交通指南歐洲

【歐洲交通篇】三個安排交通實用網站

又到暑假同SEM BREAK,相信大家都會想去旅行輕鬆下。大家可能都有諗過去歐洲,但係又驚歐洲洗費會好貴。尤其係想去幾個國家嘅時候,又要搭火車同飛機,分分鐘交通費都佔咗大家一半嘅旅費。今次小編就同大家分享下歐洲跨國交通嘅攻略,幫大家旅行時慳番筆!

KKdap App

仲買EURAIL PASS? 

正常邏輯下,我哋都會認為機票係貴過火車票。但喺歐洲依度,呢個講法係唔成立架!歐洲火車係可以貴過其他交通工具。有好多人因為唔想煩就直接買Eurail Pass,貪佢可以無限次使用,啱哂長途旅行嘅Backpackers。但Eurail Pass比較多限制,又限時間、又一定要鄰近國家先用得,結果都未必可以用得所值。

所以小編會推薦大家用以下唔同嘅網同Apps,將自己嘅交通費降到最低。

例如:

1) 搭巴士由威尼斯到羅馬只係要15-25歐元(EUR €),平過搭飛機。

2) 搭飛機嘅話由倫敦去柏林只需9.99 英鎊(GBP £) ,你又信唔信呢?

 

歐洲廉航 – Ryanair

如果有細心留意開Skyscanner嘅話,一定會留意到Ryanair呢間航空公司。基本上Ryanair有開放嘅航點都會係最平,大部份價錢都係 £4.99 –£9.99。

佢同Skyscanner 一樣,如果大家用價錢嚟Plan行程嘅話,你可以揀Anywhere,然後佢就會列出唔同航點嘅價錢同日子。

如果你覺得咁樣睇有太多航點,又唔知個航點實際喺邊個位置嘅話……得!無問題,你仲可以用另一個方法搜尋。

Ryanair 提供咗3款嘅瀏覽頁面比大家,各有好處,唔洗擔心!呢個係小編稱之為Google Map嘅版面,可以一次過顯示哂有邊啲航點同佢地嘅位置,Click落去仲可以即刻睇到價錢同埋幾時有航班。會唔會太方便?

咁當然啦,佢平到咁一定有限制啦。Ryan Air如果要寄艙嘅話,就要係買機票嘅時候選擇買15KG或20KG嘅附加費,所以最好計埋費用之後再同其他廉航比較下。而手提行李最多係1件,而且唔可以超過10KG。Ryanair嘅櫃台通常都設有行李架比各位度下個Size。至於捉得緊唔緊就見仁見智啦,小編就建議你都係跟足佢嘅規矩,唔係臨上機先俾人捉到就唔好啦。歐洲機場就成日都會見到遊客係咁執行李或者抽走唔要嘅嘢。小編冬天歐遊嗰時仲見過有外國人將個背囊五花大綁,扎到勁細,甚至將D大褸同衫褲全部著哂上身黎減少手提行李大細添!

Busradar – 查詢歐洲長/短途巴士

好喇,講完Airlines就到巴士啦!Busradar入面列哂所有歐洲長短途嘅巴士路線同價錢。歐洲旅遊巴士嘅價錢唔同火車同飛機咁會隨日子浮動,無論係咩時間同班次,基本上每日嘅價錢都一樣。而且巴士公司通常都係個幾間,Eurolines、FlixBus、Megabus同埋Buscenter.it。Eurolines同FlixBus嘅網絡比較大而且出名;Megabus喺英國就比較常見;而Buscentre就集中喺意大利路線。每間公司提供嘅服務都係一樣,無話邊個特別好。

歐洲旅遊巴士通常都係雙層,會提供廁所、Wi-Fi同電制等設施。

Busradar仲會顯示埋旅遊巴士嘅班次、停車地點同時間。

佢亦有自己嘅App,而且非常方便,仲易睇過喺網上搜尋。

買完車票之後就會收到Email通知,入面嘅QR code到時比車長Scan完就可以上車。

 

Rome2rio – 查詢全世界嘅海陸空交通

呢個網同Busradar差唔多,都係可以用嚟搵巴士嘅,但唔同嘅就係Rome2rio比起Busradar強大好多,因為佢可以睇哂海陸空所有嘅交通。

Rome2rio仲可以彌補喺Busradar搵唔到嘅旅遊巴士路線。因為大部份歐洲旅遊巴士公司設立嘅路線都係比較多人去嘅地方。而比較偏遠或者交通不便嘅地方,例如由雅典到希臘中部德爾菲(Delphi)就只有希臘國內嘅巴士公司營運。班次唔多,少人去,但喺呢個網都可以搵得到!

以上所介紹嘅3個網中,小編覺得最有用嘅就係Busradar同Rome2rio。因為當你要去鄰近國家或者城市嗰時,知道有巴士可以搭就梗係揀巴士啦,平啲呀嘛。小編之前用窮遊方式歐遊咗成個月,交通上面嘅安排都係靠呢兩個網搞掂,唔洗靠旅遊書添呀!

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: