環球旅遊

餓底日誌 – 食の力考驗 由原宿食到澀谷 (上)

image

圖片來源

KKdap App

話說早排餓底小編放左自己10日大假,去左沖繩同東京旅行。其中1日去左行原宿、表參道同澀谷。唔好以為小編我會齋Shopping唔食野,今次餓底小編就分享返我點樣由原宿一路食到澀谷!

image

餓底小編搵食路線圖

今次嘅起點由原宿出發,路經竹下通、表參道,最後到達澀谷食晚飯!

竹下通

image

只要出了JR原宿站,然後左轉就會到達竹下通。竹下通俾我嘅感覺就好似香港嘅旺角一樣,林林種種嘅商鋪售賣不同嘅商品,有食嘅、有書包、有T-shirt 等等。

#1 竹下通 – 麥當勞 (波子汽水味奶昔)

image

唔喺講笑,當我經過麥當勞見到張Poster,諗都唔諗就沖左入去買。 其實喺我飲之前,唔識日文嘅我喺唔知杯奶昔喺咩味,Google Translate後先知原來喺波子汽水味!講返杯波子汽水味奶昔,餓底小編覺得雖然麥當勞奶昔一向偏甜,但相比平時飲開嘅朱古力味同士多啤梨味奶昔,新口味少左一份砂糖味,而多左意想不到嘅清新!但波子汽水味就唔太突出,如果味道再濃郁多少少就好喇。依杯波子汽水味奶昔承惠 120 YEN。

餓底小編推薦指數:  ★★★★★(10分滿分)

#2 竹下通 – COLD STONE

image

麥當勞前面行前多幾步就可以見到的是 COLD STONE!COLD STONE 喺一間雪條專門店,你見到佢地嘅Menu 上面有唔同種類的雪條可以選擇!

image

而餓底小編就俾果汁雪條吸引住!

image

最後選擇左橙味果汁雪條!小編可以講條雪條好橙,唔好以為我講笑。當你第一啖食落口,你只食到一陣好酸好酸的橙味。而這種酸酸的味道就好似將成個橙100%原汁原味濃縮到變成條雪條一樣。大熱天時食完支酸溜溜嘅橙味果汁雪條,成個人都涼爽曬 (^ 0^) 橙味果汁雪條承惠 200 YEN。

餓底小編推薦指數:  ★★★★★★★(10分滿分)

#3 竹下通 – Calbee 專門店

image

當小編拎住支酸溜溜嘅橙味果汁雪條一路食一路行嘅時候,行多幾步就見到Calbee專門店。因為Calbee前排喺灣仔開左專門店,所以小編本身無太大嘅反應。但小編就俾Calbee原宿店限定嘅薯片(有辛辣味同蜂蜜芝士味)吸引住,所以決定入去睇下!

image

入到去發現,除左有原宿店限定嘅薯片(有辛辣味同蜂蜜芝士味)之外,原來重有Calbee夏天限定味道嘅薯片(有朱古力花生味同酸奶油味)、杯杯薯條等等。由於有太多太多嘅選擇啦,所以小編我都1516左一陣。究竟揀蜂蜜芝士味定朱古力花生味好呢? 最後都係決定揀蜂蜜芝士味。揀嘅原因好簡單,因為驚之後去第2間Calbee專門店會食唔到原宿店限定味道 (T,T) 提提大家,如果驚食完薯片會口渴,可以喺Calbee專門店內買可樂,100 YEN 杯,CP值高!

image

新鮮出爐嘅薯片好脆身,配上冷冰冰嘅蜂蜜芝士醬汁,一冷一熱嘅口感令小編食唔停口!可惜嘅喺食到尾段蜂蜜芝士醬汁就俾我食曬唔夠多,只可以淨食原味著片(T,T)

餓底小編推薦指數:  ★★★★★★★(10分滿分)

#4 竹下通 – ¥1000 放題

image

終於行到竹下通嘅出口,點解見到間居酒屋做 1000 YEN放題,見到都好似幾大份,份量十足 (0.0) 不過 1000YEN 放題只限女性,小編我就幫唔到大家去試喇(T,T)

餓底小編期待指數:  ★★★★★(10分滿分)

唔好以為餓底小編食完個原宿啦!下一集,餓底小編帶大家深入表參道同澀谷,同大家一齊去搵好澀谷好味道!!!

餓底教室

Easy Job – 簡單日式和菓子教學

跟住餓底小編食好西

餓底日誌 – 築地市場 忍耐力の極限挑戰

餓底日誌 – 日本KitKatの朱古力新発見

餓底日誌 – 1個地方食盡好泰國好味道!

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: