日本交通指南

【周遊日本】JR PASS 解密 Q&A

想用JR Pass,但太多種類唔知由邊度開始入手揀?唔明JR Pass點用?JR Pass期限係幾時?到底JR東日本、JR西日本、JR東海道咁多張Pass有咩分別?KKday針對大家最常問嘅JR Pass問題整理出呢份Q&A攻略,睇完包你可以對JR Pass有初步理解,唔洗一見到JR Pass就選擇放棄!跟住呢份指南,拎住JR Pass玩轉日本啦!

KKdap App
圖片來源|Pixabay

Q. JR 有幾多間公司?

雖然JR遍佈成個日本,但佢哋唔係同一間公司㗎!佢哋分別按區域分為「JR北海道」、「JR東日本」、「JR東海」、「JR西日本」、「JR東海」同「JR四國」。

Q. 咩身份先可以買 JR Pass?

基本上只要拎住日本以外嘅政府所發行嘅護照、並具有符合「短期居留」居留資格者就可以買。簡單嚟講,只要你係去日本旅遊嘅外國遊客基本上都可以買!

Q. JR Pass 有邊幾款?

其實JR Pass真係有超、級、多、種,小編喺度就幫大家整理咗以下表格,分成全國性、關西地區、關東地區、同其他較區域性嘅票券提供比大家參考:

  • 另外北陸拱型周遊券係JR東日本所推出嘅票券,不過因為能夠橫跨東京、富山/金澤同大阪,所以小編都係將佢列入全國性JR Pass入面。
  • 以上並冇列出晒所有嘅JR票券,只係列出咗比較常用嘅票券~

Q. 買 JR Pass 有咩好處?

好處就係慳!去過日本嘅大家都知日本交通費有幾貴,更加唔好講特急列車或者新幹線。但其實只要配合自己嘅行程,再揀到適合自己嘅JR Pass,咁就可以慳住玩勻日本!

Q. 點揀適合自己嘅 JR Pass?

其實大家可以先參考上面表格,之後根據你打算去嘅地區安排行程,再諗下自己會用咩交通方式移動,如果多數交通工具都要用到JR,咁小編就會建議你考慮買張JR Pass啦!

另外,小編都建議大家可以先計計自己喺搭JR上面花費大概會係幾多,再比較返JR Pass嘅適用範圍,只要你嘅花費會超過張JR Pass嘅售價,咁就唔洗諗咁多,即使入手JR Pass啦!

如果你真係懶到唔想去研究路線同計錢,咁小編就教你一個最簡單嘅方法-基本上只要你會用到新幹線、同埋有跨大城市嘅移動行程,咁你買完張JR Pass只要坐一、兩轉就絕對會回本㗎啦!

Q:我可唔可以去日本先買 JR Pass?
A:要視乎情況而定。

Q. 我可唔可以延長JR Pass嘅使用期限?
A:JR Pass 係不能夠延長日數㗎!所以記得要小心謹慎咁揀自己要用嘅日數同使用區域。

Q. 我可唔可以改使用日期?
A:如果想改使用日期,係有可能㗎!但根據返JR東日本、JR西日本嘅唔同規定,細則都會有啲唔同㗎~

根據JR東日本嘅規定,使用前並且喺有效期間內嘅車飛(某啲車票除外),可以免費更改一次同一種類嘅車飛。而更改時如果金額不足,就要補返價錢,如果多咗錢就會退返。第二次更改嘅時候,就要首先喺車站或者旅行社嘅結算處辦理退票手續,然後再重新購買您所需要嘅車飛,但呢種情況就要支付返規定嘅手續費。

而JR西日本嘅規則就係除咗山陽&山陰地區鐵路周遊券以外嘅JR西日本鐵路周遊券(包含ICOCA&HARUKA)嘅預約,如果要取消,需要喺「取消申請表」中取消預約,然後喺使用日嘅2日前為止,用「預約申請表」重新預約。至於山陽&山陰地區鐵路周遊券就有另一張申請表

▶︎ 東日本JR Pass 退票方式
▶︎ 西日本JR Pass 退票方式

以上都係JR官網上面寫嘅網路預約規定,如果你係跟旅行社買,就會依不同嘅規定有唔同嘅退票手續。

Q. JR Pass 有冇時間、車種同區域限制?
A:時間上基本只會規定日數同有效期限,而車種就每種票券都有唔同限制,基本上最常限制嘅大多係特急列車、新幹線,或者指定座席嘅列車,在來線(新快速、快速、普通列車)基本上只要喺規定範圍內就可以任意使用。

Q. 洗唔洗連續使用JR Pass?
A:小編提供一個比較簡單嘅分法大家,JR西日本所推出嘅票券幾乎全部都係要連續使用,但JR東日本所推出嘅票券(除咗JR東京廣域券北陸拱型周遊券)基本上全部都係機動票券,即係可以喺規定嘅日數入面任揀自己想用嘅日子!舉個例,JR東日本鐵路周遊券就可以喺14日內任揀5天使用,咁你嘅行程就可以更加有彈性!但全國性票券就多數都要連續使用嘅~

Q. JR Pass 可唔可以搭巴士、船或者地鐵?
A:基本上都係唔可以用嚟搭地鐵㗎!至於巴士同船就要睇返唔同票券內容,而有唔同嘅巴士同船可以搭。

舉例嚟講,JR西日本所推出嘅票券入面,「關西鐵路周遊券」、「關西&廣島地區鐵路周遊券」、「關西&北陸地區鐵路周遊券」、「山陰&山陽地區鐵路周遊券」等等,就可以搭指定範圍內嘅JR巴士

而「岡山&廣島&山口地區鐵路周遊券」、「關西&廣島地區鐵路周遊券」等票券,有經過宮島區域嘅地方係可以搭JR西日本宮島渡輪㗎!

另外補充一點,旅客常用市內交通例如東京嘅『山手線』同大阪嘅『環狀線』都係由JR經營,所以就算唔搭得市區地鐵,拎住JR Pass喺市區其實都係好有用㗎~

Q. 搭唔到預約咗嘅指定席班次,應該點做?
A:錯過班次之後,你需要「重新劃位」,如果你嘅周遊券本身就可以坐指定席嘅話(無論特急列車定新幹線),咁係唔需要另外加錢㗎;但如果你嘅票券是本身冇包含到指定席,只能搭自由席,而你另外比錢加購咗「超特急券」,咁你要即時詢問返站務員應該點處理。

去日本玩?你或者會需要:
▶︎日本高速WiFi放題,輕鬆上網打卡!
▶︎【KKday獨家包裝】Docomo 7日不限流量 Sim 卡(香港機場取件)

諗住玩轉日本,你可以睇埋:
▶︎【冬遊日本】新手必睇滑雪懶人包
▶︎【玩轉日本】溫泉勝地全攻略

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: