環球旅遊旅遊資訊

【亞洲最美八大夕陽】唔洗錢欣賞日落

「夕陽無限好~卻是近黃昏~」每當日落時,Eason依首歌就會喺小編腦中響起~雖然日出日落每日都有,但好似外國嘅日出日落總係特別啲咁,可能係因為喺旅行途中我地先有閒暇去欣賞夕陽喇~呢家就等小編介紹八大亞洲最靚嘅夕陽,而且重點係唔!洗!錢!一齊睇下喺邊度可以欣賞到夕陽美景喇~

KKdap App

一、印度— 金廟

金廟係印度錫克教徒嘅宗教勝地,亦都係好多遊客慕名黎朝聖嘅地方。金廟嘅正式名叫做哈爾曼迪爾‧薩希卜,意思係「神嘅居所」。由於成間寺廟表面都鋪滿金箔,四周又被人工湖所包圍,每當日落時餘暉照射喺寺廟上,寺廟就會反射出加為耀眼嘅金黃色光芒,再加上湖中倒影,簡直靚到非文字能夠形容啊~~

二、緬甸—烏本橋(U Bein bridge)

有啲景點係要影剪影先夠特別嘅,烏本橋絕對就係其中之一。烏本橋座落於東塔曼湖上,被認為是世界上最古老、最長嘅柚木橋,亦都係當地重要嘅通道。朝早時烏本橋睇落就係平平無奇嘅一條木橋,但當到左日落時份,太陽會落喺東塔曼湖上,再加上人來人往嘅剪影,組成一幅如畫般嘅美景。

>> 【晚霞配美酒】曼德勒烏本橋日落&雞尾酒

三、菲律賓—馬尼拉灣(Manila Bay)

馬尼拉灣旁嘅「落哈斯落日」大道聽個名都知佢最有名嘅就係日落嘅景致。金黃嘅夕陽,加上開揚嘅大海景觀,再配上陣陣海風,令依度變成遊客們散步嘅好地方,最適合情侶們黎依到談談心。

四、尼泊爾—沙朗闊(Sarangkot)

尼泊爾最吸引人嘅一定係自然景觀。莎朗闊位於波卡拉(Pokhara)西北面嘅小山,係非常適合初哥嘅登山路線。日落時,夕陽會將本來潔白無瑕嘅雪山渲染成橙紅色,吸引世界各地嘅遊客特登黎一暏依個美景。

五、香港—尖沙咀海濱花園

原來亞洲最美夕陽之一遠在天邊近在眼前—尖沙咀海濱花園亦都上榜呢!可能外國人就係鐘意香港嘅日落有繁華嘅都市燈光做背景,所以顯得更加迷人。大家黃昏經過時試下放低腳步,欣賞下夕陽下嘅香港啦~

六、日本—東京都廳展望台

同香港一樣,東京都廳展望台都係可以喺城市中欣賞到嘅日落美景。大多數展望台都要收入場費,但東京都廳展望台係完全免費嘅!你可以搭電梯上到45樓,係高空俯瞰成個東京嘅夕陽景緻,而且展望台位於新宿,欣賞完夕陽之後仲可以去行街、食飯,體驗日本嘅夜生活。

七、峇里島—金巴蘭海灘(Jimbaran Beach)

有咩野醉人得過可以坐喺沙灘上,一邊欣賞被夕陽染成不同顏色嘅天空,一邊聽住海浪聲,仲可以食新鮮嘅烤海鮮?以上三個願望,只要你黎到金巴蘭海灘就可以一次過滿足得到。依度咁浪漫迷人嘅美景,亦令佢成為愛侶求婚嘅聖地。

>> 【暢遊絕美蔚藍海岸線】烏魯瓦圖斷崖廟、海龜島&南灣水上活動、金巴蘭海鮮BBQ

八、中國—西湖

西湖嘅靚自古以來已經受人稱頌,好似蘇軾就喺《飲湖上初晴後雨》中用一句「欲把西湖比西子,淡妝濃抹總相宜」黎讚頌西湖嘅美。坐喺岸邊垂柳樹下,你可以靜靜咁欣賞依個千年不變嘅美,或者你就會明白當時蘇軾嘅感受。

>> 【杭州包車】西湖遊船、雷峰塔、斷橋殘雪、西湖一日遊

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!

▲訂閱 KKday電子報,獲取更多旅遊優惠!

關注KKday社交平台動向:

Facebook ▲Instagram ▲YouTube ▲旅友討論區

KKday日韓賞櫻精選期間限定折扣指定產品低至8折,立即了解詳情!限量APP專用優惠碼:KRSAKURA20/JPSAKURA15(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: