越南旅遊資訊

【越南胡志明市】十大必訪景點

聽到「西貢」呢個地方名,你係唔係第一時間諗起香港嘅西貢呢?但原來地球上仲有另一個叫西貢嘅地方,佢就係喺越南喇。越南胡志明市,原名叫「西貢」,係越南最大嘅城市。由於越南曾經係法國嘅殖民地,令到胡志明市除咗有傳統東南亞嘅特色之外,仲增添咗一份異國色彩。從越南嘅飲食到建築,都保有住歐式嘅影子;但同時嘈雜嘅交通、街邊嘅小食檔、同湄公河旁座落嘅民宅,又為呢個地方增加一份市井魅力~唔好講咁多,一齊跟KKday探索呢個充滿魅力嘅城市啦!

KKdap App

一、中央郵局/西貢郵局

中央郵局/西貢郵局
中央郵局/西貢郵局內部

西貢郵局興建於19世紀末,外觀相當之典雅華麗。裡面寬闊嘅大廳中央擺有越南國父—胡志明嘅畫像。兩旁就有當時由法國地理學家所繪製嘅越南地圖。郵局四周圍都可以見到哥德式嘅建築風格,穹頂、花窗、壁燈……都令到呢個郵局唔止係一個普通嘅郵局咁簡單,而係一座藝術品。

▶︎門票:免費
▶︎開放時間:星期一至五 07:30-19:00| 星期六、日 08:00-18:00
▶︎地址:2 C00ng x00 Paris, B65n Nghé, Qu67n 1, Ho Chi Minh City, Vietnam
▶︎交通:撘52號巴士至7 Phạm Ngọc Thạch站下車;
撘26號巴士至39 Lê Duẩn站下車;
撘36號巴士至1 Công xã Paris站下車;

 

二、紅教堂

紅教堂

紅教堂係胡志明市最重要嘅地標之一,同上面介紹過嘅西貢郵局只係一街之隔。紅教堂係一個以巴黎聖母院作為原型建造嘅天主教堂。教堂嘅紅磚係特登從法國南部嘅馬賽運送過嚟。雖然經歷咗一百年嘅時間洗禮,但紅磚嘅顏色依然係咁鮮艷。嚟到紅教堂,不妨參加下教堂彌薩,感受一下裡面莊嚴神聖嘅氣氛。

▶︎門票:免費
▶︎開放時間:每日8:00-11:00;15:00-16:00
▶︎地址:Duong Nguyen Du, District 1, Ho Chi Minh City, Vietnam
▶︎交通:撘36號巴士至1 Công xã Paris站下車

 

三、范五老街(Pham Ngu Lao Street)

范五老街呢個街名聽落係咪好奇怪呢?但原來真係有范五老呢個人㗎!范五老其實係越南陳朝時期嘅一位名將。而范五老街就係一條集旅館、旅行社、餐館同廉價商店於一身嘅街道,亦係各國背包客嘅集中地。街道兩邊既有法式亦有越式建築,每當入夜嘅時候,嘈雜嘅人群同車流,再加上各種各樣嘅小食檔同酒吧夜店,都令到呢度異常咁熱鬧!傍晚嘅時候,不妨嚟呢到體驗一下胡志明市嘅夜生活啦。

▶︎地址:Phạm Ngũ Lão, Quận 1, Hồ Chí Minh, Vietnam

 

四、濱城市場/邊青市場 (Ben Thanh Market)

濱城市場/邊青市場係胡志明市最大嘅貿易市場,從食品、日用品到工藝品,咩都可以喺度搵到,絕對係一個熱鬧無比嘅商場。嚟到市埸,除咗可以買紀念品做手信之外,一定要記得去品嚐下越南嘅正宗小食!

▶︎地址:Le Loi Boulevard, Bến Thành, 1 Hồ Chí Minh, Việt Nam
▶︎營業時間:05:30-17:30

 

五、胡志明美術館

喺遠處你就會一眼認得出胡志明美術館,因為佢嘅外牆顏色係非常搶眼嘅亮黃色。美術館建於20世紀初期,係法國同越南建築師共同完成嘅「混血建築」。胡志明美術館係越南第一級嘅國家博物館,保存咗由史前時代到而家嘅越南藝術品,收藏涵蓋繪畫、雕塑、素描等作品,館藏達2000多件。想了解多啲越南藝術文化嘅朋友唔好錯過喇!

▶︎開放時間:星期二至日 09:00 – 17:00
▶︎門票:10000越南盾
▶︎地址:97A D Pho Duc Chinh, Ho Chi Minh, Vietnam
▶︎鄰近地點:范五老街、邊青市場

 

六、湄公河

湄公河又叫做母親河,可想而之佢喺越南人心目中嘅地位有幾咁重要。嚟到湄公河你可以搭傳統小船,體驗水上市集先有嘅叫賣風情。仲可以一路穿梭於椰林中,一路窺探一般農家人嘅生活。湄公河最闊嘅位置有成六公里,坐住小船浮喺呢片廣大水域上,不禁會對呢條全長4880公里嘅亞洲跨國大河心生敬意。

>>> 搭乘傳統的美托搖船,一揭水鄉澤國的神秘面紗

 

七、統一宮

統一宮係法國殖民時期嘅統治機構,入面有近百個裝飾華麗嘅大廳,用作外交、宴會、軍事指揮及娛樂等用途。對歷史感興趣嘅人,可以透過裡面嘅解說了解北越南越統一嘅過程。

▶︎開放時間:07:30 – 11:00;13:00 – 16:00
▶︎門票:成人—30000越南盾|學生(6-17歲)—2000越南盾|兒童—15000越南盾
▶︎地址:106 Nguyen Du St, District 1, Ho Chi Minh City, Vietnam

 

八、古芝地道

古芝地道係一個埋藏喺地底下嘅大軍營,係越戰時避難所嘅遺跡。地道距離胡志明市65公里,分成三層,有醫療站、廚房、居住空間、指揮中心等設備,係1940年代用嚟躲避法國軍隊攻擊嘅藏身之所。嚟到古芝地道,除咗可以了解到各項陷阱機關之外,仲可以親身走入狹窄嘅地道,體驗戰爭時期嘅艱苦。

▶︎開放時間:07:30 – 17:00
▶︎門票:90000越南盾
▶︎地址:Dia Dao Cu Chi,Ho Chi Minh City,Vietnam
▶︎越戰歲月:【地底之城】古芝地道半日遊

 

九、金龍水上木偶劇院

水上木偶戲係越南最具特色嘅傳統民間舞台劇,表演方法相當之特別。表演期間,表演者需要長時間浸喺水入面,等木偶可以喺水面上面演出。夜晚如果無嘢做嘅話,不妨嚟睇睇呢個令越南人引以為傲嘅藝術遺產,等木偶用活靈活現嘅動作話你知越南古老嘅民間傳說。

▶︎表演時間:三場表演時間分別為17:00; 18:30;19:45
▶︎門票:150000越南盾
▶︎地址:55B Nguyen Thi Minh Khai, Labour Cultural House, Ho Chi Minh City, Vietnam

 

十、爵士酒吧 Sax N Art Jazz Club

如果你係一個爵士迷,咁就千祈唔好錯過呢間喺越南小有名氣嘅Jazz Club喇~呢度嘅老闆係一位色士風手,除咗會親自表演獨奏之外,每晚嘅現場演出亦都相當之豐富!喺胡志明市嘅夜晚,不妨嚟呢度飲兩杯酒,感受一下 Live Jazz 嘅魅力!好彩嘅話,你仲可以聽到地道嘅法文歌表演呢!

▶︎地址:28 Le Loi Street, Ho Chi Minh City, Vietnam

去胡志明市唔少得嘅好幫手你可能會需要:
▶︎周遊越南必備Open Bus:搶先預定!

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: