日本交通指南旅遊資訊

【大阪新核心】阿倍野食玩住全攻略

對於去過大阪嘅人嚟講,「天王寺」應該絕對唔陌生,佢往返機場方便且又喺大阪環狀線上面,交通便利,再加埋大阪新地標 -阿倍野摩天大樓都起喺度,呢個集Shopping同美食於一身嘅地方,完全可以滿足大家去大阪旅行嘅各種目的!

KKdap App

先講交通,天王寺嘅交通位置唔係好咁簡單!佢喺環狀線上面,仲有JR可以直達奈良,唔止市內交通贏在起跑線上,連去睇鹿仔嘅捷徑都喺埋度~另外由呢度去日本環球影城都相當之方便,搭車嘅時候可以留意下車程資訊,如果撞啱時間仲可以坐到環狀線直達櫻島嘅車㗎!

#阿倍野摩天大樓、HARUKAS 300 展望台

圖片來源|KKday

呢棟阿倍野摩天大樓係依家日本最高嘅摩天大樓,亦都係小編認為最適合欣賞大阪夜景嘅地方!以前大家可能會推薦夜晚去通天閣、新世界睇夜景,但老實講,通天閣周遭嘅治安唔算太好,所以小編唔太建議大家晚上造訪。但阿倍野大樓就位於交通方便嘅天王寺站,周圍係交通要地所以治安相對地好好多!

前面一再提到阿倍野所在嘅天王寺交通有幾方便,大阪嘅主要車站基本上都可以直達,就連喺機場過嚟都唔洗轉車,落腳點嚟講簡直係最佳選擇!

呢棟阿倍野大樓唔止擁有可以360度無死角欣賞大阪市景嘅HARUKAS 300展望台,仲有規模超大嘅近鐵百貨HARUKAS總店,推薦大家可以下晝嚟呢度行下,再把握時間喺夕陽西下嘅時候上展望台欣賞日落,再享受大阪夜景!

近鐵百貨HARUKAS總店唔止有精品、化妝品、服飾⋯等等,小編個人覺得最正係B1嘅手信區!喺呢度你可以搵到各式各樣嘅點心,無論係日式、西式都超精美,買到唔停手!

其中小編大推呢間『小倉山莊』嘅仙貝!小編帶返嚟比同事食,佢哋表示呢個係佢食過最好食嘅日本仙貝!除咗好味,佢花牌造型嘅靚包裝都係一大賣點!超推薦大家買返嚟做手信~

圖片來源|KKday

喺樓下行完商場,到太陽落山嘅時候就可以去欣賞夕陽餘暉下嘅大阪~展望台嘅入口喺16樓,呢度有一座空中花園,如果唔想上去最高,大家可以喺空中花園欣賞下市景,呢邊仲係免費開放的㗎~

呢度有個小知識:去展望台嘅飛有分三種顏色,分別係代表日頭、黃昏同夜晚嘅風景㗎!同屋企人、朋友一起去就有機會集郵,儲得齊成組飛尾啦!

仲有!樓上除咗60樓展望台嘅超靚夜景,58樓仲有好東西食!如果大家夜晚冇安排其他行程,咁小編好推薦大家喺度過,可以一次過滿足晒你對美食同美景嘅追求~大推入面嘅燒肉set同章魚燒DIY!嚟到日本冇理由唔去食餐燒肉、而嚟到大阪就更加冇理由唔去食章魚燒,更何況係可以自己親手做!

圖片來源|KKday

飲飽食醉之後大家就可以繼續欣嘗下靚景啦~好彩嘅話仲可能會撞到吉祥物阿倍野熊㗎!佢身上面啲雲就係佢最愛嘅食物,而佢個厭世樣真係超級可愛~

如果大家都好鍾意阿倍野熊,喺59樓就會搵到勁~多佢嘅周邊商品!有公仔、文具,仲有各式各樣嘅周邊可以買返屋企做紀念!

HARUKAS展望台
▶︎全年無休,營業時間:上午9:00 – 晚上10:00
▶︎官方網站HARUKAS 300
▶︎大阪環球影城™ VIP入園手環+HARUKAS 300 展望台優惠套票!

#住宿推薦:近鐵青年旅舍

天王寺除咗交通方便,同時都係行街Shopping同嘆好西嘅好地方,大家可能會覺得咁樣嘅話想住附近一定要荷包夠深,事實上阿倍野有官方HOSTEL㗎!佢嘅位置就喺阿倍野大樓隔離,而且位於天王寺公園裡面,周圍有Coffee Shop、便利店等等,交通同食野嘅生活機能都相當好!

HOSTEL入面有舒服嘅Common area,仲有公共廚房,提供咗餐具、雪櫃、焗爐等等,小編覺得好貼心嘅點係有免費即溶飲品同茶包,夜晚想有啲野飲都唔洗洗錢出去買啦~

圖片來源|KKday

HOSTEL入面仲有投幣式洗衣機,另外亦都有,咁大家就唔洗擔心住太耐冇地方洗衫同埋要拎住行李上上落落呢啲問題啦!對於HOSTEL入面嘅公共設施,小編認為已經好齊全,冇咩可以挑惕嘅地方!

圖片來源|KKday

HOSTEL同其他青年旅舍一樣,廁所、浴室都係共用嘅,但小編發現有一個超貼心嘅地方,就係女仔唔洗擔心一個成日發生嘅問題-爭風筒!呢度嘅廁所提供每個洗手盤配一個風筒,大家就唔洗爭,可以有效率咁搞掂~

廁所採用乾濕分離設計,呢點亦都深得小編嘅心~大家唔洗擔心喺浴室沖完涼澡要換衫嘅時候發現啲衫已經淋濕嘅困境。而且淋浴間外面有再隔一度門,隱私就更有保障!

圖片來源|KKday

房入面嘅配置都是上下格床,有分四人同八人房,如果係一班朋友或者成家人去,夠人數就可以包房,咁就唔洗同其他人共享瞓覺嘅空間啦~

設施方面,每張床都配置咗一個保險箱,大家出去玩或者瞓覺嘅時候可以將貴重野鎖喺裡面,另外每個床頭都有兩個充電插座,唔洗擔心啲電子用品要爭插頭用!

圖片來源|KKday

總之,以小編出國經驗嚟評價,近鐵青年旅舍喺HOSTEL入面都算五星級!再加埋地理位址呢啲附加價值,完全係大家下次去大阪玩嘅住宿首選~而且!依家訂住宿就送HARUKAS展望台門票,想一次過解決住宿景點問題?交俾KKday啦!

向大阪出發!你可能會需要:
▶︎【香港機場取件】日本7天高速無限上網SIM卡
▶︎【KKday保證有位】2018白川鄉點燈夜景・溫泉泡湯二日遊(大阪出發)

準備好去大阪玩?不如睇埋:
▶︎【冬遊日本|關西】 新手上路滑雪推介
▶︎【日本環球影城】2017聖誕節最強攻略

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: