環球旅遊

【廢青日記】我在澳洲打工賺假期

image

好多人鐘意一畢業就去澳洲working holiday,原因可以有好多好冠冕堂皇!但我唔怕老實話你知,廢青我就係為左逃避現實哈哈~不過,我都廢唔晒架!唔工作又邊有假期去玩呢?難得可以留喺澳洲咁耐,除左做野就緊係周圍玩啦~美術館、動物園、遊船河賞鯨等等等等,想知應該點樣玩盡working holiday就睇落去啦!

KKdap App

#MONA-賭神開美術館?!

image

▲做乜諗野 哈哈

MONA全名係Museum of Old and New Art(新舊博物館),堪稱係南半球最大嘅私人博物館。座落Derwent河邊,距離Hobart只需要十五分鐘車程。雖然對於藝術呢家野無咩研究,但MONA就令我十分好奇。除左因為第一次聽賭神開美術館,仲係第一次見識深藏砂岩地底十七米嘅建築物。至於主題方面,亦一啲都唔平凡,大部分都係思識大膽、設計新穎嘅作品!講安樂死、展示陰道、描述性同死亡,連挖掘砂岩痕跡都完整保存,就算係藝術白痴如我都一定唔會悶親!

image

▲挖掘砂岩嘅痕跡清晰可見,比起平滑嘅磚牆更有個性。

除左新奇有趣,MONA仲十分貼心咁為遊客準備iPhone,只要行近展品就會顯示詳細資料,如果想之後重溫番,留低自己email就得咖啦!

#亞瑟港監獄 Port Arthur

image

▲咁靚嘅監獄真係第一次見~

呢個望落勁歐陸風情嘅小島,係以前英國人囚禁重犯嘅監獄。當時周邊水域充滿鯊魚,而且有守衛同長期肚餓嘅獵犬看守,想逃獄真係難過登天。今時今日望到嘅小屋,仲有唔同嘅建築物,都係當時囚犯嘅勞動成果。

#塔龍加動物園 Taronga zoo

image

▲嘩係光洙啊!

Taronga Zoo係澳洲最大嘅動物園,無車嘅人都好方便,因為離悉尼市區好近,去環形碼頭(第二碼頭)搭渡輪,坐十幾分鐘就到啦!動物園入面可以遠眺悉尼市區,仲有超多可愛嘅稀有動物,可以近距離接觸!

image

▲Wallaby小袋鼠,可愛過袋鼠好多~

#悉尼遊船河睇鯨魚

image

圖片來源

另一個都係環形碼頭出發嘅活動就係我期待左好耐嘅賞鯨之旅啦!喺香港比人呃左唔少錢去睇中華白海豚(我・無・一・次・睇・到),今次KKday呢個一日團就係包生仔嘅,睇到你睇到為止!正!

澳洲為左保護自然生態,有規定賞鯨船同鯨魚嘅距離,所以大家想影相就要帶支長鏡啦~更加重要嘅係,出到海浪係非常大,所以防震功能都好重要,如果唔係就會好似我咁⋯⋯乜都影唔到嗚嗚!Any肥,用眼睇到都好開心啦,如果你又係去澳洲打工賺假期,我都推薦你去悉尼遊船河睇鯨魚

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論然你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的 喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: