環球旅遊

你知唔知原來90蚊已經可以做倒好多野!

image

今日開始大家買機票就要俾多90蚊機場建設費喇!相信對於搶開平機票,秉承慳得一蚊得一蚊依個偉大原則嘅大家黎講都係一個壞消息。話哂90蚊都話多唔多話少唔少架,一年去幾次旅行就無左成幾百蚊……小編為自己個荷包感到好心痛啊!機管局你知唔知90蚊係可以做好多野架!

KKdap App

90蚊可以……尋回失落的童真

image

日本東京開左一間叮噹……啊唔係…應該係哆啦A夢博物館(唔小心透露左小編年齡添XD)。裡面除左展示左哆啦A夢嘅原稿外,重喺戶外地方展示左卡通裡面嘅經典場面。認得上圖係哆啦A夢和大雄等朋友常常一齊玩嘅公園呢?除左公園重有不同嘅角色等住同你合照!童心即刻番哂黎~~

除此之外,場內重有哆啦A夢CAFE,有好多有哆啦A夢特色嘅食物!連記憶面包都有!呃like必備!當然唔少得哆啦A夢紀念品店喇~

只要79蚊就可以重溫童年回憶,黎東京的話千祈唔好錯過藤子F不二雄博物館喇~不過要記住博物館每日有限定入場人數,而且不設現場購票,要買好飛先好去啊~~

>>>【坐上時光機!?】東京神奈川藤子F不二雄博物館門票(預購) 

90蚊可以……體驗最地道嘅韓國生活

image

睇開韓劇同綜藝節目嘅都知韓國人最鐘意就係去汗蒸幕。係汗蒸幕,你可以用毛巾綁成兩個羊角,同三五知己一邊飲住甜米釀、食住烚雞蛋,一邊享受韓式桑拿。汗蒸幕裡面有唔同嘅房間俾你焗桑拿,例如有傳統木炭汗蒸、松木汗蒸、水晶汗蒸等等,可以慢慢試。

除左焗桑拿,入面重有海水浴池、天然鹽浴池、游泳池、健身中心等設施,唔怪之得韓國人可以係裡面留成日。小編推薦你一定要試下搓澡(一般要另外收費)。「阿豬媽」會用一塊搓澡巾同你大大力搓哂啲老泥出黎~真係好爽架~咁特別嘅經驗係韓國先體驗倒!

>>>龍山汗蒸幕(DragonHill Spa),CNN評選50大首爾必訪理由!


90蚊可以……欣賞獨一無二、知名人妖秀

image

去泰國無睇過人妖show嘅話點可以話自己去過泰國呀~小編就向大家推薦金東尼人妖show (Golden Dome Cabaret Show) 。金東尼人妖show 係曼谷三大人妖秀之一,製作費耗資千萬。佢地嘅人妖皇后更曾參與知名電影「泰囧」嘅演出呢!喺舞台上,美艷嘅人妖穿起極盡華麗嘅舞台服裝,隨住舞曲扭腰擺臀, 重會不時向台下觀眾拋媚眼~

小編覺得人妖show嘅舞步同細節位做得相當之好,唔經唔覺就睇到完場~當然小編都少不免同朋友討論下邊個人妖靚喇XDDD~如果你鐘意嘅話,你重可以喺完場後同表演者一齊影相留念呢~原價800泰銖,宜家79蚊就可以有得睇喇!

>>>【金東尼人妖秀-最優惠保證!】獨家四折優惠必看人妖秀

90蚊可以……親親大自然,觀賞漫天螢火蟲

image

講起墾丁大家第一時間就會諗起大海同沙灘,但原來墾丁重有一處觀螢火蟲嘅聖地—恆春生態農場。出發前會有專業的導遊講解注意事項,之後就可以跟住導遊出發去探望螢火蟲lu~漫天嘅螢火蟲閃住金黃色嘅燈光係夜空中飛舞,真係好似去左童話故事入面嘅仙境咁~切記睇螢火蟲時要保持安靜同埋要關掉燈光喔~

>>>【尋找綠叢中的小星光】 墾丁螢火蟲探秘之旅

唔講唔覺,原來90蚊喺可以做倒咁多野架!又可以去找回童真,又可以體驗一下韓國人嘅生活,又可以去睇人妖show同螢火蟲。全部都係90蚊以下炸!!好喇,小編決定左喇,既然咁平,我都喺唔會因為要俾機場建設費就放棄依d禁難得嘅體驗!大不了自己帶飯番公司食囉…無論咩都阻唔倒我去旅行嘅決心架!


▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday 

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: