日本美食手冊

【餓底日誌】東京尋找拉麵之旅

香港人鍾意食拉麵嘅程度已經到達咗一個令人意想不到嘅瘋狂喇!古時有「每逢佳節倍思親」,現今有「每逢拉麵倍人龍」。餓底小編唔係同大家講笑(雖然覺得好好笑),但每次有日本人氣拉麵越洋過海喺香港開分店,就一定會大排長龍。就好似之前銅鑼灣「一蘭」開張初期,等候嘅時間夠大家飛去台灣一轉喇。餓底小編見大家咁愛拉麵,就帶大家去食連日本人都著迷嘅正宗地道拉麵啦!

KKdap App

#1 篝-かがり

image

第一間餓底小編同大家介紹嘅拉麵係位於日本東京銀坐嘅拉麵店 – 「篝-かがり」!佢嘅位置並唔係喺大街,反而坐立喺小巷。但排隊嘅人數並無因此而減少,唔止遊客,就連日本人都會特登嚟捧場。想知「篝-かがり」有咩特別好食,就要睇埋落去啦!

image

哈,因為小編訓晏左,下晝2點先去到,但依然大排長龍!排咗一陣,就有個職員放咗個牌,原來佢地截龍! (0.0) 時間啱啱好,及時排到寶!

image

排咗1個鐘,3點終於入到去!入面嘅地方唔算大,一個T字形嘅廚房可以清楚見到師傅專心料理拉麵。而座位嘅數目同傳統拉麵店一樣唔多,得10個位。

image

登!主角出場啦!!「篝-かがり」出名嘅係鶏白湯SOBA – 鮮雞濃湯拉麵~

image

唔好以為佢係一碗普通嘅雞湯拉麵。經過多個小時熬煮而成嘅雞湯香濃而滑口,當小編飲第一啖濃湯嘅時候,有一刻以為自已將整隻雞食咗落肚 ~ 你可能覺得好誇張,但由湯底嘅濃度就可以知道鶏白湯SOBA濃縮咗大量鮮雞嘅香味同骨膠原,所以先可以做到湯底濃而不膩、鮮甜可口!

除咗湯底之外,麵底同配料嘅配搭亦都係一絕!麵身偏硬,但配上香濃嘅湯底,入口唔會有黏稠嘅口感。另外,雞肉、糖心蛋、小蕃茄等配料味道唔太濃烈,唔會搶走湯底嘅鮮味。更重要嘅係,當你開始覺得甜膩時,食一啖配料,就可以解除口腔入面嘅油膩感!總結兩個字: 一流!

image

ごちそうさまでした!

 

地址: 東京都中央区銀座4-4-1 銀座Aビル 1F

餓底小編推介指數:  ★★★★★★★★(10分滿分)

 

#2 無敵家

image

第二間小編要介紹嘅拉麵店就係「無敵家」啦!相信哈日一族對「無敵家」都會好熟悉,一間著名拉麵店,一間無論咩時間都要排隊嘅拉麵店!

image

小編出發之前都知道排隊需時,所以特登早啲去到。點知5點鐘「無敵家」門口已經開始出現人龍!

image

門口嘅裝飾品,說明「無敵家」嘅拉麵係十分足料,絕對唔兒戲!

image

菜單除咗有日文之外,仲有中文、英文同泰文,方便旅客選擇食物 ~

image

終於入到去啦(^0^) 「無敵家」提供唔同嘅調味料比大家任意選擇。

image

除咗調味料之外,仲有青森縣嘅大蒜同激辛芥末菜可以畀大家加落去拉麵 ~

image

有拉麵食喇! 咁辛苦排隊係值得㗎 (T,T)

image

等小編介紹下先,首先第一碗出場嘅係「カニみそ麵」,一碗以豬同雞為湯底嘅原料,之後加入由烏取縣直送嘅蟹黃所製成嘅拉麵。如果你合埋眼聞落去,你會以為檯上面嘅係一隻已經煮熟咗嘅膏蟹而唔係一碗拉麵,香味十足!而且香濃嘅湯底,帶出蟹膏嘅鮮甜並喺口腔入面徘徊,對於係海鮮控嘅小編嚟講係絕對一種享受!

image

第二碗份量十足嘅拉麵就係「和風‧角煮麵」,一碗被譽為最強拉麵嘅拉麵皇者!麵身採用北海道麵粉,加上大份量足足有200g嘅燉肉,絕對係大胃皇必食嘅拉麵。湯底香濃係基本啦,配上入口軟滑嘅燉肉,完全可以品嘗到豬骨嘅甜味。係無人會唔鍾意嘅拉麵啊! 不得不提嘅係,「和風‧角煮麵」每日只會喺10:30和18:00兩個時間後各賣30份,想食嘅朋友記得要預返時間喇!

 

地址: 東京都豊島区南池袋1-17-1

餓底小編推介指數:  ★★★★★★★★(10分滿分)

 

大家睇完之後係唔係好想即刻飛去日本食呢!? 唔好等喇,心動不如行動,如果大家有好西特別推介,歡迎inbox餓底小編喔!

【跟住餓底小編食好西】
餓底日誌 – 日本KitKatの朱古力新発見
餓底日誌 – 1個地方食盡好泰國好味道!
餓底日誌 – 食の力考驗 由原宿食到澀谷 (上)
餓底日誌 – 食の力考驗 由原宿食到澀谷 (下)

 

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: