快閃台中攻略！如何唔洗請假就玩曬成個台中

係人都知香港地請假難，但又按捺不住自己股旅行癮，好想逃出香港？踏入社會工作嘅你或者可以試下週末快閃。KKday宜家就示範你睇，點樣可以唔洗請假，週末快閃台中！將台中嘅精華濃縮係一個週末～

（圖片擷取自港龍航空官網）

（圖片擷取自香港快運官網）

講到明快閃，當然要用盡每一分每一秒。買星期五晚嘅機票，放左工之後直接就去機場上機！所以建議你都係唔好帶太多行李，最好就backpack添，一早網上check-in定，連等行李嘅時間都可以慳番！星期五晚飛台中小編推薦港龍7點55起飛嘅班次，大約9點半就去到台中嚕～回程就可以揀HKexpress 下午4：15嘅班次，仲有時間俾你收拾心情準備聽朝番工orz

到左台中機場，已經差唔多10點，所以小編會建議你搵一間喺逢甲夜市附近嘅酒店。依個時候，精明嘅你當然唔會等巴士，而係一早安排好接送，帶你由台中機場直奔逢甲夜市！！！

>>> 【台中機場共乘車】台中清泉岡機場至市區接送機服務

星期五晚：投奔台中

逢甲夜市

（圖片來源）

喺酒店放低行李，就可以去逢甲夜市醫肚喇～逢甲夜市可以稱得上係台中入夜後嘅心臟，不單止有各式各樣嘅美食，附近仲有衫、美妝、手機用品等鋪頭，等你可以邊食邊行街。講起逢甲夜市嘅美食，小編就不得不推薦黎到逢甲一定要試下嘅代表食物：「官芝霖大腸包小腸」、木瓜牛奶、紅茶臭豆腐、明倫蛋餅等等。黎到逢甲你一定會抱怨自己點解淨係得一個胃！

營業時間：12:00~凌晨2:00

地址：臺中市西屯區文華路

逢甲夜市商圈官網

星期六：台中精華遊

你知唔知快閃嘅重點係咩啊？無錯就係要快！由於台中有啲景點都幾偏僻同分散，要用好多時間去撘車，所以小編都係強烈建議你包車。

宮原眼科 + 春水堂

（圖片來源）

早餐千祈唔好食得太飽，因為你要留肚黎食台中人氣美食—宮原眼科嘅雪糕同春水堂嘅珍珠奶茶！宮原眼科喺台中無人不識，前身係日治時期最大規模嘅醫院。抗戰勝利後，醫院就一直荒廢，直到2010年先將醫院活化，成為今日買手信同食雪糕嘅地方。除左食物之外，店裡面古色古香嘅裝修，有啲似哈利波特裡面賣魔法杖嘅鋪頭:P

地址： 台中市中區中山路20號

營業時間：10:00 ~ 22:00

宮原眼科官網

（圖片擷取自春水堂官網）

至於春水堂，原來第一杯珍珠奶茶就係喺到出世！位於台中四維街嘅春水堂始創店，喺1987年發明左珍珠奶茶，一路發展落去，成為台灣代表飲品。鐘意飲珍珠奶茶嘅朋友一定要去朝聖啊~

地址（四維店）： 台中市四維街30號

營業時間：08:00 ~ 22:00

春水堂官網

小貼士：早餐請留肚~~

彩虹眷村

（圖片來源）

彩虹眷村絕對絕對絕對係黎台中必到之處！整條小村畫滿左色彩繽紛嘅璧畫，充滿童趣，係一個令人一去難忘嘅地方。喺彩虹眷村你可以一邊欣賞「彩虹爺爺」嘅畫作，一邊影相，絕對係影靚相必到之處～偷偷講個秘密你知，「彩虹爺爺」係識講廣東話架，如果好彩見到「彩虹爺爺」，記住用親切嘅廣東話同佢打招呼喇~

開放時間：早上

地址：臺中市南屯區春安路56巷 (嶺東科技大學附近 )
彩虹眷村官方網站

小貼士：彩虹眷村裡面仲有人住架，所以參觀時盡量都唔好喧嘩

路思義教堂

（圖片來源）

位於東海大學嘅路思義教堂，外型就好似為莘莘學子禱告中嘅雙手，係東海大學最有名嘅地標。前方有一大片草地，學生同遊人都可以坐喺草地上面玩。有好多新人都會選擇喺依度影結婚相添～

地址：臺中市西屯區臺灣大道四段1727號

開放時間：每週日上午8:30、9:45及11:15在路思義教堂各有一堂主日崇拜。

高美濕地

（圖片來源）

黃昏前快啲趕黎高美濕地，欣賞最美嘅夕陽！ 高美濕地嘅前身係高美海水浴場，但隨住台中港啟用，高美海水浴場嘅泥沙日漸淤積，於是就造就左今日生態豐富嘅高美濕地。高美濕地有一條長長嘅木橋，遊客可以係上面觀賞濕地嘅小生物，而橋嘅盡頭仲可以見到幾座標誌性嘅風車。你可以踩上濕地，影低水天一色嘅美景。到左黃昏，太陽緩緩落下，成個天同濕地都會變成紫紅色，超級無敵靚！！

地址：臺中市清水區大甲溪出海口高美濕地

高美濕地官網

小貼士一：如果你打算落水的話記得要著短褲同帶毛巾、拖鞋

小貼士二：高美濕地比較偏僻，而且走時有十萬九千人一齊搶的士，所以最好都係包車

星期日：做隻飽鬼遊

草悟道

（圖片來源）

上機前嘅時間都絕對唔可以浪費，玩到最後一刻～草悟道係指從國立自然科學博物館、勤美誠品綠園道，一路去到市民廣場嘅大道。一路上有唔同嘅藝術裝置，仲有好多手作鋪頭，連誠品都係附近，仲唔係文青天堂？！而且附近仲有好多特色cafe同餐廳，可以食飽飽先番香港！

地址：臺中市西區向上北路

食飽就係時候上路喇T.T 其實短短3日快閃台中都唔係想象中咁難姐～3日2夜就可以遊盡台中精華景點。叉足電番香港又再摶殺過！

快閃台中必備神器：

>>> 【台中機場共乘車】台中清泉岡機場至市區接送機服務

>>> 【2人成行】台中高美濕地、宮原眼科、彩虹眷村半日遊

你可能有興趣：

>>> 台灣版的「紐西蘭」到過了嗎？台中的十個必去景點
>>> 台中包車一日遊 海陸空玩足10小時

▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的 喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！

KKday 網頁: www.kkday.com
KKday Facebook: KKday