台灣絕對可以稱得上係香港文青嘅「鄉下」,一年去幾次台灣都唔怕悶。不過你可能台灣各種必去景點都已經去過,唔知道仲有邊到好去?等KKday為你介紹鮮為人知,唔洗同人逼嘅隱秘景點,一齊黎一場台灣輕旅行喇~~

KKdap App

一、木匠兄妹

木匠兄妹原本係台中后里一間面臨倒閉危機嘅木工廠,但係因為兩兄妹都唔想浪費爸爸一生嘅心血,於是就一齊聯手創立以木工為主題嘅工作坊。係咪聽到背後嘅故事都覺得好溫馨呢?喺依度,你可以跟住木匠兄妹一刀一刀親手打造一隻獨一無二嘅木匙羹,將依份溫馨延續落去~

>>  【木匠兄妹手作體驗】親手製作屬於自己的檜木湯匙
木匠兄妹官網

地址: 台中市后里區舊圳路4-12號

營業時間:星期一至星期日 09:00 – 17:00

二、中社觀光花市 + 張連昌色士風博物館

圖片來源

想睇一大片花海唔一定要去日本、歐洲嘅,台中近郊就有中社觀光花市,可以喺到欣賞到色彩繽紛嘅花海。中社花市一年四季都有唔同嘅花卉綻放,譬如1月至3月有鬱金香,3月至5月有百合花同玫瑰。絕對係影靚相嘅好地方~每年嘅12月至第二年4月,更加可能摘到香甜嘅士多啤梨!如果你係色士風愛好者的話,你仲可以去埋附近嘅張連昌色士風博物館,全方位了解色士風。

中社觀光花市官網
地址︰台中市后里區三豐路469-13號
營業時間 ︰上午9:00~下午6:00(星期一至星期五)
上午9:00~下午9:00 (星期六、日)

張連昌薩克斯風博物館官網

地址:台中市后里區公安路330-1號

>> 【花與音樂之旅】中社花海薩克斯風博物館半日遊

 

三、水里蛇窯文化園區


如果上面介紹過嘅木工太簡單的話,咁不如挑戰下陶藝喇!水里蛇窯文化園區擁有八十年嘅歷史,歷經4代人嘅努力,從一個陶瓷工場變為國際陶藝文化園。你可以係依度跟住陶瓷大師親手捏陶,挑戰一下自己手藝!

水里蛇窯文化園區官網

地址:台灣南投縣水里鄉水信路一段

四、桃米紙教堂

圖片來源

桃米紙教堂並唔係一座宗教場所咁簡單,台灣921地震災情嚴重,為左安慰災民,就興建左依座紙教堂,象徵住希望與重新。紙教堂嘅入面嘅支柱、座椅、屋頂都係用紙做,相當特別。小編特別推薦黃昏夜晚時到訪桃米紙教堂,教堂內昏黃嘅燈光從透薄嘅紙牆身穿透出黎,就好似漆黑中嘅螢火蟲一樣咁奪目啊~~

地址:南投縣埔里鎮桃米里桃米巷52-12號

營業時間:9:00~20:00,假日延長至21:00

(每月的第一個星期三,為園區公休日,如遇國定假日則照常營業)

>>【心靈洗滌之旅】埔里蛇窯、紙教堂一日遊

五、新社香菇園

有無玩過種菇嘅手機遊戲呢?喺新社有真實版嘅香菇園!喺依個香菇園裡面,會有專人為你講解香菇嘅生態,而且仲可以親手採摘香菇。重點當然唔少得即食剛剛出土、最新鮮、唔同煮法嘅香菇!依度簡直就係愛菇人士嘅天堂~~

新社香菇園官網

地址:台中市新社區協成里協中街131號

六、安妮公主花園


有啲咩比同好姊妹一齊係歐式花園一齊嘆下午茶黎得更休閑寫意啊~安妮公主花園希望每個黎到嘅旅客,都可以做一日公主,可以自由自在咁散步於英式風格嘅庭園,然後一邊呼吸清新撲鼻嘅花草香,一邊品嘗精心炮製嘅美食~就好似一圓每個女仔嘅公主夢咁~

安妮公主花園官網

地址:台中市新社區中和里中興街223號

營業時間:09:00 ~ 20:00

大家不防抽一、兩日去台中嘅近郊黎一場淨化心靈嘅輕旅行喇!相信你會發現台中除左繁華嘅一面之外,都有好多可以令人放鬆好地方~