環球旅遊

窮遊住宿 - 華人旅館預訂教學

image

次次去旅行,都會去hotxls.com呀boxking.com等等book酒店,有時都會揀住Airbnb,而窮遊一族,就會住hostel或者couchsurfing,但其實仲有一個選擇㗎,就係住華人旅館啦!

KKdap App

華人旅館係由住係當地嘅華人經營嘅,一般嚟講價錢都唔貴,最平唔洗港紙一百蚊晚,有時仲會包埋中式早餐或晚餐,有部份店主仲貼心到驚你搵唔到路,主動提出去附近車站接你,對於窮遊人士而言真係一大福音,而且唔洗擔心言語不通~亦都因為咁,入住嘅大多都係中國人,不過小編都有見過外國人去住嘅。

其實有好多熱門旅遊地點都可以搵到華人旅館,例如巴黎、威尼斯、悉尼同倫敦等等,佢地亦都提供唔同種類嘅房俾大家選擇,想有私人空間就可以揀單人房或者二人房,獨遊想識吓朋友就住多人房,不過好多時,無論係單人房定多人房,都要share洗手間,呢點大家要留意番。

image

以上咁多地點都可以搵到華人旅館,其實都幾方便㗎!

講咗咁耐,到底要點先可以book到華人旅館呢?大家可以上窮遊網book㗎,揀番想去嘅地方,再睇吓有邊間自己比較鐘意,再click「查看詳情」今次小編就用巴黎其中一間華人旅館做例子。

image

入到去,可以睇吓自己想住嘅room type,睇吓個價錢同設施符唔符合自己嘅要求。

image

網站上仲會列出佢有嘅設施同服務,大家可以用嚟參考吓。就好似呢間有printer提供,萬一到時要印boarding pass或者車飛呀門票等等都好方便。(但記得問清楚收費!)

image

訂之前,記得睇吓人地嘅comment,以免中伏:D

image

確定啱心水就可以click番立即預訂!但係訂之前要登入窮遊網,大家家都可以用淘寶/Wechat或者微博account登入。

image

Click咗之後會見到呢個畫面,填寫番相關資料就可以落下一步。

image

之後就可以留番低你嘅聯絡方法,等對方可以搵到你,再click「提交」就ok啦!

image

而小編自己就習慣訂完之後再用微信同對方確認一次,確保預訂成功。店主嘅聯絡方式可以係「店主名片」到click「聯繫方式」搵到。有啲咩問題,都可以直接同佢地聯絡,佢地好多都好樂意解答㗎!

image

最後提提大家,一般華人旅館都只收現金,所以記得準備兌換好當地貨幣先出發啦!祝大家旅途愉快!

至於安唔安全,小編就試過係羅馬同威尼斯住華人旅館,感覺都幾好。但都係嗰句,出門在外,都要注意安全,小心自己嘅財物。

認識KKday▲

KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁:www.kkday.com
KKday  Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: