環球旅遊旅遊資訊

【召喚大頭蝦】旅行遺失銀包處理方法

去旅行當然想開開心心咁不停地食、玩、訓!但有時候玩得太過忙形,可能俾人偷左銀包都唔知!身在異地而又唔見左銀包唔知點算好?相對大家一定會唔知點算好,今次就等過來人小編教你點做好!

KKdap App

一、 冷靜情緒、尋找可疑嘅地方

唔見銀包,正常情況下所有人嘅情緒都會十分激動,一方面擔心銀包內嘅旅費盡失,二來遺失身份證明證件 (例如身份證、護照) 亦都會帶來好多嘅不便。其實唔見銀包後,應該要盡快冷靜自己不安嘅情緒,之後細心諗下所有可能唔見銀包嘅地方。可以嘗試沿路折返,留意下地下,有可能銀包只喺跌左落地下。

二、 保安幫到你

如果你懷疑銀包係跌左喺大商場、著名景點,你可以嘗試問下向保安。雖然未必一定會搵倒,但留低個人資料譬如酒店嘅聯絡電話等,如果搵得返保安叔叔都可以聯絡到你!

三、 大膽問路人

Google Translate 截圖

如果你懷疑銀包係跌左喺公園、大街上,強烈建議你可以問下路人有冇拾到銀包。如果語言溝通不良, Google Translate幫到你!將你嘅問題translate 變成日文,路人清楚明白你有咩問題發生左,搵返銀包嘅機會都會高啲。記得,最後要同人講返聲多謝啊!

四、 JR客戶服務熱線

如果你懷疑銀包喺跌左喺JR火車上面,你可以打去專線做返失物登記。假設有人拾到你個銀包而又交去JR,JR會將銀包還番比你。不過麻煩嘅係JR客戶服務專線嘅服務時間喺10:00 – 18:00,如果你喺夜晚唔見銀包,就要等到第二朝先可以打去做失物登記。

五、 向警察求救

當你沿路折返都喺搵唔返個銀包時,你就要去附近嘅警局報案。其實原理同搵保安叔叔一樣,留低個人資料譬如說酒店嘅聯絡電話等,方便之後聯絡到你。最重要嘅係報案後拎張失物證明書,咁返香港就可以claim保險!(前題係你有買旅遊保險~)

六、酒店Reception幫到你

無論喺保安、JR客戶服務熱線、警察都係留低左酒店嘅聯絡資料,所以都要同酒店Reception交代下!而且亦可能有好心人執到錢包後,又見到銀包入面嘅酒店卡片,將銀包交返去酒店!

簡單黎講,唔見銀包嘅時候一字記之曰:要冷靜!搵身邊唔同嘅人幫你,雖然可能會有衰人拎左你個銀包,但都要相信依個世界有好多好人!重有記得要默念:「錢財身外物黎架姐~」依句咒語就得架喇~

小編建議: 買定電子門票,唔見銀包都唔洗驚

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: