環球旅遊

【歐美賞楓特輯】秋天去歐美不可錯過嘅賞楓聖地

一提起賞楓香港人可能會第一時間諗起日、韓、台。不過原來唔單止日韓台、歐美都有好多地方有得賞楓呢~秋冬去歐美旅行嘅你一定唔可以錯過以下紅葉美景喇~~

KKdap App

德國:新天鵝堡

如果話新天鵝堡係歐洲最美嘅城堡之一,真係一啲都唔誇張。就連迪士尼嘅睡公主城堡都係以新天鵝堡作為設計藍圖,唔怪得之一黎到就會有入左童話書裡面嘅錯覺喇~每當秋天時,圍繞住城堡嘅綠樹會變成橙黃色,就好似為純白嘅城堡外牆加添一件外套一樣,令新天鵝堡嘅美又上升左一個層次!如果可以係入面住,就算係做宮女小編都制啊~~~~

>>> 【走進童話世界】新天鵝堡與林德霍夫宮皇家城堡一日遊(慕尼黑出發)

捷克:布拉格

圖片來源

喺布拉格嘅舊城區,時間就好似停留左喺中世紀時期咁,四周都充滿住中世紀嘅建築。舊城區裡面嘅紅瓦屋頂,再配上滿街或紅或黃嘅落葉,真係靚到唔知點形容好啊~~絕對係喺香港見唔到嘅景色~

>>> 坐住老爺車遊布拉格

奧地利:維也納森林(Vienna Woods)

維也納森林擁有「城市的肺」嘅美譽,皆因森林嘅面積廣闊,而且靠近維也納市。喺依度你能夠呼吸整個維也納最清新嘅空氣。森林分為南北兩邊,喺北邊嘅森林,你能夠到訪著名音樂家貝多芬嘅散步路線,攝取佢嘅音樂靈感。而喺南邊森林,就有著名嘅溫泉之鄉巴登巴登(Barden),喺過去幾世紀以來,大批人潮蜂擁而至,就係為左黎依度尋找能治百病、強健體魄嘅解藥,與此同時亦都留低左好多華麗嘅建築。除此之外,當你穿過風景優美的海倫娜山谷(Helenental Valley)後,更加可以見到中世紀城堡遺跡。維也納森林絕對係遠離都市塵囂嘅理想地點!

>>> 【遠離塵囂】維也納森林半日遊

加拿大:楓葉大道

圖片來源

提到賞楓又點可以唔提楓葉之國加拿大呢~喺依個楓葉之國,到處都可以見到紅葉嘅身影。不過要數最有名嘅賞楓地點,就不得不提從多倫多開始,經過渥太華、蒙特利爾一路到魁北克依條享負盛名嘅「楓葉大道」喇!要遊歷哂途中嘅景點要花唔少時間呢,不過當你見到萬紫千紅嘅楓葉,再配上加拿大原有嘅壯麗景色,你一定會覺得值回票價!或者我應該叫佢做「謀殺相機記憶體大道」先岩!

美國:紐約白面山

秋天去紐約的話千祈唔好錯過去白面山賞楓!白面山係紐約州阿迪朗達克州立公園(Adirondack Park)裡面嘅一個熱門景點,亦都係紐約州內第五高峰。喺白面山,你可以一邊坐纜車,一邊觀賞鮮豔嘅紅葉。之後仲可以去到鏡湖邊,影底紅葉倒影係湖面上嘅美麗景色。有時間的話仲可以一路去埋奧薩布爾峽谷(Ausable Chasm),感受瀑布係大峽谷中飛流直下三千尺嘅磅礡氣勢!不過小編覺得最特別嘅係可以去參觀楓葉博物館,仲可以親手製作楓糖漿,拎番去做手信添~~

>>> 【期間限定】紐約上州賞楓兩日遊

小編覺得無論係歐美嘅自然美景定城市景致,加上左楓葉嘅襯托之後絕對係錦上添花啊!黎緊秋冬去歐美旅行嘅你千祈唔好錯過啊~~~

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: