旅遊資訊歐洲

【北歐極光】極光周邊景點整理(下)

上一次KKday同大家睇咗丹麥同瑞典嘅極光週邊靚景點,但大家都知睇極光仲有好多地點可以去,咁如果去挪威、芬蘭同冰島呢啲睇極光熱點又可以去邊玩?除咗睇極光仲有咩活動可以一次過體驗埋?小編今集就帶你睇埋有咩好地方好去啦!

KKdap App

1. 挪威:特羅姆瑟 Tromso

圖片來源|Fotolia

挪威的森林你就聽得多,挪威嘅特羅姆瑟(Tromso)就唔係好多人知~呢度其實係挪威嘅「極光之都」,亦都被CNN列為十大極光觀測地。呢度交通方便、又冇咁凍,好適合香港人去,但係想睇到極光就要多啲運氣~

▶︎極光小知識:因為挪威嘅緯度高,KP指數喺1~2就可以睇到極光。想睇得清楚啲,可以去海灣公園(Telegrafbukta)、Lake Prestvannet,呢兩個地方比較空曠、少光害,最重要係交通方便!
▶︎觀看極光時間:9月-3月都有機會睇到極光,11月-2月係旺盛期

#特羅姆瑟極光船 SS Johanna

圖片來源|KKday

個個都想睇極光,唔通個個都想凍住睇極光咩!如果想嘆住睇極光,小編就強烈推薦挪威嘅極光船!坐喺挪威嘅文化遺產SS Johanna上面,睇住極光、聽住歌、食住挪威傳統美食、飲住酒,簡直係人生一大享受!

▶︎集合時間:18:00pm
▶︎集合地點:克拉麗奧邊緣酒店 Clarion Hotel The Edge (Kaigata 6, 9008 Tromsø, Norge)
▶︎唔想凍住等極光,SS Johanna 極光船帶你喺最靚海灣看極光~

#賞鯨、Polaria博物館

圖片來源|KKday

去到挪威點可以剩係睇極光!由每年5月開始就可以喺挪威賞鯨,座頭鯨、虎鯨都係比較常見。除咗賞鯨,你亦都可以去埋Polaria博物館了解下極圈生態系,喺模擬室入面體驗北極圈生活。

▶︎ 挪威賞鯨、極光兩種行程一次滿足!

#海灣公園 Telegrafbukta

圖片來源|Shutterstock

如果擔心喺特羅姆瑟市中心會因為光害而睇唔到極光,你可以考慮可以去Telegrafbukta 海灣公園。公園距離市中心比較遠、較少光害,交通都算方便,係極光自由行嘅首選行程。而且,極光倒映喺湖面上面真係好靚!

▶︎地址:Mellomvegen 142, Tromso 9006, Norway
▶︎交通:喺市區搭34、37號巴士到Tromso museum,落車後行200m公尺左右,詳細路線資訊可以上官網查詢。

#北極大教堂 Arctic Cathedral

圖片來源|Shutterstock

同傳統教堂好唔一樣,北極大教堂好似一座冰山,係一個巨型白色三角形,亦係特羅姆瑟嘅代表性現代建築。教堂裡面古典華麗嘅馬賽克大型壁畫,加上簡約擺設,有一種淡雅、華麗交融嘅美感。

▶︎地址:Hans Nilsens vei 41, 9020 Tromsdalen, Norway
▶︎詳細資訊:北極大教堂
▶︎開放時間:
01/02 – 03/31:14:00 – 18:00
04/01– 05/31:15:00 – 18:00
05/31 – 08/15:09:00 – 19:00 (週日 13:00 – 19:00)
08/15 – 12/31:15:00 – 18:00
▶︎入場參觀費:NOK 50
▶︎交通:可以搭巴士20/24/26/28路線,可上官網查詢相關資訊。

#Fjellheisen山頂纜車-Mount Storsteinen 賞夜景

圖片來源|Shutterstock

想睇特羅姆瑟嘅夜景?最好就係揀搭Fjellhesien 纜車去Mount Storsteinen,車程4分鐘,可以俯瞰成個特羅姆瑟嘅城市樣貌同海灣地形!

▶︎地址:Solliveien 12 N-9020 Tromsodalen
▶︎詳細資訊:Fjellheisen
▶︎開放時間:
5/15~8/15:10:00 – 01:00 (最後搭乘時間00:30)
8/16~5/14:10:00 – 22:00 (最後搭乘時間21:30)
▶︎成人票價:NOK 170
▶︎交通:喺北極大教堂行約10分鐘左右。

#特羅姆瑟冬季越野滑雪

圖片來源|Shutterstock

越野長跑、越野單車就聽過,想唔想試下越野滑雪?就咁諗已經覺得好刺激!如果好彩嘅話仲可能會喺滑雪過程中見到極光㗎〜

▶︎ 挪威冬季越野滑雪要點樣報名參加?

#極地博物館The Polar Museum

圖片來源|Fotolia

特羅姆熱曾經係挪威海豹狩獵嘅中心,所以喺極地考察中非常重要。極地博物館嘅外型好似一個喺海邊嘅大紅色倉庫,展出咗航海設備、船舶同生活在極圈民族嘅歷史。如果想深入咁了解北極熊或者極圈獵人嘅生活,大家可以去呢個博物館睇睇〜

▶︎地址:Søndre Tollbodgate 11B, 9008 Tromsø, Norway
▶︎詳細資訊:The Polar Museum
▶︎開放時間:
01/01 – 06/14: 11:00 – 17:00
06/15 – 08/05:09:00 – 18:00
08/16 – 12/31:11:00 – 17:00
▶︎成人票價:60 NOK
▶︎交通:搭21號巴士,喺Polaria落車,再行大約16分鐘去The Polar museum。

2. 芬蘭:羅瓦涅米 Rovaniemi

圖片來源|Shutterstock

芬蘭嘅羅瓦涅米(Rovaniemi)係睇極光嘅重要區域,但係因為緯度較低,要KP指數3以上先可以睇到極光。不過呢度嘅景點、活動比較多,好似聖誕老人村、芬蘭浴、雪橇等,想行程充實啲就可以選擇去芬蘭睇極光!

▶︎睇極光時間:9月-3月都有機會睇到極光,11月-2月係旺盛期

#北極雪酒店 Arctic snow hotel、桑拿浴

圖片來源|KKday

Do you want to build a snowman?喺芬蘭除咗睇極光,你仲可以去北極雪酒店參觀下。北極雪酒店係用木建築打底,再用冰雪鋪喺上面建造而成,裡面有冰雕寢室、Ice Bar、冰雪走廊,直程好似Frozen嘅Elsa女王整出嚟咁。喺酒店食個晚餐,再浸一個露天桑拿浴、一邊欣賞雪景,可能呢啲就係Elsa同Anna嘅日常生活!

▶︎喺夢幻北極雪酒店享用午餐!

#住玻璃冰屋(Glass Igloos)欣賞極光

圖片來源|KKday

Arctic Snow Hotel& Glass Igloos有360度全景玻璃冰屋,你可以舒舒服服咁攤喺床上、開住暖氣,再望住揮舞天際嘅極光,睇到咁嘅靚景,誇張啲講句—可以話係死而無憾!最貼心嘅係酒店仲有極光警報服務,就算太舒服瞓著咗都唔洗驚會錯過咗極光出現!

▶︎訓喺極光、滿天星空嘅懷抱之下,發一個夢幻嘅美夢啦!

#聖誕老人村 Santa Claus Village

圖片來源|Shutterstock

小編細個嗰時一到聖誕節就會掛隻襪喺床頭,幻想聖誕老人會喺煙囪入嚟放禮物!(p.s. 小編覺得抽油煙機就係煙囪!)大個咗去到聖誕老人村就一定一定要實現兒時夢想!

圖片來源

將Postcard放入紅色郵筒,就可以喺聖誕節收到由聖誕老人村寄出嘅明信片!喺聖誕老人村除咗同聖誕老人影相、聽故仔同寄Postcard之外,仲有一樣必做嘅事—跨越北極圈線!喺聖誕老人村入口前面,有一條粗白色線,寫住“北緯66度33分”,只要搭前一步就可以踏入北極圈〜你仲可以加錢要張「抵達北極」證書,同埋喺護照上面留低「抵達北極」嘅印章以作紀念!

▶︎地址:Napapiiri, 96930 Rovaniemi, Finland
▶︎詳細資訊:聖誕老人村
▶︎交通:羅瓦涅米市集撘8號線巴士,約10-15分鐘直達。
▶︎門票:免費
▶︎聖誕老人郵局開放時間:季節唔同開放時間都不同,建議出發前上官網查詢。

#奧蘭卡國家公園 Oulanka National Park

圖片來源|Shutterstock

奧蘭卡國家公園有壯觀嘅山川地帶,喺度除咗森林、河谷、急流、山嶺等大自然風景,仲有蘭花、灰熊等等珍貴嘅稀有物種,係好多大自然愛好者嘅必到景點。夏天嚟到可以遠足、划獨木舟,而冬天就可以見到銀白色嘅針葉林環繞住清澈嘅淡藍河水,好似唔小心跌咗落仙境咁~

▶︎地址:Kuusamo, Finland
▶︎交通:
(1) 如果喺羅瓦涅米過去,可以選擇搭火車到奧蘭卡國家公園,時間表可參考官網
(2) 若要搭巴士,喺歐魯(Oulu) 出發會比較方便、班次都比較多,可以上官網查詢。
▶︎詳細資訊:奧蘭卡國家公園

#赫爾辛基 Helsinki

圖片來源|Shutterstock

赫爾辛基係芬蘭嘅首都,交通便利,搭巴士、火車去其他地區都好方便。自由行嘅團友可以喺赫爾辛基行下市中心,留一、兩日再搭北極特快車嘅夜舖火車去羅瓦涅米,官網會喺60日前開放訂票。

5. 冰島

圖片來源|Fotolia

最後,小編要介紹嘅就係大家都識嘅「極光勝地」冰島!只要天氣好、KP指數有3以上,冰島全國都可以睇到極光~而最特別嘅係,冰島成個國家都超級、極之、好多景點,根本唔驚唔夠玩!喺冰島自駕遊會比較方便,不過都有巴士路線俾遊客~

▶︎睇極光時間:9月-4月都有機會睇到極光,12月-1月機會率更加高
▶︎【北歐極光】冰島極光必睇攻略
▶︎【冰島】必去景點、旅遊路線推薦
▶︎賞極光仲有中文專業導覽團,好抵啊!
▶︎冰島黃金圈一日遊

以上就是小編推介嘅北歐極光景點同周邊好去處。如果大家想睇極光,喺極光旺盛期、光害比較少嘅地方會大啲機會遇到,不過講到尾都好講運氣㗎~祝大家追光之旅順心!

想去極光旅行?不如睇埋我哋其他極光攻略:
▶︎【北歐極光】極光周邊景點整理(上)

去到北歐又想睇極光但又怕麻煩?其實仲有好多選擇:
▶︎【冰島極光團】雷克雅維克超級吉普車極光追獵半日遊
▶︎【在瑞典追尋那一道光】阿比斯庫極光攝影團

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: