日本交通指南

【日本九州】福岡交通攻略

福岡位於日本九州北部,係九州地區最大嘅都市,蘊含住豐富嘅歷史文化,同大阪、東京唔同,福岡市多咗一股歷史嘅味道同悠閒嘅氣氛!如果想嚟個Relax身心嘅旅行,小編會好推薦大家去福岡!咁福岡嘅機場交通、市內常用交通工具、觀光巴士同推薦票券又有邊啲?等KKday帶你完整了解福岡交通啦!

KKdap App

一、福岡機場出市區

圖片來源|Fotolia

#地鐵
福岡機場分為兩個航廈,一個係國內航廈,另一個係國際航廈,好多人會揀以搭地鐵嘅方式出福岡市區,但要注意地鐵係位於國內航廈,所以如果你係喺國際航廈落機,又想以地鐵方式出市區,咁就要先搭機場嘅免費接駁巴士去國內航廈~

#西鐵巴士
如果想由國際航廈直接出福岡市區,亦都可以揀喺國際航廈搭西鐵巴士,巴士可以出天神或是博多:急行A巴士往天神(車程約33分鐘),而A巴士就係去博多嘅~(車程約18分鐘)。

▶︎ 往天神:成人310日圓,兒童160日圓
▶︎ 往博多:成人260日圓,兒童130日圓
▶︎ 詳細資訊:西鐵巴士官網

二、主要交通工具

#地鐵

圖片來源|Fotolia

地鐵係喺福岡市區內最常使用嘅交通之一,比起大阪、東京等地區簡單好多,大部份嘅景點搭地鐵就去到,總共分為三條路線,而機場線係遊客最常使用嘅路線:

機場線:博多車站、東長寺(祗園站)、博多運河城 (中州川端站)、天神地下街、福岡機場、大濠公園/福岡城(大濠公園站)、福岡塔(西新站)
▶︎箱崎線
▶︎
七隈線
箱崎線嘅貝塚站同西鐵嘅貝塚線有連接,而機場線嘅姪濱站就同JR筑肥線連接。
▶︎ 福岡地鐵站點詳細資訊

#西鐵電車

圖片來源|Fotolia

西鐵係福岡地區嘅一種鐵路,可直去到福岡嘅市中心-天神、太宰府、柳川等地,一樣分為三條線:
▶︎天神大牟田線:「天神站」同地下鐵空港線連接。
▶︎貝塚線:「貝塚站」同地下鐵箱崎線連接,「西鐵千早站」同JR鹿兒島本線連接。
▶︎筑豐電鐵線:「黑崎站前」同JR鹿兒島本線連接。
▶︎ 福岡西鐵官網

#巴士

喺福岡營運嘅巴士主要有四種,市區巴士主要以博多區域同天神區域為起點發車,如果想深入咁玩福岡,巴士就是一項唔錯嘅選擇。

【一般市內巴士】
西鐵營運嘅一般市內巴係福岡最常見嘅巴士之一,涵蓋路線好廣,每個站嘅票價都會顯示喺最前方嘅電子板上面,上車嗰陣如果用現金、票券嘅話要拎整理券,如果用IC卡就可以直接嘟卡,前面落車、後門上車。

【百元巴士】
喺福岡市中心內,博多到天神之間,西鐵巴士有推出「100日圓循環巴士」,搭去觀光非常之方便,重點係平,均一票價100日圓,而路線就係循環線類型~
▶︎ 福岡百元巴士相關資訊

【雙層觀光巴士】
如果一到福岡就想將美景、熱門景點盡收眼底,小編建議大家可以選擇坐觀光巴士!因為佢可以將天神、博多、百道地區一次過遊歷~觀光巴士總共分為三條路線:
▶︎百海道濱路線:福岡巨蛋、福岡塔、福岡城、百道海濱公園、大濠公園,車程約60分鐘。
▶︎博多街景路線:博多地區、櫛田神社、福岡城、大濠公園等歷史區,車程約70分鐘。
▶︎福岡夜景路線:福岡塔、福岡巨蛋,以福岡高速道路為主,眺望福岡市夜景,車程約80分鐘。
▶︎福岡機場夜景路線:博多街區域、天神區域、福岡機場(夏季限定),車程約70分鐘。

觀光巴士可以事先上網預約,亦可以去到現場先預約,但如果撞啱冇位嘅情況,咁喺現場購票嘅乘客就要等下一班,發車位置全部都喺「天神・福岡市役所前」。

▶︎  成人票價1540日圓,小孩票價770日圓。
▶︎  福岡觀光巴士官網

三、福岡到其他城市

#JR

圖片來源|Fotolia

九州嘅JR以各種特色列車聞名,去唔同地區嘅列車都有唔同嘅車身裝飾,而JR亦都係福岡去其他九州地區最常用嘅方式,可以喺福岡嘅博多車站出發搭特快列車、觀光列車、新幹線去唔同地區。

基本上九州嘅大城市JR都可以去到,大家亦都可以根劇自己安排好嘅行程,再配合JR九州PASS玩轉九州!九州JR PASS分為三種版本:JR九州全PASS、北九州PASS同南九州PASS,大家可以跟返自己打算去嘅地區而選擇啱嘅JR Pass。

如果想去福岡、熊本、長崎、別府等地,小編建議買北九州PASS;如果係去指宿、宮崎、鹿兒島等地就可以考慮南九州PASS

#西鐵高速巴士

除咗JR之外,大家亦都可以揀搭西鐵高速巴士去北九州其他區域,或者宮崎、長崎等地,去較偏遠地區亦可以選擇以巴士深入咁探訪九州,西鐵公司針對高速巴士有推出西鐵高速巴士套票(SUNQ PASS),有幾種版本,都可以揀返啱自己嘅Pass。

要注意嘅係長途巴士有分為預約同唔洗預約兩種,如果要預約嘅巴士就代表佢座位有限,就算拎住套票都要打咗電話預約先㗎!

四、推薦票券

【西鐵推薦套票】

▶︎「MARUTTO FUKUOKA」、「FUKUOKA 1 Day Pass」兩張票券都只可以行人工閘口,上巴士嘅時候亦都需要拎整理券。
▶︎FUKUOKA 1 Day Pass (福岡一日券) 使用範圍。
▶︎MARUTTO FUKUOKA 使用範圍。
▶︎高速巴士套票使用範圍。

【其他票券推薦】

圖片來源|KKday

▶︎福岡悠遊卡詳細資訊
▶︎福岡市地鐵官網

以上就係KKday 為大家整理嘅福岡交通資訊,希望幫到大家了解多啲,輕鬆玩轉福岡!

出發去九州,你會需要:
︎【日本】高速WiFi流量放題!
【日本】九州歐式主題樂豪斯登堡門票
︎【日本】九州自駕遊租車
︎【日本】九州必去一日遊

玩九州?不如睇埋:
【日本|九州】九州福岡10大美食推介
【日本|九州】福岡人氣必買手信
【玩轉日本】溫泉勝地全攻略

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: