日本旅遊資訊

【日本二次元之旅】動漫迷九大朝聖地

日本呢個神奇嘅國家每年都輸出大量嘅動、漫畫,亦都因為咁吸引咗一批批嘅動漫迷去日本朝聖~想搵「你的名字」入面嘅真實場景?想知道邊度係Jump旗下漫畫嘅朝聖地點?動漫週邊喺邊度買先又多又平?One Piece樂園又喺邊?就等KKday小編幫你盤點動漫迷九大朝聖地啦,一齊嚟個二次元之旅啦!

KKdap App

1. 池袋Animate

身為動漫迷嘅你一定會識Animate!由漫畫周邊到Cosplay服裝一應俱全,以主流嘅動漫為主,其中池袋嘅Animate分別號稱係世界最大嘅動漫商品店,成棟有九層咁多,行到你腳仔軟都得!基本上你想搵今季作品嘅週邊嚟呢度就啱,剩係店內陳設就可以睇到你眼花撩亂,漫畫、碟、海報、人形立牌⋯真係睇到唔想走~

▶︎ 地址:日本〒173-0013 東京都豊島区Higashiikebukuro, 1 Chome−20, 〒170-0013 東池袋1-20-7(座標:35.731423, 139.715477)
▶︎ 電話:+81 3-3988-1351
▶︎ 營業時間:10:00〜21:00
▶︎ 交通:JR、東京地下鐵、東武鐵道、西武鐵道「池袋」站東口行5分鐘(JR路線圖
▶︎ 官網:Animate

2. 東京鐵塔 海賊王樂園

圖片來源|KKday

身為日本嘅經典作品,One Piece終於將魔爪「伸入」東京鐵塔~位於東京鐵塔1樓、3~5樓嘅海賊王樂園已然成為咗全球One Piece迷嘅頭號朝聖地,除咗必備嘅經典場景重現同角色設施之外,呢度仲有山治餐廳、Live show同超好行嘅周邊商店,絕對會令所有海賊迷行到如癡如醉、流連忘返~

▶︎ 官網:Tokyo One Piece
▶︎ 小編建議:買定預售飛會抵玩啲!
▶︎ 地址:東京都港區芝公園 4 丁目 2-8(座標:35.658567, 139.745441)
▶︎ 營業時間:10:00~19:00
▶︎ 交通:
(1) 都營地鐵大江戶線,赤羽橋站落車,由赤羽橋口行5分鐘。
(2) 都營地鐵三田線,御成門站A1出口,行大約5-8分鐘。
(3) 東京Metro日比谷線,神谷町站1號出口,行大約7分鐘。
▶︎ 門票:售票口喺三樓,一樓嘅餐廳同販賣部唔需要飛~
當日票 成人 2200 / 青少年13~18 1700 / 小孩 600 円
預售票 成人 2000 / 青少年13~18 1600 / 小孩 500 円
▶︎ KKday獨家!東京鐵塔海賊王主題樂園門票,慳返排隊時間!

3. 男兒當入樽 平交道

圖片來源|Su

教練,我想⋯去平交道!有睇過男兒當入樽嘅Fans都應該會記得片頭曲入面櫻木同晴子喺平交道前面打招呼,背後映著波光粼粼嘅海面嗰個場景,嚟到平交道就可以見到呢個景色喺面前真實咁呈現出嚟!平交道位於江之電鐵鐮倉高校前站,江之電鐵車身亦都同動畫入面嘅一模一樣,綠色米色相間,散發一種復古味,江之島海岸線景色真係超~靚~每個站都咁值得去。

▶︎地址:日本神奈川縣鎌倉市腰越1丁目1(座標:35.306728, 139.500519)
▶︎交通:東京去鎌倉江之島非常方便,有幾個方法:
(1) 搭JR東海道線、上野東京線、湘南新宿線去「藤澤」站再轉搭江之電鐵去鐮倉高校前站。(江之電鐵路線圖
(2) 搭JR橫須賀線、湘南新宿線去「鎌倉」站再轉江之電鐵去鐮倉高校前站。
(3) 搭小田急電鐵去藤澤站轉江之電鐵再去鐮倉高校前站。(小田急電鐵路線圖
▶︎【經典巡禮】鎌倉橫濱海岸線一日遊!鶴岡八幡宮 古町通 江之島

4. 秋葉原Mandarake

圖片來源|KKday

如果喺主流嘅Animate搵唔到想買嘅野,咁就嚟MANDARAKE尋下寶啦,包你睇到O晒嘴!八層樓高嘅大型二手動漫商品交易處,每層都賣唔同類別嘅野,一樓係收銀處,除了賣普通動漫周邊,仲有機會挖到啲珍貴、難以入手嘅商品,例如係早期絕版或者限量版嘅漫畫、商品咁,甚至仲有人曾經喺度買到作者嘅手稿!據講喺MANDARAKE冇野搵唔到、只有你諗唔到!

圖片來源|KKday

▶︎ 地址:東京都千代田區外神田3丁目11-12(座標:35.700365, 139.770512)
▶︎ 電話:+81 3-3252-7007
▶︎ 營業時間:12:00〜20:00
▶︎ 交通:「秋葉原」站徒步5分鐘,「廣末町」站徒步行5分鐘
▶︎ 官網:MANDARAKE
▶︎ 【日本|東京】秋葉原ACG朝聖之旅

5. 吉卜力美術館

圖片來源|KKday

無論你係咪宮崎駿迷,小編都好推薦大家安排行程去吉卜力美術館!館入面唔單止展示咗好多宮崎駿嘅動畫電影、人物、場景,甚至連動畫手繪原稿都原樣展出,你可以喺度了解到動畫點形成、發展,可以話一入到去就會感受到每個館內精心設計嘅小巧思。

圖片來源|KKday

館入面嘅設計都藉住樓梯之間嘅落差堆疊出唔同嘅空間,一唔小心就覺自己好似喺動畫世界入面蕩失路咁。除咗場內設計用心,就連票券都係用菲林方式呈現,每個人拎到嘅菲林片場都唔一樣,超有心!三鷹之森美術館為咗控制入場人數、確保大家嘅觀賞品質,一日只會開放四個場次,如果想去參觀,小編絕對會建議你事先上網買定飛先~

▶︎地址:東京都三鷹市下連雀1-1-83(座標:35.696264, 139.570442)
▶︎開放時間:10:00-18:00(休館日可上官網查詢)
▶︎交通:JR中央線/中央總武線,JR三鷹站南口再轉搭接駁巴士

6. 你的名字 長野諏訪湖

圖片來源|Fotolia

自從舊年「你的名字」紅咗之後,動畫入面各大真實場景相繼比大家好似尋寶咁一個個搵晒出嚟,其中最令人在意嘅肯定係系守湖,呢個圍繞住一切謎團同成套動畫高潮,神秘又夢幻嘅系守湖嘅原型其實係位於長野縣嘅諏訪湖!

諏訪湖係一個四周被高山圍繞嘅湖,另外呢度嘅溫泉亦都非常出名,夏季煙花大會嘅時候就會喺諏訪湖湖邊放煙花,個畫面真係靚到一絕!而冬天呢度就會有冰釣等等嘅活動,雖然喺電影入面系守湖設定喺深山,但實際上佢離東京新宿只係需要兩個鐘車程,適合嚟一轉即日來回嘅近郊小旅行~

▶︎地址:日本 長野縣(座標:36.049024, 138.085592)
▶︎交通:搭JR 中央本線特快去上諏訪站,再徒步10分鐘。離東京新宿只係需要兩個鐘左右車程,交通便利。

7. 池袋太陽城J-World Tokyo

就算你唔係資深漫畫迷,但Jump嘅漫畫你點都會聽過!經典作名例如海賊王、火影忍者、七龍珠、死神等等嘅漫畫影響咗一代人,而位於池袋嘅J-World就係以呢啲漫畫為主題嘅室內樂園,除咗遊樂設施之外,呢度仲有餐廳同周邊專賣區、扭蛋區等等,如果你係信奉「友情、努力、勝利」嘅Jump迷,咁呢度一定係你嘅天堂!

▶︎ 地址:日本東京都豊島区東池袋3丁目(座標:35.728839, 139.720047)
▶︎ 電話:+81 3-5950-2181
▶︎ 營業時間:10:00〜22:00
▶︎ 交通:
(1) JR線、東京地下鐵「池袋站」行約8分鐘
(2) 東京地下鐵有樂町線「東池袋站」行約3分鐘
(3) 都電荒川線「東池袋四丁目站」行約4分鐘
▶︎ 門票:
入場券 成人 800 / 小孩 600 円(入場唔可以玩遊樂設施,只可以影相同購物)
通票 成人 2600 / 小孩 2400 円
夜間通票 成人 1800 / 小孩 1600 円 (17:00後入場)
▶︎ 官網:J-World

8. 頭文字D 伊呂波山道

圖片來源|Fotolia

睇過頭文字D嘅你一定超級熟悉呢個魔鬼過彎!伊呂坡山道總共有48個轉彎,好多車手都嚟過挑戰,而自駕遊日本而且對自己手車技好有自信嘅人一定唔可以過,除咗去朝聖之外,其實呢度嘅秋天都以滿山楓葉聞名,所以又被稱為紅葉坂,一直被認為係日本最浪漫嘅道路之一~

圖片來源|Google

用鳥瞰視覺睇就知呢個條路有幾高難度⋯

▶︎地址:日本栃木縣日光市內馬返連接中禪寺湖山坡道 (座標:36.745964, 139.512342)
▶︎交通:國道120號 日光市連接奧日光
▶︎日本自由行自駕遊好輕鬆~

9. Gundam Cafe

圖片來源|KKday

對全世界嘅Gundam嚟講,呢間喺秋葉原車站一行出嚟就見到嘅Cafe一定係聖地第一名,門口兩個大Gundam模型成為咗秋葉原嘅另類地標,而Cafe入面嘅店員全部都著住駕駛員制服,會對住你擺出招牌敬禮手勢,帶你回憶童年!Cafe食物以Gundam為主題,店入面展示咗好多Gundam模型,無論你係咪Fans,嚟到都會大飽眼福。

▶︎ 地址:東京都千代田區神田花岡町1-1(座標:35.699139, 139.772974)
▶︎ 電話:+81 3-3251-0078
▶︎ 營業時間:10:00~22:30
▶︎ 交通:「秋葉原」站徒步行2分鐘
▶︎ 官網:鋼彈咖啡館

睇到心郁郁?快啲機票走一趟動漫朝聖之旅啦!

話唔定你會想試:
▶︎秋葉原Cosplay體驗,變身各種人氣角色!
▶︎多啦A夢迷必去!東京籐子F不二雄博物館門票免排隊~
▶︎日本高速WiFi放題,輕鬆上網打卡
▶︎東京Metro無限次乘坐票券,慳錢仲去勻全東京!

想出發去東京?不如睇埋:
▶︎【日本東京】流行最前線 原宿表參道總攻略
▶︎【日本東京台場】大江戶溫泉物語懶人包介紹

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: