環球旅遊

【黃石公園】大自然贈予的國家寶藏 黃石公園五大區介紹

image

圖片來源

KKdap App

黃石公園係全美國第一個國家公園,亦都係國家地理雜誌票選有生之年必去嘅景點。峽谷、草原、湖泊、地熱、山巒等,黃石公園嘅自然資源實在係太多啦,數都數唔哂。所以KKday小編就決定帶大家去黃石嘅五大區,一齊窺探一下黃石公園唔同嘅風貌喇!

羅斯福區(Roosevelt Country)

image

圖片來源

羅斯福區係以連綿不斷嘅山巒為主體,喺拉馬爾山谷(Lamar Valley)可以見到好多唔同嘅野生動物,包括美洲野牛(Bison)、糜鹿(elk)、熊、狼等等。當你喺黃石公園只要見到有人群聚集,就一定係有啲精采嘅畫面發生緊。所以喺生態豐富嘅拉馬爾山谷經常都見到大家停喺路邊,咁就好可能係灰熊出沒或者係有其他動物出現。

image

圖片來源

高塔溪(Tower Creek)喺進入黃石河之前,會從高40尺嘅懸崖直流而下,形成著名嘅高塔瀑布(Tower Falls)。加上旁邊嘅柱狀玄武岩就好似一個西方城堡嘅屋頂,所以就被稱為「城堡瀑布」。

黃石湖區(Lake Country)

image

圖片來源

黃石公園內最大嘅湖泊「黃石湖」,亦係美國最大嘅高山湖泊。

image

圖片來源

另外如果獲得許可證,大家仲可以喺湖上划船、獨木舟同小艇添。

峽谷區(Canyon Country)

image

圖片來源

黃石河水力量能夠貫穿火山岩石,經過強力沖刷後就形成今日氣勢磅礡嘅黃石大峽谷。由於火山爆發令到黃石河水受地熱影響而成為酸性熱水,令到峽壁寸草難生。再加上熱泉、冰雪、風雨等作用,峽谷顏色最後形成黃、橙、棕、褐色,所以印地安人就稱之為「黃石」。

image

圖片來源

下瀑布(Lower Falls)嘅高度係尼加拉瓜瀑布嘅兩倍,企喺看守台(Lookout Point)你就可以見到成個瀑布嘅壯觀景象。而且你仲可以走上湯姆叔叔步道(Uncle Tom’s Trail),喺懸崖中嘅木梯漫步,一路沿住崖邊走,一路體驗峽谷嘅壯麗。

image

圖片來源

海頓山谷(Hayden Vally)嘅土壤唔適合樹木生長,但反而吸引到一班草食性動物黎到食用灌木同草地。最重要嘅係海頓山谷可以見到好多嘅糜鹿、野牛,甚至熊同狼都會有啊!KKday小提示: 觀看大型動物時記得要保持距離呀!

間歇泉區(Geyser Country)

image

圖片來源

黃石嘅間歇泉區可以稱得上係世界第一,雖然其他地方都有間歇泉,但全部嘅總數加埋都無黃石公園多。淨係喺公園入面就有超過300個間歇泉,而且噴發時間都非常規律,所以好受遊客歡迎。

image

圖片來源

由於黃石公園地底岩漿距離地面只有3至5公里,冬季大量降雪而累積成豐富嘅地下水源,受到地熱加溫變成蒸汽,於是就從地表裂縫噴發形成噴泉。

image

圖片來源

老忠實噴泉(Old Faithful Geyser)係所有間歇泉中知名度最高嘅一個,一方面因為老忠實噴泉係第一個被命名嘅噴泉,另一方面都因為佢有穩定嘅噴發周期。雖然老忠實嘅規模唔算最高最大,但係佢嘅噴發時間由40分鐘到2小時,而且誤差只係15分鐘內,因此吸引好多遊客前來欣賞。

猛獁溫泉區(Mammoth Country)

image

圖片來源

以石灰岩地形而聞名嘅猛瑪溫泉區,由於溫泉同石灰岩層嘅交互作用,再加上藻類微生物嘅影響,逐漸形成黃、白、褐相間層層堆疊嘅石灰華階。成個區域都設有木樓梯,方便大家可以慢慢探索成個猛瑪溫泉嘅特殊地形。

image

圖片來源

附近嘅沸騰河正正係冷熱小溪嘅交會點,可以見到好多遊客都喺呢度浸溫泉!

image

圖片來源

下台地嘅Minerva Spring有著名嘅岩石「自由帽」(Liberty Cap),因為形狀神似法國革命中愛國戰士所戴嘅帽子而得名。

如果有機會可以去黃石公園走一轉,絕對可以感受到大自然前所未有嘅震撼!

延伸閱讀:
>>>壯闊黃石之美,看遍世界級嘅美景

▲認識KKday▲
KKday-世界旅遊體驗網站,喺全球 54個國家,174 個城市, 有 5000多種不同嘅行程與體驗。 KKday內有最特別、最意想不到嘅嘅世界行程體驗!不論你想當一日忍者、乘坐直升機享盡奢華旅程、還係你想要與猩猩共進午餐…KKday滿足旅人不同嘅喜好。KKday幫你省去喺各論壇爬文找資料嘅麻煩,一站解決安排行程嘅困擾!現喺,想來一場與眾不同嘅旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: