環球旅遊

【西藏丨行李篇】KKday西藏自由行全攻略!

image

去西藏最方便一定係帶backpack,事關搭火車好難隨身攬住個喼,而且行山的話,帶背囊都會比較方便!如果去一啲比較先進嘅地方旅行,帶漏野可以即時買都唔怕,不過去到西藏就唔係咁方便啦!而且上高山都要準備好藥物,唔想執漏野就要save低呢個萬全嘅行李清單啦!

KKdap App

#衫褲鞋襪篇

image

要帶幾多衫褲真係好睇個人需要同當時天氣!執行李之前可以睇下天氣預報,不過雪褸同保暖衣物就必備咖啦!除左保暖之外,快乾都好重要!如果落雨淋濕左,或者想洗衫,夠快乾就唔洗帶住濕嘅衫褲周圍走~

#護膚保濕篇

image

去到西藏完全會乾到裂開,無論你平時幾懶,去到西藏都一定要做足保濕!另外,因為上到西藏壓力高左,膠樽或者玻璃樽都有機會裂開,所以建議所有液體/乳液都用密實袋封好!

#沐浴淨身篇

image

去到高原地方,頭兩三日都建議唔好沖涼洗頭,怕身體唔適應會好易冷親!所以要準備多啲濕紙巾,不含酒精嘅可以抹面抹身~如果搽左防曬想清潔得乾淨啲,可以用卸妝濕紙巾!

#舒適保暖篇

image

日夜溫差高,保暖一定要做好!暖包、暖水袋好基本,如果會住帳篷(小編上珠峰會住大本營喔)就要帶睡袋!如果住hostel,一般都會有暖毯,真係怕唔夠暖都可以帶睡袋備用嘅~

#電子產品篇

image

西藏啲風景無敵靚,唔想冇memory飲恨就真係要帶定一打記憶卡!不如最最最重要都一定係電話卡!小編喺鴨寮街買跨境王,可以預先喺香港開通同增值~雖然去到上唔到Facebook同Instagram可以慳番好多數據,但send下相比媽媽報平安都要嘅~

>>想知邊張電話卡最抵?就要睇下【預算篇】喇!

#防曬淨白篇

image

除左防寒,防曬都好緊要!就算你唔怕黑,都唔想曬傷咖嘛~防曬黑超加闊邊帽絕對係無敵組合!另外,西藏五月就開始雨季,帶番把遮就唔怕濕晒啦~

#急救藥物篇

image

黎到最關鍵嘅部份!就係藥物啦!防高反有好多種藥,事前食最常見係紅景天!出發前一星期食,每日三粒,係中藥成份會比較溫和同無副作用!高反初時症狀同感冒好似,亦會頭痛同呼吸困難,出現呢啲症狀可以食Diamox,係一種需要醫生處方嘅西藥,早晚一粒,食完手腳會有啲麻痺,但好快會無事!想舒緩麻痺症狀就可以食Slow k,單食無咩作用,所以有食Diamox個日就食一粒Slow k,喺藥房就可以買到。

上到山無得沖涼,污糟都係其次,如果親戚到訪真係會喊出黎!真係咁唔好彩(好似小編咁),可以去藥房買調經藥,親戚黎之前四日要食,計唔準的話可以出發前一星期開始食,每日一粒要食到旅行完結為止!一停藥親戚就即到咖啦~

#急救食物篇

image

除左藥物可以自救,朱古力都可以舒緩一下高山反應,當然喺要有高反之前啦~唔好怕肥,得閒就拎出黎食下啦~最好就買有獨立包裝嘅,方便啲而且唔怕佢融到痴埋晒一齊!

杯麵同能量棒就係搭火車個陣充飢嘅~事關火車上面嘅野真心難食同重口味,如果唔想帶咁多野就趁機體驗下大陸飲食文化啦~

希望呢張極長行李清單可以幫到大家啦~發現有咩遺漏歡迎指教喔~如果想知道小編西藏之旅嘅行程同預算,就要繼續密切留意KKday西藏自由行全攻略!

KKday獨家攻略:
【西藏丨交通篇】KKday西藏自由行全攻略!

【西藏丨中伏篇】KKday西藏自由行全攻略!
【西藏丨住宿篇】KKday西藏自由行全攻略!
【西藏丨預算篇】KKday西藏自由行全攻略!

▲認識KKday▲
KKday-世界旅遊體驗網站,在全球 54個國家,174 個城市,
有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: