交通指南台灣旅遊資訊

【台灣交通】台灣高鐵台鐵全攻略

台鐵、高鐵成日都分唔到邊個打邊個?驚搶唔到飛又或者唔識用台灣嘅自動售票機?等KKday教路,話你知高鐵台鐵有咩分別同埋點樣買平飛啦!

KKdap App

#雙鐵比較

#購票教學

1. 高鐵 – 買飛教學

買飛方法包括網路訂票系統、便利商店ibon、手機T Express App同埋車站售票窗口。攞飛呢就可以喺車站窗口、自動售票機、或者透過T Express攞電子車飛,亦都可以喺便利商店攞飛,但每張飛就會收取10蚊台幣手續費。

自動售票機點樣用?

【Step 1 搵到自動售票機先】

圖片來源|KKday

一般自動售票機會喺人工售票口隔離,通常都唔洗排隊嘅~
【Step 2 揀你要買嘅車飛】

圖片來源|KKday

有分「自由座」同「對號座」,如果喺網上買好飛就噤「一般取票」;跟住揀「單程票」或「來回票」、「起程站」同「到達站」,姐係話除咗可以買即時用嘅車飛之外,你仲都可以買定預購票(對號座)。例如我依家喺台北站,聽日下晝要由台中站搭去高雄站,我可以事先喺台北站買好飛聽日用。

買對號座嘅話,每班車都有分標準車廂同商務車廂。

▶︎自由座:自由座嘅飛可以當天任何時間、班次乘搭自由座嘅車廂,係冇劃位嘅,適合臨時買飛或趕時間嘅人。每班車都有自由座嘅車廂,一般係第10~12節。(自由座票價

▶︎票種:有分成人票、孩童半價票(6~12歲,身高150公分以上就要出示證件)、敬老半價票(滿65歲)、愛心半價票(持身心障礙手冊,同行其中一人都可以買愛心陪伴票,都係半價)、團體票(11人以上,每張票95折,須事先申請

▶︎ 會員制:「高鐵會員TGo」分企業會員同個人會員,可以透過消費搭車累積點數,點數可以以折扣買飛,仲有生日禮、指定班次優惠,成日搭高鐵嘅人不妨註冊會員啦~

【Step 3 俾錢】

可以用現金、信用卡、銀行卡或銀聯卡四種方式俾錢。螢幕下面有入卡卡槽同感應區,現金付款喺右邊,找散銀、收據同車飛會喺最下面出。

圖片來源|KKday

【Step 4 搞掂!】

唔洗兩分鐘就可以輕鬆攞到車飛!

圖片來源|KKday

用T Express App 攞電子車票都非常方便,隨時都可以訂飛、攞飛、改班次、退飛,入閘果陣喺感應區掃QR Code就得。

圖片來源|KKday

車站售票窗口分為普通飛、商務車廂或升級、特殊專用窗口,唔好排錯隊啊~

圖片來源|KKday

▶︎優惠飛:高鐵飛咁鬼貴,一定要諗辦法搶平飛,以下係幾種方式可以幫你減低成本~

  • 早鳥票:高鐵飛越早訂越平,搭車日前嘅28日到前5日,由65折開始賣,賣完輪到8折、9折。因為係限量,想買嘅就要手快腳快喇!(但都有啲時段係冇提供早鳥飛嘅)
  • 大學生優惠:大學生(持學生證)喺搭車日前28日到前5日可以買到5折、7折、85折飛,但只適用於有台灣大學學生證嘅學生~
  • 定期票:第一次用起計連續30日,無限次乘搭自由座。只可以本人使用,如果每日用兩次差唔多係正常票價嘅48折,如果要喺唔同縣返工嘅都幾抵用。(票價表
  • 回數票:第一次用起計45日內,8次乘搭自由座,只可以本人使用,係正常飛嘅85折。(票價表
  • 周遊券(遊客限定!):對外國旅客嚟講,買周遊券仲抵,可以根據你嚟玩幾多日再買唔同嘅周遊券。但要注意嘅係雙鐵周遊券裡面台鐵有部分係唔可以劃位㗎~
  • 經KKday訂購嘅外國人限定8折優惠電子票!

▶︎【台北出發】台灣高鐵8折優惠車票(外國人限定電子票)
▶︎【台中出發】台灣高鐵8折優惠車票(外國人限定電子票)
▶︎高鐵周遊券(外國人限定),無限次搭乘高鐵

2. 台鐵 – 買飛教學

買飛方法包括網路訂票、現場或者便利商店買飛。網路訂票可以揀網上直接用信用卡俾錢同埋ibon攞飛兩種方法,同時便利商店ibon亦都可以買飛,買飛唔洗手續費,但攞飛就每張收8蚊台幣手續費。現場買飛除咗排隊窗口外,用自動售票機仲快仲方便。

悠遊卡(EasyCard)、一卡通(i-pass)、icash同埋HappyCash都可以用喺台鐵全線同支線,嘟一下就可以入閘。不過就唔可以劃位,同埋超過70公里就要補現金,只係適用於短程,大概由台北到桃園嘅距離。

台鐵自動售票機分為短程售票機對號列車售票機,短程售票機好舊,淨係會寫你所在個站附近嘅車站,係提供俾搭區間車嘅乘客買飛用。

圖片來源|KKday

對號列車售票機就係一般嘅售票機,可以買長程車飛同預售飛。

圖片來源|KKday

短程售票機

圖片來源|KKday

短程售票機因為比較舊,冇先進嘅觸控螢幕,係按鈕形式嘅。版面清楚寫咗1~5步驟,只可以買短程車站車飛。

【Step 1 先確認金額再入錢】

睇清楚售票機上面嘅價錢再入相應金額。

圖片來源|KKday

【Step 2 噤制】

可以睇到下面「到達站」嘅選項唔多,只有附近嘅小站,啲制已經舊到一個點~

▶︎注意:呢部機係只可以買到當日嘅車飛喔~

圖片來源|KKday

【Step 3 攞飛!】

搞掂!無論睇幾次都覺得區間小票好得意啊~

圖片來源|KKday

對號列車售票機

呢部機可以買到當日或預售飛,仲可以訂飛、攞飛,但係只賣對號列車,區間車票係唔可以喺度買㗎!

【Step 1 揀車站同班次】

圖片來源|KKday

你需要揀起點站、到達站、班次、票種同埋買幾多張,自動售票機好在呢就係可以自行劃位,一般我哋喺網上訂飛係冇得揀位嘅,如果你好似小編咁鍾意靠窗口坐呢,就要自己揀位喇~

▶︎一般票種:分為成人票、孩童半價票(身高115~150公分,6~12歲)、敬老半價票(滿65歲)、愛心半價票(持身心障礙手冊,陪伴者一人都可以購買愛心陪伴票,同樣係半價)

【Step 2 俾錢攞飛!】

台鐵有現金同信用卡兩種俾錢方式。

圖片來源|KKday

#關於購票補充

如果你想要臨時補票升等或改票嘅話就可以到人工售票口補差額,再從人工通道進站。另外,相同等級金額嘅車票係可以互通㗎,例如小編買咗13:07分嘅太魯閣自強號,但就想提早搭12:58分嘅自強號係可以㗎!只要上落車站、列車等級一樣就可以,不過就唔保證有座位~所以趕唔切上原定班次嘅人只要請站長簽證一下就唔洗擔心啦。

▶︎小編提醒:如果想要保留車票根做紀念嘅話就可以行人工通道,俾站務員蓋個印就可以保留張飛,如果唔係台鐵車票係會被自動機器回收㗎~(人工通道通常喺入閘位最右邊)

圖片來源|KKday

▶︎特殊票種:

  • 花東悠遊券:如果想玩東部嘅話,花東悠遊券會係一個唔錯嘅選擇,可以喺規定日數內兩地之間無限搭乘,輕鬆玩轉花東縱谷!(價錢為台灣)

  • 一日券:特殊觀光路線有出一日遊券,好似係集集線、內灣線、平溪線等。

▶︎台鐵買票tips:連假前後嘅火車票通常好難買到坐位,如果你唔想一路企好幾個鐘車程,可以試下分段式買票,買到坐票嘅機會就會多咗!例如你想買台北到台南嘅車飛坐位賣晒喇,你可以試下買中間段次,好似係台北到彰化或苗栗到台南,可能會發現驚喜㗎~

#知道嘅有著數

高鐵

圖片來源|Fotolia

月台

高鐵月台簡單,分北上月台同南下月台,月台入面有當眼嘅時間表,記得10~12車廂係自由座喔~

圖片來源|KKday

車廂內

車廂內空間幾大,前後都可以放到大型行李,自由座車廂靠近門嘅座位係博愛座。

圖片來源|KKday

高鐵嘅座位係可以旋轉嘅,最外面嘅座位下面有個腳踏板,踩落去就可以整排旋轉,成班人去旅行嘅時候仲可以打牌!調整椅背嘅地方喺扶手前面。

圖片來源|KKday

廁所&販賣機

圖片來源|KKday

高鐵同台鐵最大分別就係並非每節車廂同車廂中間都有廁所,座位前方嘅折疊枱會話你知列車設施。

▶︎ 高鐵秘密:高鐵分直達車、站站停同跳蛙式三種停站模式,直達車速度最快班次少,想搶直達車車飛,只要睇班次編碼就可以知道,編碼分為三碼(每天行駛)同四碼(非每日行駛),三碼睇第一個數字,四碼睇第二個數字,ex:1XX or X1XX。

台鐵

圖片來源|Fotolia

台鐵對號列車有兩種,自強號速度最快,其次係莒光號。非對號列車則可以買票直接上車,座位任你坐,幾乎每個站都會停,有區間車同普快車兩種,區間車好常見,亦都平啲,適合backpacker同唔趕時間嘅朋友搭。

東部幹線太魯閣號、普悠瑪號係唔賣站票嘅,所以喺連假期間或者旅遊旺季,東部嘅票不嬲都一位難求,記得記得記得要提早訂飛啊!

▶︎ 小編提醒:唔係每個車站都有儲物櫃,去之前要喺台鐵網站上查清楚喔。

圖片來源|KKday

#觀光鐵道

好多人旅行都鍾意租車,但係其實搭火車都係一種好正嘅旅行方式,台灣一啲鐵道路線沿途有好多好靚嘅風景,除此之外,有啲懷舊車站仲成為鐵道迷朝聖嘅地方。

阿里山森林小火車

圖片來源|Shutterstock

阿里山小火車喺旅遊旺季嘅時候一票難求,因為人人都想上阿里山睇日出,而小火車就係阿里山嘅名產!想像一下精緻復古嘅小火車喺深山穿梭,幾咁浪漫啊~

高山鐵路網唔易建造,好似阿里山火車仲有支線嘅高山鐵道仲少見,由嘉義車站經奮起湖到阿里山車站為本線,其餘支線由阿里山車站出發,包含沼平線、行經沼平嘅祝山線、神山線、停駛嘅眠月線同埋啱啱營運嘅水山線(森鐵式郵輪列車)。如果要睇日出就要乘搭祝山線嘅觀日列車,沼平線同神木線屬於阿里山森林遊樂園區。

▶︎小編提醒:目前本線因爲維修緊最遠只去到奮起湖車站,由奮起湖到阿里山站就要轉搭公車。
▶︎小編補充:阿里山森林鐵路並唔算喺台鐵系統裡面,屬於另一個系統,所以購票方式都唔同。
▶︎火車路線圖火車時間表火車票價表
▶︎買票方式:分現場買飛、網路訂票兩種,現場買飛可以去台鐵電腦售票站或森林鐵路嘉義站、北門站、奮起湖站、阿里山站買。祝山線因為係觀日列車,所以唔開放網路訂票,只可以喺森林鐵路嘉義站、北門站、奮起湖站同阿里山車站2樓售票處買飛。而非對號列車就只可以當日喺森林鐵路沿線售票口買飛。
▶︎【獨特阿里山火車旅行】阿里山小火車二日遊(含森林鐵路線與祝山線)

平溪線

圖片來源|Fotolia

平溪線由新北市瑞芳搭車連接侯桐、十分、平溪、青桐等觀光景點,早期係運煤支線,依家變做台鐵最受歡迎嘅一日遊支線之一。沿線鐵道懷舊風景純樸,只要買平溪線一日遊券就可以一天內無限次上落車,將平溪各站玩到盡,玩晒侯桐貓村、十分瀑布、青桐老車站及平溪老街,最後一定要喺十分放天燈祈福,只係班次唔多要排好時間注意時間表喔。

▶︎一日遊券 全票80元台幣 / 優待40元台幣
▶︎火車時間表
▶︎購票車站:板橋、台北、松山、基隆、八堵、瑞芳、猴硐、宜蘭、羅東、平溪、菁桐、十分。
▶︎【沿著平溪線去旅行】野柳・十分・九份共乘一日遊

內灣線

圖片來源|Coral Hou

位於新竹嘅內灣線經新竹、竹東、合興達內灣站,建議唔好由新竹直接坐到內灣,班次好少,所以最好係由竹東轉車,班次一小時一班。內灣沿線最有名嘅係內灣老街,除咗傳統客家美食外,內灣戲院、內灣吊橋、劉興欽博物館都值得一去,適合親子郊遊。而合興車站就係傳說中嘅愛情火車站,近年更因為薰衣草森林遊客越嚟越多,情侶一定要去啊!
▶︎一日遊券 全票95元 / 優待50元
▶︎火車時刻表
▶︎購票車站:竹南、苗栗、台中、新竹、中壢、桃園、板橋、台北、松山 、六家、竹東、內灣。

集集線

圖片來源|KKday

南投集集線玩法都好出名,從彰化二水、集集、水里到車埕站,沿途南投山景超靚~早期係木業重鎮,依家變咗做木業展示場、木業教育園區,唔單止可以參觀內部了解當時南投木業嘅歷史,仲有好多DIY活動。而集集站懷舊嘅建築亦吸引好多人影相,沿線知名嘅景點仲有水里蛇窯、集集老街等,去到一定要試下嗰度嘅香蕉酥~

▶︎一日遊券 全票90元 / 優待40元
▶︎火車時間表
▶︎購票車站:竹南、苗栗、豐原、台中、新烏日、彰化、員林、田中、二水、大甲、沙鹿、斗六。

去台灣買咗套票唔洗煩:
▶︎高鐵周遊券(外國人限定),無限次搭乘高鐵
▶︎KKday獨家!桃園機場往返台北市區套票,讓你舒服抵達飯店
▶︎台北10大景點輕鬆玩!台北雙層觀光巴士乘車券

出發之前快啲睇睇:
▶︎【台北交通】機場、市內交通全攻略
▶︎【溫泉攻略】8大溫泉交通全攻略
▶︎【台北美食】台北10大必試地道美食
▶︎【台灣包車】北部、中部包車好去處

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: