環球旅遊日本交通指南

【大阪交通】大阪周遊卡使用攻略

對於第一次去大阪嘅朋友,想要又慳錢又可以去哂大阪必去嘅景點嘅話,小編推薦你可以買「大阪周遊卡」,咁就可以免費暢遊35個觀光景點同設施,仲可以任撘大部份嘅私鐵同地鐵!真係好抵玩架~等小編用親身經歷話你知,點樣可以用盡依張「大阪周遊卡」喇!

KKdap App

image

圖片來源

介紹下依張「大阪周遊卡」先~「大阪周遊卡」分為一日券同二日券,價錢分別為¥2500同¥3300,就可以免費暢遊35個經典觀光景點(詳情請參考官網),包括必去嘅天守閣、通天閣、大阪生活今昔館等等,下面小編會詳細話你知點先可以用盡依張周遊卡,玩到唔同嘅景點先回到本~~

圖片來源 | 大阪周遊卡官網

另一個必買「大阪周遊卡」嘅原因就係用佢可以免費撘大部份私鐵同地鐵(不包括JR),基本上已經足夠你玩大阪大部份地方~係人都知日本交通費好貴,就算有一張大阪市營地鐵‧巴士一日券都要¥700嘅時候,只要一日去2、3個景點其實已經回到本,重未計大阪周遊卡有好多唔同店鋪嘅優惠券附送呢(詳情參考官網)~所以話如果你第一次遊大阪,依張「大阪周遊卡」實在係一個好選擇,你可以按你逗留嘅日數去買一日或者兩日券。

題外話,其實大阪周遊卡仲有「一日券擴大版‧關空版」嘅。由於本身「大阪周遊卡」係唔包從關西機場出去市區果程嘅,但擴大版就包埋阪急電鐵、阪神電車、近鐵或南海電鐵,特別適合一早就會從關西機場、神戶或奈良去大阪玩嘅朋友。

好~終於講到正題喇:究竟點樣先可以利用依張「大阪周遊卡」玩回到本呢?有邊啲景點值得去呢?等小編介紹一下值得用依張「大阪周遊卡」去玩嘅地方喇~~

第一日:浪速之湯 — 大阪生活今昔館 — 梅田空中庭園展望台 —  HEP FIVE 摩天輪

#1 浪速之湯

image

圖片來源

用浸溫泉黎開啟係大阪嘅第一日喇~小編都估唔到喺都市之中都有天然溫泉呢~大家可以喺度盡情放鬆下,舒緩一下撘飛機嘅疲倦。

 

#2 大阪生活今昔館

image

(圖片來源)

浸完溫泉之後去對面嘅阪生活今昔館參觀。就咁聽個名可能會以為今昔館同普通嘅博物館一樣,但大阪生活今昔館係直接將江戶時代嘅大阪街道風光直接呈現出黎。你可以行係江戶時代嘅街道上,參觀當時嘅澡堂、商家等,而且仲可以玩下當時嘅小遊戲。最特別嘅係屋頂會定時轉換朝早同夜晚嘅天空,而且仲有試穿浴衣嘅環節,令人感覺真係好似番左江戶時代咁~~

 

#3 梅田空中庭園展望台

image

圖片來源

梅田空中庭園展望台位於梅田藍天大廈,可以飽覽大阪最美嘅夜景,絕對係浪漫之選!

 

#4 HEP FIVE 摩天輪

image

圖片來源

睇完夜景都係意猶未盡的話可以去都係喺梅田嘅HEP FIVE商場坐摩天輪。HEP FIVE除左有好多賣衫嘅地方之外,重有好多好野食~Shopping完、食飽飽之後用摩天輪黎結束一日真係perfect池!

 

第二日:大阪水上巴士 — 大阪城天守閣 — 通天閣 — 天王寺動物園

#5 大阪水上巴士

image

圖片來源

「大阪周遊卡」裡面有唔少乘坐船嘅項目,不過小編唔係特別鐘意坐船,所以就揀左大阪水上巴士,貪佢有得沿塗欣賞岸邊風景之餘,又可以當交通工具撘去大阪城天守閣。

 

#6 大阪城天守閣

image

圖片來源

大阪城簡直就係大阪最具代表性嘅地標之一。作為日本國家重要嘅歷史文物,入面當然可以了解到好多豐臣秀吉嘅歷史。而且仲可以喺上面遠眺大阪嘅景色。四月份去嘅話仲可以睇到櫻花添!

 

#7 天王寺動物園

image

圖片來源

天王寺動物園比起泰國嘅動物園黎講只係迷你嘅size,不過一般係動物園見倒嘅動物好似長頸鹿、老虎等都係有嘅。意想唔到係竟然有北極態!既然免費的話,去完通天閣之後都可以黎行下嘅~~

 

#8 通天閣

image

通天閣又被稱為「浪速的埃菲爾鐵塔」,亦係大阪代表性標誌之一。可以撘電梯上到最頂360度欣賞大阪嘅景色。重點係通天閣附近有好多好野食,一定唔可以錯過!

 
小編2日嘅行程淨係入場費都要¥6400喇!真係超抵啊~~所以話「大阪周遊卡」真係好適合第一次遊大阪嘅人架~
 

其他大阪攻略:
>>>【日本大阪】五日四夜自由行攻略
>>>【旅遊達人推薦】日本必備交通APP

去關西/ 大阪必備:
>>> 大阪必玩日本環球影城™門票連快速通關套票
>>> 人氣神戶牛燒肉餐廳預約
>>> 日本4G高速上網、無流量限制Wi-Fi機
>>> 順道玩轉京都、神戶一日遊

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: