環球旅遊

泰國酒店驚嚇實錄

image

農曆七月,俗稱鬼節,係鬼門關大開嘅時候,
個個都話要避免出夜街,廢時見到啲朋友仔嚇親自己。
亦都有好多人話呢段期間最好唔好外遊,因為好容易會係酒店房中招,
講起酒店撞野事件,小編不得不同大家分享一下上次係泰國嘅經歷⋯⋯

KKdap App

舊年同朋友去曼谷諗住玩四日,
一落機就去咗酒店check-in 先啦。
上到房就發現係尾房嚟,
由細到大都知住尾房唔好,
落去同啲staff講話想要轉房,
但因為嗰日啲房好full,
咁就唯有照住啦。
入到房都唔覺得有啲咩大問題,
所以擺低行李換件衫之後就出去行街食野。

image

圖片來源:youji257

間房大概係咁嘅。
嗰晚行完夜市返到房,
我嗰friend就沖涼先,
我就攤係張床到玩電話。
玩玩吓突然聽到有人敲門:咯、咯、咯,
都敲都幾急下嘅,
咁我就開門睇吓有咩事,
一打開一個人都無,
淨係feel到有陣風,
都心知不妙,
但係乜都見唔到,
咪當無事發生囉。
但我亦都無同我朋友講,
費時嚇親佢。

嗰晚我哋都有開住床頭燈瞓,依個係我嘅習慣嚟嘅,
一開始都相安無事,
但當我半夜大概三點想起身去洗手間時,
我發現我郁唔到!!!!
好似俾人捉實晒我啲手手腳腳咁。
想講粗口但用盡全身嘅力都講唔到,

朋友仲瞓到豬頭咁,
今次真係大穫啦!
我不斷掙扎好想郁得番,
大概過咗廿分鐘之後先慢慢有番知覺,
一望,點解床頭燈會熄咗?明明開住瞓㗎!
嗰時唔敢諗太多,
即刻用被衾過頭,
連廁所都唔敢去,
諗住扮唔知就算。
點知就係呢個時候,
就聽到廁所有水聲,
好似有人係入面咁,
但明明我見到我個friend仲係張床瞓緊!
到底入面係邊個??

image

我真係好驚,
即刻講咗句:「大佬,我嚟住幾晚就走啦,唔好意思呀!」
再不斷係心入面默念佛經,
念咗一陣,
啲水聲就停咗。
因為真係好攰,所以我就慢慢瞓番。
大概又過咗半個鐘,
我又紥醒咗,
心諗依家咁靜,
應該乜事都無啦,
所以就偷偷地伸個頭出嚟。

image

點知俾我眼尾望到有個男人企在係窗附近!
成間房得我同個friend兩個女仔,
到底邊到嚟一個男人???
佢背向我哋,好似望緊出面街咁。
佢成個人都好似灰灰白白咁,
個形唔係好實在。
我即刻唔敢再望,
合埋眼就算,
係咁逼自己唔好亂諗。

過咗無幾耐,
個天都開始光,
大概八點左右,
我就叫醒我個朋友,
想話落lobby要求換房。
朋友問我發生咩事,
佢話琴晚明明無事發生。
一聽到佢咁講,
我就知琴晚係我時運低撞咗野。

去到同個職員講話間房有問題,
講左一大輪,佢都話其實都知道間房有野…
但因為真係爆滿,
所以先無辦法同我地調房。
大佬,明知間房有問題都照俾人住,有無搞錯!
又同佢理論咗一陣,
佢先肯退番淨低嗰兩晚房錢俾我哋。
我同我個friend就拿拿臨執野,
再搵酒店搬,
真係寧願俾多少少錢,
都唔想同啲朋友仔一齊住。

後尾住咗間貴啲但靚啲嘅,
之後兩晚都無事發生可以平安返香港。
返到香港之後,
我忍唔住google吓間酒店嘅名,
發現原來唔係我一個人見倒過…
令我更加肯定依間酒店一定發生過啲事,
但我真係唔敢再search落去喇…
我淨係知道我以後一定唔會再去依間酒店!

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: