環球旅遊

【終結孤單】五大韓國情侶文化你要知

圖片來源

KKdap App

「街裡愛人一對對🎶」去到韓國,一街都係閃光彈真係避無可避!想脫獨?或者可以先了解韓國獨特嘅情人文化,正所謂知己知彼、百戰百勝啊嘛~

1. 一年十二個情人節

圖片來源  

喺香港,慶祝2月14號、3月14號已經好頭痕!但原來喺韓國,每個月14號都係情人節!!而且每個月嘅情人節都有唔同意義~

【1月14號——行事曆情人節】

一年嘅開始,韓國情侶會送schedule比另一半,而且會預先mark定對方嘅生日、紀念日同埋重要節日,甚至係一啲小願望,超級sweet~

【單身專屬——黑色情人節】

至於喺2月14號、3月14號都冇收到情人節禮物嘅獨X們,會喺4月14號黑色情人節當日著上黑色衫褲、飲齋啡,仲會食埋炸醬麵,一於同全世界宣示自己係單身貴族,話唔定因為咁而遇到Mr./ Mrs Right?

2. 百日紀念日、PEPERO day

圖片來源

除左過唔完嘅情人節,韓國情侶亦都超級重視百日紀念日,通常男友當日都會準備surprise~諗唔到計都唔怕,因為韓國係有專門策劃驚喜event嘅公司~認真大製作!怕自己冇記性或者計錯數?咁就記得download定個app提醒自己啦!

11月11號對我地黎講係光棍節,但韓國人嘅11月11號又叫PEPERO day,寓意成雙成對,係表白或者傳情嘅日子~情侶們會喺呢日送PEPERO比對方,單身嘅人亦可以送黎表白。

3. 閃盲全世界嘅情侶裝

圖片來源

韓國情侶最鐘意著情侶裝,除左衫褲鞋襪,仲有唔同嘅飾物,全身都散發住「戀愛ING」嘅氣息,見到真係會想戴番副超!

如果唔想愛得咁高調,可以走文青路線,低調閃一樣可以留低難忘回憶!

 >>> 首爾街拍,留下最fashion的紀念照!

4. 情人節送乜好?

圖片來源

2月14號西方情人節,情侶會互送禮物,朱古力當然係大熱之選~首爾市區有唔少出名嘅朱古力鋪,亦有好多人會選擇自製朱古力,如果去到韓國,可以去芳山市場烘焙街走番轉,揀材料自製獨一無二嘅朱古力~


【Cacao Boom】

圖片來源

位於弘大嘅Cacao Boom,主打手工朱古力,水準極高!想特別啲可以訂製朱古力,揀你至愛嘅口味!

【Oh Lolly Day】

圖片來源

位於首爾鐘路區嘅Oh Lolly Day,係近期大熱嘅文創小店,好多後生情侶都會係到買特色小物~成棟建築物嘅外牆都係粉紅色,而且用餐環境好舒服,頂樓仲可以同陽光玩遊戲~浪漫舒適嘅感覺令佢成為韓國情侶最近嘅拍拖勝地!

圖片來源

【芳山市場】

圖片來源

想自製朱古力就一定要去芳山市場!烘焙材料同用具都應有盡有~係唔少韓妹整朱古力前會尋寶嘅地方!

5. 韓國熱門約會景點

圖片來源

除左要諗送咩禮物之外,去邊到拍拖都係令人頭痛嘅問題!(當然首先要有…)首爾市內其實隱藏左唔少浪漫景點,想知熱門拍拖勝地就繼續睇落去啦~

【N首爾塔】

圖片來源

首爾塔除左係遊客必定打卡嘅地方,亦係韓國情侶嘅必去景點之一!一邊欣賞首爾夜景、一邊閒逛愛情鎖牆,係首爾塔專屬嘅浪漫風景~

 >>> 韓國首爾塔超浪漫夜景!

【愛寶樂園、樂天樂園】

圖片來源

拍拖點少得去主題樂園啊?位於首爾市內嘅樂天世界除左有機動遊戲,仲有百貨商場,玩完可以直接血拼,夠晒方便!

圖片來源

除左樂天世界,韓國最大樂園愛寶樂園亦係拍拖必到嘅地方,超級夢幻嘅巡遊同埋四季花園,岩晒蜜運中嘅你地!

>>>  去樂天世界一次過滿足三個願望!
>>>  拍拖識去一定係去愛寶樂園

睇完KKday嘅介紹係咪超級心動先?無論單身定蜜運中,每個月14號都係一次機會喔!

▲認識KKday▲

KKday-世界旅遊體驗網站,在全球 54個國家,174 個城市,
有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧! 

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: