 

〖草千里〗

image

(圖片來源)

草千里位於阿蘇山無幾遠嘅小草原,係前往阿蘇火山口途中唔可以錯過嘅美景。直徑約一公里的火口跡入面,每年五到九月就會俾植被覆蓋住,形成綠油油嘅大草原,有時落雨個時更加會匯聚成池塘。騎下馬仔散步個陣如果好彩嘅話仲可以睇到中岳火山噴煙添。

交通:JR九州橫斷特急,到達「阿蘇山站」,如果要到中岳火山口,就要再轉乘阿蘇山纜車。

 

#別府

【湯眼展望台】

image

(圖片來源)

日本著名嘅溫泉之鄉 –  別府,唔單止溫泉種類繁多,泉水湧出量更係全世界第二。浸溫泉享受悠閒之外,記得要去湯煙展望台,欣賞整個城市籠罩喺湯煙(溫泉霧氣)之中的美景。

「湯煙」除咗係象徵泉都別府的文化景觀外,更入選為「想保留至21世紀的日本風景百選」之一,係全日本第2美景。

交通:喺JR「別府站」坐大約20分鐘巴士,喺「湯之川」下車,再行10分鐘即到溫泉蒸氣展望台

 

【地獄八湯】

image

(圖片來源)

image

(圖片來源)

別府眾多溫泉中以八大地獄溫泉最為著名,分別為:海地獄、鬼石坊主地獄、山地獄、灶地獄、鬼山地獄、白池地獄、血之池地獄(血池地獄)、龍捲地獄。因為泉水成分不同,呈現嘅顏色都唔一樣添!藍、紅、白等各種顏色嘅泉水,其不可思議又魔幻嘅景色,簡直令人彷彿處於地獄之中。

交通:坐JR九州橫斷特急到達「別府站」,轉乘巴士,前往想去嘅地獄溫泉,或者可以選擇到北濱巴士中心、由別府車站坐周遊列車一次遊哂八景。

>>> 別府景點交通詳細資訊

 

#由布院

【金鱗湖】

image

(圖片來源)

 

金鱗湖係位於由布院溫泉旁嘅水池,因為池底有溫泉水同地下水湧出嘅關係,所以在日頭期間池面會經常散發出霧氣,營造出一股仙境之感,籠罩住霧氣嘅湖面亦成為由布院溫泉嘅特色景觀之一。

 

【湯之坪橫町】

image

(圖片來源)

湯之坪橫丁係由車站延伸至金鱗湖附近嘅商店街群,沿途除咗有好多紀念品店同文青鋪頭之外,仲有好多特色咖啡店。除咗琳琅滿目嘅商店之外,湯之坪同時係保留住舊式日本建築,更被選為女性遊客最喜愛嘅旅遊地點。

交通:坐JR由布院之森到達「由布院站」,一出車站就係湯之坪橫丁。而沿住湯之坪接到即可到達金鱗湖。

#小倉

【門司港懷舊街區】

image

國際友好紀念圖書館(圖片來源)

門司港自明治時代起已經係日本重要港口之一,港口街道上商社、洋行林立,而家仍然保存住好多歷史建築同埋遺跡。夜晚個時,門司港渲染上鮮豔華麗嘅色彩,古雅嘅建築搭配上港灣風情以及浪漫夜色,成為北九州最具有懷舊氣氛嘅觀光遊覽區。

行完門司港,順便行到去下關嗰度。當初同日本簽訂嘅《馬關條約》就係呢度啦。

交通:坐JR 特快列車音速,到達「小倉站」即可。

 

#長崎

【稻佐山】

image

(圖片來源)

稻佐山展望台係欣賞長崎夜景的知名景點。長崎夜景同神戶、函館並稱日本三大夜景,擁有「千萬美金夜景」的稱號。喺海拔333公尺高嘅稻佐山公園,除咗可以以360度遼闊視野欣賞長崎港,夜晚山腳下嘅萬家燈火更係不容錯過!

交通:坐JR特快列車海鷗,到達「長崎車站」,再轉路面電車/長崎巴士去到稻佐山纜車

 

〖軍艦島〗

image

(圖片來源)

軍艦島係長崎市外海嘅半人工島嶼,過去喺明治時期因開採煤礦而一度興盛,而礦場關閉後逐漸荒廢成為無人鬼城。但近年來隨著日本局部開放端島觀光,被喻為「世界上最宏偉的海上廢墟」,而且係2015年時成功將包括端島在內嘅一系列明治時期工業發展遺跡,登錄為世界遺產。

另外端島近年人氣急升,搞到成日都買唔鬼到張船票,所以建議大家事先上網訂。不過如果到時候風浪過大,船班可能會停駛。

交通:坐JR特快列車到達「長崎車站」,轉長崎巴士到達「大浦海岸通り」站,落車後,行到去常盤碼頭,再坐船去軍艦島。

#豪斯登堡

image

(圖片來源)

豪斯登堡係模仿荷蘭街道所設立嘅一個主題公園,以荷蘭的景觀、街道為主軸。公園入面有被湖畔包圍住嘅森林小木屋,周圍好似世外桃源咁嘅大自然美景之外,同時亦可以選擇入住喺園區內,感受一下歐洲嘅氣氛。

地址:長崎縣佐世保市豪斯登堡町1-1
營業時間:09:00 ~ 22:00 (如果撞正活動或假期,會有唔同的營業時間)。
門票:一日/二日/三日通票,另外有門票套餐、夜行通票等
交通:坐JR特快列車豪斯登堡即可抵達。

>> 豪斯登堡門票詳細資訊
>> 豪斯登堡門票預訂方式


延伸閱讀:
>>> 九州長崎非去不可,豪斯登堡遊樂園!
>>> 九州景點一網打盡,九州鐵路周遊券。
>>> 行家帶路,長崎世界遺產巡禮。

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: