美食手冊澳洲

【餓底日誌】澳洲餐餐漢堡包? 美食攻略

有冇聽過人哋話離開咗亞洲你想搵碗飯食下都難?事實係去到唐人街你唔會無飯食囉!但係離開咗亞洲就會想試下當地嘅特色嘢食㗎嘛~小編就想喺度分享之前出遊澳洲嘅時候用嚟醫肚嘅美食喇~

KKdap App

 

真係周街漢堡包

唔係講笑,去到外國真係周街都係唔同嘅漢堡包店,小編即刻為大家介紹喺澳洲食過嘅Burger啦!

#1 健康Burger – Grill’d

 

首先出場嘅有Grill’d,佢係一間位於墨爾本,主打健康嘅Burger店,佢哋有提供素食漢堡㗎。每款漢堡都配有粗薯條,依稀記得香港麥當勞都係一年先有幾次粗薯條食>_>,而且好好食!!薯條有薯仔味!!(編按:呢句真心唔係廢話),而小編叫咗個羊肉漢堡Shepherd’s Delight,裡面有草飼羊肉、芥末、捲心菜同蛋黃醬。羊肉味道香而不膻,非常吸引~!

 

#2 秘制Burger – 8bit

之後係8bit,佢位於墨爾本商業區,8bit故名思義成間店鋪係用8bit做主題,由地板至牆身全部都係一格格。小編叫咗招牌嘅8bit with cheese,佢入面係牛肉、蕃茄、芥末、洋蔥、芝士、茄汁同埋8bit秘制醬汁。呢個包只需AUD$9.5,同埋佢有辣味版本都係AUD$10.5。雖然小編覺得呢個包比Grill’d嘅油小小,但係佢特別之處就係招牌醬汁,好多人都慕名而嚟㗎!

 

#3 安格斯牛肉Burger – Goody’s burger house

仲有嘅係Goody’s burger house,呢間Burger house位於墨爾本商業區。小編點咗佢地當時做主打嘅安格斯牛肉漢堡 Smokey。佢特別之處係用左100%純安格斯牛肉,同埋佢用嘅醬料係煙熏蛋黃醬,非常香!店鋪設計亦好特別,小編都忍唔住影咗好多相!

 

#4 喺墨爾本食希臘菜 – Cafe Vicolino

除咗Burger,當然都要試下其他唔同嘅菜式啦!小編去咗一間位於墨爾本嘅希臘餐廳Cafe Vicolino 食咗個Tea,南瓜湯好香濃好足料,飲完就好似食咗成個南瓜落肚咁,勁飽。小編亦點咗個Moussaka食,Moussaka係由茄子做主要原料嘅菜式。小編喺香港未食過,所以覺得非常特別!

 

#5 Pancakes專門店 – Pancakes On The Rocks

之後要介紹嘅係Pancakes On The Rocks,佢係一間位於悉尼嘅Café店,以食Pancake 為主,亦提供西餐同Pizza。Pancake方面小編點咗Blueberry Heaven, 藍莓醬加雪糕嘅Pancake 味道好夾!小編一行三個人食Tea咁樣叫已經飽㗎喇,大家下次去悉尼可以參考下!

 

#6 環擁Darling Harbor夜景 – Hurricane’s Grill

位於悉尼Darling Harbor嘅Hurricane’s Grill。喺度食飯可以望住Darling Harbor嘅夜景品嘗,氣氛超爽。Hurricane’s Grill以碳燒豬肋骨聞名,小編專程去食,勁大塊而且味道一流。肋骨外皮香脆,加埋酸酸甜甜既BBQ醬汁,令到小編我一啖接一啖停唔到口。而且份量都幾大,小編同朋友三人一齊食都覺得飽。配菜揀咗奶油薯蓉,溝埋一齊食非常夾。小編亦點咗蘑菇湯,非常濃郁香口。而咁樣食法大概用咗港幣$300。另外如果大家想食嘅話記得早啲到,因為一夜就會好多人!小編都排咗半個鐘先有得入去,但到小編嘅時候門口依然仲有一大班人等緊!

 

番外篇: 澳洲必推零食

圖片來源

呢款蛋糕叫做Lamington,小編以為佢只係一件普普通通嘅朱古力蛋糕。但其實佢係澳洲特產嘅海綿蛋糕,配上外層嘅椰絲,一拆開包裝就即刻聞到朱古力同椰絲嘅香味,細細件咁擺入口,真係好好食~同埋亦都好適合買返嚟香港做手信㗎~

 

去澳洲品嘗美食,你可能有興趣~:

【品味墨爾本】雅拉河谷,品酒美食之旅

【暢遊山谷美景】雅拉河谷品酒+蒸汽火車一日遊

【中文司導帶路】亞拉河谷酒莊+丹頓農蒸汽小火車一日遊

 

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: