環球旅遊

【吃貨看過來】西安回民街美食地圖

image
image

大家知唔知知上面依個字點讀呢?等小編開估喇!答案係讀biang4biang4麵!小編讀咁耐書都未見過咁多筆劃嘅字……依個biang4biang4麵係西安最具代表性嘅食物之一(想知係咩樣就要睇埋落去喇~)。小編就曾經係西安生活過一個月,秉承吃貨嘅本色,四圍搵好野食~原本西安最好味嘅食物都係哂回民街!跟住小編發掘美食喇~~GOGOGO

KKdap App

回民街

image

等小編先介紹下回民街先~回民街就好似香港嘅旺角咁,係一條長長嘅小食街,度度都人頭湧湧。由於有好多回族人聚居附近,因此裡面除左陝西美食外,都有好多回族嘅特色食物。而且裡面亦都有好多唔同類型嘅手信鋪頭,係本地人同遊客都必到嘅地標之一。不過如果夏天到西安的話,小編會建議日落之後先黎,如果唔係會好熱架~

image

(圖片來源)

回民街旁邊有一條化覺巷,由於入口彌漫住一股神秘嘅感覺,小編同朋友都笑稱依度為哈利波特裡面嘅斜角巷~~裡面大多是賣民族風嘅特色物品,有好多唔同新奇嘅物品,喜歡民族風嘅朋友一定唔可以錯過。

biang4biang4麵

image

(圖片來源)

依個就係biang4biang4麵嘅真身喇!biang4biang4麵因為佢又長又闊嘅外表所以又稱為褲帶麵。佢名字嘅由來眾說紛紜,個個西安人都有唔同嘅講法,真相係點真係無人知喇~

通常一碗biang4biang4麵得一兩條麵,但唔好睇少依一兩條,其實都食得幾飽架!湯底間間都可能唔同,小編就中意食蕃茄湯底喇~中意食辣嘅可以加「油潑辣子」一齊食,保証辣得好滋味~

羊肉泡膜

image

泡膜係回族人嘅特色食物。由於回族人係唔食豬肉嘅,所以泡膜得羊肉同牛肉揀。(由於回族人唔可以食豬肉同飲酒,所以係回族人開嘅餐廳裡面都唔可食豬肉同飲酒架。大家記得要尊重人地嘅宗教啊~)泡膜嘅「膜」係將大餅搣碎,再放入由羊牛骨、花椒等熬成嘅湯裡面。說實話,個口感就好似將麵包浸係湯裡面…小編就唔係好識欣賞喇~不過當試下回族食物都幾新鮮嘅~~

肉夾膜

image

Flickr/ Marcus Chou

image

肉夾膜一聽係咪以為係肉夾住膜嘅食物呢?其實由於肉夾膜有好耐嘅歷史,所以佢個名都係文言文黎,意思應該係:「肉夾於膜」嘅意思。肉夾住做法係將一個包切開一半,入面夾住肥豬肉同特製臘汁。有啲肥膩,但的確係幾好食嘅~導遊重話肉夾膜係西方漢堡包嘅始祖,信不信由你喇~

烤羊肉串

image

(圖片來源)

image

小編大推羊肉串!來自新疆嘅羊肉串係西安都係隨處可見嘅美食。炭火燒嘅羊肉上面灑上香辣嘅孜然粉,風味一流!重點是一串都只是人民幣一兩元,食多幾串都唔怕心痛~

桂花糕

image

有別於我地平時係香港食開嘅桂花糕,西安嘅桂花糕並唔係透明嘅,而係金黃色一塊好似蒸蛋糕咁,上面鋪在一層咖啡色嘅糖漿。小編就覺得有啲太甜喇,都係中意香港桂花糕嘅清香多啲。

鏡糕

image

Flickr / sidnita

鏡糕之所以叫鏡糕係因為佢外形大小就好似古時嘅人隨身攜帶嘅鏡一樣,小編就覺得似砵仔糕多啲喇。做法係將米磨成粉之後係上面撒上紅色、綠色、黃色嘅糖粉,再拎去蒸。宜家重流行係糕上面畫卡通人物呢!


涼皮

image

西安嘅夏天常常都處於高溫,依個時候最岩就係食一碗冰冷嘅涼皮降溫一下。涼皮粉通常會配上青瓜絲、油潑辣子等,酸酸辣辣就最岩夏天食!

睇完有無食指大動呢?小編覺得西安嘅美食同我地平時食開嘅中菜好唔同,中意試新味道嘅吃貨們唔好錯過啊~~

>>>【省時便捷】西安兵馬俑華清宮直通車

>>>【西安美食】西安市區回民街道地小吃 鐘鼓樓 大雁塔自行車一日遊

>>>【華山論劍】西嶽華山包車一日遊(西安出發)

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: