交通指南旅遊資訊歐洲

【斯洛文尼亞】碧湖Lake Bled一日遊記

每逢暑假,都係歐遊嘅好時機,依家去歐洲嘅機票仲愈出愈平,小編當然唔執輸,走咗轉歐洲啦!而今次想同大家分享一下去斯洛文尼亞嘅經驗。斯洛文尼亞相對於其他西歐國家例如法國、德國會比較少遊客,但係佢個碧湖(Lake Bled)真係靚到沊一聲,好值得去㗎!心郁郁想去?即刻睇埋呢篇遊記啦!

KKdap App

小編呢次係經奧地利Salzburg搭火車去斯洛文尼亞嘅首都Ljubljana,大概要搭五個鐘,火車飛可以係奧地利國鐵網站買到,價錢大約30歐。大家亦可以選擇搭巴士去,會平啲,但就要搭耐啲。

image

呢度就係Ljubljana嘅火車站啦,一落車就去對面嘅巴士站買定第二日去Bled嘅車飛,因為時間有限,小編就揀咗即日來回。來回車飛大概13歐,俾現金或者信用卡都無問題!記得Keep好張單,因為係憑單上車嘅。旺季期間去Bled嘅巴士係一個鐘一班,車程就約莫一個鐘左右。

image

上車地點其實就係火車站對面,按照車飛嘅指示去番相應嘅月台,記得Check清楚車頭個牌係寫去Bled先好上車!

image

呢到就係Bled嘅巴士站啦,要認得佢個樣,因為走嘅時候都係喺到上車㗎。

image

除非你會係Bled過夜,否則的話一落車記得影低幾時有車返去!(紅圈標示嘅係返Ljubljana嘅時間)

image

一路向湖邊方向進發,就見到幾隻天鵝係到曬太陽!佢哋一啲都唔怕人,成日就等人餵食。

image

跟住呢張地圖,基本上就係逆時針圍住個湖行一個圈,慢慢行的話大概三個鐘就行晒,但如果你會上城堡、行山、游水同瘋狂自拍的話,就可以留多兩至三個鐘啦。但係小編真係好推薦大家行上Mala Osojnica,因為嗰度可以用Postcard角度影晒成個Lake Bled!

而小編就無上到個城堡啦,因為時間有限、城堡入場費又要10歐,而且影相角度又無Mala Osojnica咁靚。但對歷史有興趣嘅話,有時間都不妨入去參觀吓。

肯定有人會問:可唔可以上去個島睇吓㗎?答案係可以嘅,有船夫撐船載你過去,盛惠每人14歐。船程約15分鐘,你可以係島上停留15分鐘。抵唔抵就見人見智,小編今次窮遊就寧願用14歐食飯喇~

image

咁到底個島上面有乜東東呢?其實就係得間教堂,同埋好多好多樹。因為入到去教堂可以敲吓個鐘,但就要收3歐入場費。傳聞話敲鐘會帶嚟好運。咁有好多遊客一場嚟到都會去敲一敲個鐘,所以係湖邊會成日聽到鐘聲響。

image

唔去城堡,又唔搭船唔上小島,可以做啲乜野呢?就係上山啦!Mala Osojnica係公認影Lake Bled最靚嘅地點,真係隨便影都好似Postcard咁靚!係呢度可以一次過影晒城堡、湖同埋個小島,唔講仲以為自己係童話世界呀!

image

不過Mala Osojnica有少少難行,條路好斜同埋有好多碎石,所以記得要著對舒服嘅波鞋去,同時最好帶背囊去,可以騰空雙手出嚟,萬一跣親都可以即刻捉住樹枝呀石頭啦!

image

行完山,都可以係湖邊曬吓太陽享受吓。雖然你會見到有好多人落水游水,但其實呢度係唔俾游水㗎!大家沿住湖邊行咗一圈,就啱啱好返到去巴士站,可以搭車返Ljubljana啦。

>>【歐洲32國】去歐遊梗要有張SIM卡傍身!

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: