日本旅遊資訊美食手冊

【日本|九州】九州福岡10大美食推介

去到日本九州福岡食咩好?應該去一風堂、一蘭拉麵嘅本店朝聖,定係試下九州褔岡嘅傳統鄉土料理?屋台、小食、明太子、甜品樣樣都咁吸引好難揀?咁就等KKday為大家介紹一下九州福岡10大必食美食啦!

KKdap App

 

1. 牛腸鍋 (もつ鍋)

 

圖片來源|Fotolia

牛腸鍋(もつ鍋)係第二次世界大戰之後流傳至今嘅九州福岡鄉土料理,通常會放韭菜、和牛牛腸、椰菜等材料,不過每間舖頭用嘅配料都唔同。而最多人推介嘅舖頭就係おおやま(Oyama),佢地放咗大量嘅韭菜、椰菜、同多種味噌作為湯底,加上肉質軟嫩、入口即溶嘅黑毛和牛牛腸,食完牛腸鍋之後,再加強棒麵落去煮,吸晒湯嘅精華,令人無法忘懷!

【推薦食店:おおやま(Oyama)  本店】
▶︎地址:〒 812-0025 九州福岡市博多区店屋町7-28
▶︎營業時間:17:00~24:00(截單時間 23:00)
▶︎交通:地鐵「吳服町駅」落車,步行大3-5分鐘
▶︎官網:Oyama (可以喺官網睇睇其他分店資料)

2. 鰻魚飯

圖片來源|Fotolia

九州地區其中一樣必食之選一定係鰻魚飯!打開鰻魚飯個蓋,傳嚟淡淡炭香味、望住金黃色細緻綿密嘅鰻魚、再加埋店家嘅獨家醬汁同七味粉⋯要我一日三餐食鰻魚飯都冇問題呀!

【推薦食店:名代吉塚うなぎ屋】
▶︎地址:〒810-0801 福岡市博多区中洲2丁目8番27号
▶︎營業時間:11:00~21:00  (截單時間 20:30) ,逢星期三休息
▶︎交通:地鐵「中州川端」落車,步行約5分鐘。
▶︎官網:名代吉塚うなぎ屋

【推薦食店:柳川屋鰻魚飯】
▶︎地址:九州福岡市博多区博多駅前3-10-14
▶︎營業時間:11:00-22:30(截單時間 22:00),逢星期日休息
▶︎交通:地鐵/JR「博多站」,步行約5分鐘
▶︎官網: 柳川屋鰻魚飯

3. 柳川鍋

圖片來源|Fotolia

柳川鍋係江戶時代嘅鄉土料理,由200年前流傳至今。喺陶制嘅淺鍋入面放上泥鰍,加入拌飯、牛蒡、蔥、洋蔥等調味,再喺最上層鋪上蛋液,味道、口感一啲都唔會輸比鰻魚飯,仲非常特別,係嚟到值得一試嘅料理。

【推薦食店:皿屋福柳】
▶︎地址:〒832-0065 柳川市沖端町29-1
▶︎營業時間:11:30~14:30(逢星期四休息,遇到公眾假期會順延一日)
▶︎交通:西鐵天神大牟田線「柳川站」搭西鐵巴士,喺「御花前」巴士站落車,步行約5分鐘。
▶︎官網: 皿屋福柳

4. 博多拉麵 (豚骨拉麵)

圖片來源|Fotolia

博多拉麵用豬豚骨熬煮湯底,加入細麵條、蔥、叉燒肉、糖心蛋、筍片、海帶芽等,濃郁嘅湯㡳配上彈牙嘅麵條,回味無窮。而且同其他地方唔同,喺博多地區食拉麵,客人可以自己按口味揀麵條軟硬度,仲有可以加麵,好貼心。

圖片來源|Fotolia

喺本店或者博多地區嘅分店都會有限定豚骨拉麵,好似一蘭嘅博多地區分店就有方形碗嘅豚骨拉麵!

【推薦食店:一風堂 大名本店】
▶︎地址:〒810-0041九州福岡県福岡市中央区大名1-13-14
▶︎營業時間:11:00~23:00 (詳細營業時間以官網為準)
▶︎交通:地鐵「天神站」,步行約10分鐘。
▶︎官網:一風堂本店

【推薦食店:一蘭 天神西通分店】
▶︎地址:〒810-0041九州福岡県福岡市中央区大名2-1-57
▶︎營業時間:10:00–07:00
▶︎交通:西鐵大牟田線,喺「天神站」落車,步行約7分鐘;地鐵空港線,喺「天神站」落車,步行約6分鐘。
▶︎官網:一蘭天神西通店

5. 明太子

圖片來源|Fotolia

喺九州福岡有好多明太子嘅食物,好似係明太子麵包、明太子煎餅、明太子意粉,仲有舖頭推出明太子放題!好似「博多もつ鍋やまや」喺中午時段入面,每份定食嘅明太子都可以仼食,就連午餐限定嘅炸雞都係明太子口味,你話嚟到點可以唔試下!

【推薦食店:博多もつ鍋やまや】
▶︎地址:九州福岡県福岡市博多区博多駅中央街1-1
▶︎營業時間:11:00~14:00/17:00~23:00(截單時間 22:30)
▶︎交通:JR「博多站」(筑紫口),步行約2分鐘。
▶︎官網:博多もつ鍋やまや

6. 燒肉

圖片來源|Fotolia

去到日本除咗拉麵,燒肉都好吸引!九州博多車站前面嘅「燒肉多牛」有A4等級以上嘅和牛,但價錢就好親民,同時都好多人排隊!但多牛嘅店面就比較窄,食又平又靚嘅燒肉代價就係帶住燒肉味返酒店~如果怕食燒肉會有陣油煙味,咁小編推介你可以去無煙燒肉嘅「燒肉Champion」,嗰度有A5等級嘅和牛!

【推薦食店:燒肉多牛】
▶︎地址:九州福岡縣福岡市博多區博多車站南1-5-3 西園大廈1・2F
▶︎營業時間:17:30-23:00 (星期一休息)
▶︎交通:JR「博多站」,步行約5-7分鐘。

【推薦食店:燒肉Champion 焼肉チャンピオン】
▶︎地址:九州福岡県福岡市博多区博多駅中央街1-1 (JR博多City店 10F)
▶︎營業時間:11:00~23:00 (截單時間 22:30)
▶︎交通:JR「博多站」直達
▶︎官網:焼肉チャンピオン

7. 炒麵

九州福岡最出名嘅都係屋台,喺中洲屋台呢度一到夜晚就會有一檔檔嘅攤販開始營業,大家可以喺咁有日本特色嘅屋企度體驗下各種美食。

圖片來源|Fotolia

而屋台入面最受歡迎嘅就是「小金ちゃん」嘅炒麵,熱門時段要排40分鐘到1個鐘㗎!將拉麵煮好之後加入魚板、蔬菜、味噌一齊炒,好講究火侯同時間,炒出嚟色香味俱全,一啲都唔馬虎㗎。

【推薦食店:小金ちゃん】
▶︎地址:九州福岡市中央区天神 2三井ビル裏親不孝通り入口
▶︎營業時間:18:30~2:00(星期四、星期日、雨天休息)
▶︎交通:地鐵「天神站」1號出口,步行約2-3分鐘

8. 一口餃子

圖片來源|Fotolia

一口餃子喺博多地區都好受歡迎,用鐵鍋煎完之後即刻上菜,外脆內嫩,仲可以加啲醬油同胡椒提升口感,值得一試。

【推薦食店:博多祇園鉄なべ】
▶︎地址:九州福岡県 福岡市博多区 祇園町 2-20
▶︎營業時間:17:00~00:30
▶︎交通:地鐵「祇園站」,步行約3分鐘;JR「博多站」,步行約10分鐘。
▶︎官網:博多祇園鉄なべ

9. 梅枝餅 (梅ヶ枝餅)

圖片來源|Fotolia

海枝餅係福岡嘅經典甜品,用米製成的外皮,包住滿滿嘅紅豆餡,有啲似麻糬嘅口感。喺太宰府天滿宮外面嘅大街沿路有好多賣海枝餅嘅舖頭,店家會將海枝餅放喺火爐烤,仲可以店外面睇住佢哋點整海枝餅,再即刻買到個暖笠笠嘅海枝餅上手,係嚟太宰府嘅必食嘅美食之一〜

【太宰府天滿宮】
►地址:九州福岡縣太宰府市宰府4-7-1
►交通:搭乘西鐵到大宰府線「太宰府」駅落車,步行約5分鐘。

10. 串燒

圖片來源|Fotolia

除咗之前提過嘅炒麵,串燒都係好多屋台一定會賣嘅野食。日本人放工之後都習慣喺屋台嗌幾份串燒配啤酒,一路食一路放鬆下身心。「天下的燒鳥」係一間由屋台起家嘅串燒店,靠著好味與口碑相傳,規模愈做愈大,佢地食材用心、串燒技術好,將串燒燒到有少少焦香、再吸晒醬汁嘅香味,超正!

【推薦食店:天下的燒鳥】
▶︎地址:九州福岡県福岡市博多区下川端町 8-8
▶︎營業時間:16:30~1:00
▶︎交通:地下鐵「中洲川端站 」7號出口,步行約1分鐘

睇完呢篇介紹有冇想即刻飛去九州福岡展開你嘅美食之旅?唔好諗啦,起行啦!

出發去九州福岡,你會需要:
► 九州自由行必備!JR Pass輕鬆玩轉全九州
九州自駕遊租車首選!日本Budget租車
► KKday獨家包裝SIM卡!上網打卡必備
► 【福岡美食】博多 古家 魚生海鮮料理超值享受!

去九州玩?不如睇睇埋:
▶︎【日本】最熱門JR Pass使用指南
▶︎【玩轉日本】溫泉勝地全攻略

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: