交通指南中國

【西藏|交通篇】西藏自由行全攻略

近年愈來愈多人去西藏旅行,去西藏方法有好多,可以跟團、私人成團或者自由行。如果第一次去自由行,交通應該係最麻煩嘅一環,除咗計劃來回香港同西藏嘅時候要搭咩好,仲要諗埋當地交通。小編就去過西藏自由行,依家就同大家分享下西藏交通攻略啦!

KKdap App

由香港去西藏,可以選擇飛機或者火車呢兩種交通工具,價錢相差唔遠,視乎你想睇靚景多啲定覺得舒服衛生重要啲啦!

火車飛機大比拼

而家香港冇直飛拉薩或者林芝嘅飛機,你可以選擇上海、北京、成都、重慶等等唔同地方轉機。相信買機票就好簡單唔洗教啦~唯一要留意嘅地方係機場同火車站有時都有一定距離,如果選擇搭飛機再轉火車,就要留意轉乘時間啦!

購票攻略——火車

至於火車就係去西藏最普遍亦最麻煩嘅交通工具,煩係煩在買飛啊~

要買西藏火車飛主要有兩個途徑:香港旅行社同大陸鐵路網。喺香港買會比較方便,但開賣時間會比大陸遲少少,如果係旺季或者熱門路線(西寧至拉薩)有機會會搶唔到飛!而喺大陸網買到嘅機會雖然大啲,但買飛嘅程序就比較複雜。想知買飛攻略就繼續睇落去啦~

1. 香港旅行社
香港只有中旅社同紅磡中國鐵路售票處可以買到青藏鐵路嘅飛,買飛需要提供中英文全名同回鄉證號碼。

【紅磡中國鐵路售票處】
▶︎開售時間:出發前 1-2 個月,不定,可以打個電話去問咗先(2264 1314)
▶︎收費:票價+手續費(RMB100)
▶︎注意:只有廣州至拉薩嘅火車飛

【中旅社】
▶︎注意:某啲分社(例如觀塘)設有出票機,可以即時攞飛,其餘嘅要等確認通知再去拎飛

2. 大陸鐵路網

中國鐵路網係大陸官方開賣青藏鐵路票嘅網站,所以票源最多,買飛需要提供嘅資料包括中英文全名、回鄉證號碼同出生日期。如果要喺網站買飛,首先要登記一個帳號,仲需要一個大陸手提號碼收取驗證碼,然後等待核實身份,所以建議唔好開賣當日先登記!

▶︎開售時間:60日前(下午3點)
▶︎收費:無需手續費
▶︎付款方法:香港銀聯卡/內地銀行戶口/支付寶(全部收取人民幣)
▶︎注意:網站唔會寄火車飛嚟香港,建議一到拉薩就去車站拎飛,需要出示證件同預約編號,如果揀唔喺本站拎嘅話就要加五蚊人民幣手續費。

仲有啲人會揀直接上國內火車站買齊香港至廣州同廣州至拉薩嘅火車飛,雖然呢個方法係可行,但要留意返嘅係只可以喺出發前 10 日先開始賣,如果係旺季去有買唔到飛嘅可能~ 

火車座位種類

青藏鐵路嘅座位有分好多種,坐位同卧鋪都有分軟硬,仲有企位!卧鋪有分上(最平)、中、下(最貴),但其實中鋪係最唔討好嘅位,因為坐又坐唔直,又冇地方擺行李!下鋪比較起嚟就最方便,唔洗爬上爬落而且有張枱仔,行李又可以放床下底。但如果你係一個人搭火車可能會買上鋪比較好,因為私隱度高啲,而且行李可以放床尾唔怕比人偷。

但係留意返上大陸鐵路網訂飛係冇得揀位嘅,至於其他旅行社就要視乎當時有冇位啦,但盡量都會安排同一個車箱。

西藏市內交通

去到西藏最方便嘅方法一定係包車,因為唔同景點相距太遠,而且某啲景點(例如珠峰)只有車先入得。要搵到當地司機其實唔難,懶人可以搵旅行社代勞,但價錢會貴啲。如果唔怕煩嘅上網其實可以搵到好多唔同司機嘅contact,依家亦都好方便,大多可以透過通訊軟件就聯絡到司機,可以即時問到司機收費等等嘅詳情。當然如果有朋友去過就梗係由朋友推薦更可靠!

一般包車嘅收費都係按日數計,亦係最抵嘅方法,亦有啲公司可能係按公里或者人頭計,咁比起上嚟就會貴啲,所以喺下決定前一定要貨比三家啊!

如果你係一至兩個人去,同人拼車會比包車抵,你可以上旅遊討論區(背包客棧或者高登旅遊台等等)搵下有冇人出post招人夾份包車,又或者你可以自己出post講低自己行程,睇下有冇人順路。如果預先搵唔到,亦有好多人會去到當地先喺客棧等地方搵人夾,不過風險就自己評估啦~

參考價錢

image

講咗咁耐,大家最想知其實都係價錢姐~等小編搵最近期嘅價錢比大家參考下啦!

【火車】(中國鐵路網)
▶︎廣州至拉薩:硬座RMB451、硬卧下舖RMB923、軟卧下舖RMB1434
▶︎拉薩至西寧:硬座RMB226、硬卧下舖RMB523、軟卧下舖RMB810

【包車】(直接聯絡當地司機)
▶︎每日RMB1500,預先比RMB1000訂金,餘額就去到先比。

除咗交通之外,去西藏前仲要準備好住宿、藥物同行程安排,想知更多去西藏前嘅準備?咁就要留意住KKday嚟緊嘅攻略啦!

預先準備!萬無一失:
▶︎【中國大陸上網卡免翻牆】中國大陸/香港高速上網SIM卡

KKday日韓賞櫻精選期間限定折扣指定產品低至8折,立即了解詳情!限量APP專用優惠碼:KRSAKURA20/JPSAKURA15(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: