環球旅遊

【賞楓必去】大阪萬博紀念公園

11月去日本,必做嘅事就係去賞楓!!日本一年四季分明,春天有櫻花,秋天就少不了楓葉。今次小編想介紹一個日本比較少遊客去嘅賞楓好地方,就係屬於大阪郊區嘅萬博紀念公園!

KKdap App

萬博紀念公園歷史

萬博紀念公園原本係1970 年舉辦嘅日本萬國博覽會會場。公園面積達 264 公頃,其中鋪設左一條懸挂式嘅單軌電車。宜家公園改裝成為一個可以感受到日本傳統同新派文化嘅地方。依度有日式庭園、茶室,仲有一年四季都可觀賞嘅各種花卉、介紹世界各個民族生活同文化嘅國立民族學博物館、國立國際美術館,同大阪日本民藝館等。

公園資料

– 地址:565-0826 大阪府吹田市千里萬博公園
– 電話:06-6877-7387
– 票價:大人250日圓、小朋友70日圓
– 營業時間:09:30~17:00
– 官網:http://www.expo70-park.jp/languages/english/

 

交通


一出地鐵站經過大橋,就已經可以見到公園嘅標誌-太陽之塔。

 

太陽之塔

一出大阪モノレール車站,就可以見到高65米,臂長約25米嘅太陽之塔,由日本知名藝術師岡本太郎設計。太陽之塔由三個太陽面部組成,分別代表「未來」嘅黃金太陽、代表「現在」嘅正面太陽與代表「過去」嘅背面黑色太陽。頂部係避雷針,兩隻眼原本係氙氣燈,每日太陽落山到晚上十一點之間會開燈,由於曾出現在漫畫《20世紀少年》而為人熟悉

 

賞楓地

成個公園劃分成唔同嘅部分,到處都可以見到楓葉嘅影蹤。我地發現觀賞楓葉嘅最佳地方有幾個,第一個係位於沙池遊樂場旁邊嘅楓葉走廊。兩邊都係紅葉,加上滿滿太陽光嘅加持,輕鬆影到靚相!

本身我地一早諗住去野餐,所以買左麵包,少少零食,坐底左係附近傾計影相。最重要係公園係無遊客,到處都係黎郊外旅行嘅日本小學生同幼稚園學生,好得意!

如果無帶野入去食都唔緊要,入面有小食部,仲有好多meiji嘅雪糕販賣機!!!門口都有採用有機食材嘅便當售賣。

公園簡直係遍地都係楓葉,不似得香港,每日都會掃走樹葉。楓葉除左橙色之外仲有金黃色添。

天鵝車(四人/二人)


除左可以喺陸地睇楓葉,公園仲有個人造湖。我地仲專登租左架天鵝船,係公園入面個湖度欣賞楓葉。唔好講笑,雖然我地有四個人,但係踩呢個都踩到氣喘,真係好鬼辛苦!!!

 

公園園林

公園左邊主要係園林景色,唔同嘅季節會種不唔同種類嘅花,所以一年四季都有唔同的景色。竹林、梅枝,要靚相絕對無難度!

依棵係櫻花樹喔!春天可以黎賞櫻。


公園除左小朋友之外,另外最常見就係畫家。長者畫家傳神貫注,將眼見之物繪成美麗嘅佳作。只要你企系佢地隔離,眼前就會出現一幅美景。你甚至會覺得即使用相機都留不住咁靚嘅大自然風光。

 

森之足湯

哈哈哈哈,日本其實有好多地方都可以免費泡腳!當你行完三分一個公園,其實已經會好攰。因為呢個公園嘅面積足足有2.8個海洋公園咁大。呢個足湯嘅原理係利用燃燒木頭嘅熱力令足湯變熱,而呢個熱力又大到足以推動發電機供電比街燈。呢個足湯有分室外池同室內池,兩邊都可以一路泡腳一路享受寧靜嘅大自然,當然唔少得欣賞楓葉喇。啊,呢個足湯仲有茶可以飲添。

 

老少咸宜的遊樂場

公園裡除左免費嘅遊樂設施:滑梯、沙池遊樂場之外,仲有奇趣單車園,有造型有趣奇怪嘅單車俾親子租用!

遍地都係楓葉!!唔少楓葉仲大過塊臉!

 

重頭戲:天空步道

呢度就係類似香港樹木研習徑,不過呢個就用木頭做,個步道高過曬d樹,可以從高空俯瞰整個公園的景色。沿途當然有唔少木牌教你認識樹木、雀鳥、昆蟲。我地喺沿途都有見到守宮啊!!!

當日天氣好,係太陽加持下,影楓葉影得自然又好睇。

紅噹噹的🍁

 

天空之道:觀景台

沿住步道走到最後,就係四層高嘅木造觀景台。

觀景台望出去,嘩,係一望無際嘅藍天啊!!仲有好遠都見到嘅太陽之塔。可想而知,其實個公園真係好大。我地11月頭個陣去,岩岩踏入楓葉季節,係楓葉開始紅嘅時候。紅綠色嘅楓葉零零落落咁交疊住,別有一番風味。

其實係香港賞楓又好,去日本賞楓又好,去啲少人啲嘅地方。自然好容易就影到靚景,又可以安安靜靜咁去欣賞紅葉。

題外話,公園售票處個度有小禮物送俾遊客嘅。只需要花幾分鐘填妥10條中文問題後,就可以得到官方公園送出嘅明信片一張!

更多大阪攻略:
【日本大阪】交通必備!大阪周遊卡使用攻略
【日本大阪】五日四夜自由行攻略
【日本大阪】不能錯過人氣美食

到大阪你需要:
【關西一卡通】ICOCA交通卡
【關西機場接送】關西機場接送至市區飯店
【京都一日遊】嵯峨野嵐山小火車、清水寺、伏見稻荷大社
【關西必備】日本環球影城™ 電子門票+關西地區JR PASS

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: