旅遊資訊中國

【西藏丨預算篇】KKday西藏自由行全攻略!

image

話咁快,KKday西藏自由行攻略就黎到最後一篇啦!冇錢又要去旅行嘅小編,每次都計過度過先出發,到底去西藏要幾多錢?坊間私人成團或者普通旅行團抵唔抵玩?一齊黎參考下小編嘅行程,動動腦計計數!

KKdap App

image

小編七月中出發,屬於旺季,旅程一共十六日,扣除交通時間(飛機&火車)就有十一日。先簡單分享下我嘅行程,等大家容易啲理解~

Day 1 – Day 2 香港→上海→拉薩

Day 3 拉薩→巴松錯→林芝

Day 4 林芝→卡定溝天佛瀑布→拉薩

Day 5 拉薩→羊卓雍錯→日喀則

Day 6 日喀則→珠峰大本營

Day 7 珠峰大本營→日喀則

Day 8 日喀則→納木錯

Day 9 納木錯→拉薩

Day 10 – Day 12 拉薩(隨便亂逛)

Day 13 拉薩→西寧

Day 14 西寧→青海湖

Day 15 西寧→上海→香港

image

▲背包客與浪浪@納木措

全部洗費當中,交通開支佔左七成,包括兩程飛機、兩程火車同埋當地包車。去程小編經上海轉飛拉薩,回程就先搭火車去西寧(為左喺青海湖睇星星),第二日再搭火車去上海,再喺上海飛番香港。不過,最貴都係當地包車。由Day 3 – Day 9,合共七日,每日¥1500,三人平分再兌番港紙,大約$4200;另外,西寧包車一日就¥800,兌番港紙就每人大約$300。

雜項包括各種出發前要買嘅物品,例如係電話卡、濕紙巾同急救包等等(想知更多可以睇番行李篇)。

最後,當地消費包括一日三餐(其實唔止)、唔同景點嘅門票同埋廁所錢LOL最貴係去珠峰,入場費每人¥180,邊防證每人¥50,再加進山費(以車為單位)¥400。自己買手信嘅錢就冇計,因為每人洗費都唔一樣。小編覺得其實冇咩好買,想買特產嘅可以試下酥油茶同青粿餅,味道就見仁見智啦~

image

▲清政府駐藏大臣衙門舊址陳列館@八廓街

成個西藏之旅用左唔夠萬五蚊,其實超級抵玩!小編之前問過私人成團嘅價錢,要差唔多三萬蚊,窮_真係冇錢比!當然,自由行係有好多麻煩同燥底嘅地方,所以如果有平平地嘅旅行團行程岩心水,都未嘗唔係懶人嘅好選擇!

【西藏經典八日遊】拉薩-江孜-日喀則-珠峰
> 【西藏經典十日遊】拉薩-珠峰大本營-納木錯
【西藏經典十五日遊】轉山-轉湖-珠峰大本營深度探索 

重溫西藏自由行攻略:

【西藏丨交通篇】KKday西藏自由行全攻略!
【西藏丨行李篇】KKday西藏自由行全攻略!
【西藏丨中伏篇】KKday西藏自由行全攻略!
【西藏丨住宿篇】KKday西藏自由行全攻略!

認識KKday
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

前往 KKday 網站,訂購心水行程!
訂閱 KKday電子報,獲取更多旅遊優惠!

關注KKday社交平台動向:
Facebook Instagram YouTube 旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: