環球旅遊

輕輕鬆鬆遊Hallstatt – 世界上最美湖畔小鎮

image

KKdap App

相信大家成日都會見到以下呢一張圖片,其實呢度就係奧地利嘅Hallstatt,佢被譽為係「世界上最靚嘅湖畔小鎮」,係1997年更被聯合國教科文組織列入為世界文化遺產。不過通常呢啲咁靚嘅地方都係好難去,又要搭車又要搭船,無三四個鐘都唔會去到。但有KKday幫你手,咁就可以輕輕鬆鬆遊Hallstatt啦。

image

一般嚟講,大家都會先去奧地利Salzburg,然後再去Hallstatt。小編就住係Salzburg,因為Hallstatt嘅住宿一嚟貴,二嚟靚景房要好早book。而呢個day tour嘅集合地點就係Salzburg Mirabell Palace附近。集合時間係下晝一點,小編早咗去到,所以順便入去行吓。

小編去歐遊前,身邊啲朋友都提我話要預多少少時間去Hallstatt,因為搭完巴士同火車又要再轉船。聽到嚟呢到,小編即刻轉身射個3分波走去book KKday個Hallstatt半日遊行程,貪佢有專車接送,唔怕會瞓過龍啦~(細細聲話你知:旅遊巴車程要個半鐘,自己搭車就要接近三個鐘,你諗你啦)

image

呢度就係Mirabell Palace啦~入面都幾靚㗎!

image

搭旅遊巴去Hallstatt嘅時候,沿路嘅風景都好靚㗎。而且導遊都好貼心,安排架車停埋一邊,俾我哋落車影相。

image

一落車就會見到呢個雕像,走嘅時候上車都喺番呢度。

image

沿路行你會見到好多呢類型嘅木屋,超似Heidi入面嗰啲屋仔,好想可以住係入面呀~

image

因為時間有限,所以導遊好快就帶咗我哋嚟到觀景台纜車售票處買飛,每人盛惠11.5歐。

image

係纜車入面望到嘅風景,簡直可以媲美航拍機影出嚟嘅相!

image

上到去係有免費WI-FI可以用,大家可以即時upload相打卡。沿路都會有呢個紙板公仔引路,跟住佢行就會搵到個觀景台~

image

見到呢個牌,再行多兩三分鐘就到啦

image

終於行到去觀景台,都有唔少人排隊等影相㗎

image

由觀景台望落嚟就係咁啦,可以好清楚見到個湖(Hallstätter See)

image

係個觀景台到大概可以留半個鐘左右,之後就可以落番去小鎮到行吓啦。

由呢個角度睇,都有少少得人驚㗎

image
image

小鎮面積唔大,就咁行就行得晒,大概需要十五至二十分鐘。不過一路行吓影吓相,時間都過得好快。

image

呢度就係馬克廣場(Marktplatz),係Hallstatt嘅中心廣場,想搵餐廳就嚟呢度啦!中間嘅係建於1743年嘅黑死病紀念柱。有時係呢度都會有表演睇。

image

向住最高嗰座建築物行,即係新教徒教堂,你就會見到呢個係Postcard經常出現嘅角度,不過呢度成日都會有好多人影相㗎。

不過行到嚟呢一度,都夠鐘要番去集合點上車啦。雖然今次留係Hallstatt只係短短幾個鐘,但都可以充份感受到呢度嘅仙氣~如果有機會,都可以選擇係到留一晚,欣賞吓日出同日落時嘅Hallstatt美景同深入鹽礦探索吓,可惜今次時間有限:(但好彩join咗個半日團,慳番啲搭車時間同唔洗驚miss咗尾班車啦。

想去輕鬆去仙氣十足嘅Hallstatt?▶▶【山中湖邊小鎮】Hallstatt半日遊

▲認識KKday▲

KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁:www.kkday.com
KKday  Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: