台灣旅遊資訊

【台灣南投】寶島時代村時光之旅

「想回到過去,試着讓故事繼續~」周董嘅歌經常訴說著過去嘅美好。近年台灣電影《那些年》、《我的少女時代》令一眾偽文青掀起咗一陣懷舊熱潮,連唔係成長於台灣嘅香港人都高呼好有共鳴。所以今次小編就想同大家介紹一個南投比較冷門嘅景點—寶島時代村,俾你瞬間穿越時空,回到過去~~

KKdap App

image

寶島時代村係以五、六十年代嘅台灣為背景嘅室內主題樂園。裡面分咗唔同嘅區域去展示台灣嘅獨特歷史同生活面貌。一入去,睇到復古嘅街道同佈置,你不禁會懷疑自己係咪成為咗穿越劇嘅主角。哈哈~

image

街道仿照舊時眷村嘅樣子,連學校、當鋪、理髮店同診所等都有,全部嘅擺設都按照以往嘅樣子,連牆上嘅海報都佈置得一絲不苟。呢個絕對係扮文青影相嘅好時機啊~~而且仲會有扮演醫生、國兵等唔同角色嘅演員喺度走嚟走去,加強真實感。(你都可以搵佢哋影相㗎~)

image

呢度竟然仲將成個集集火車站搬咗入嚟!而且所有嘅裝飾都好細致,甚至連火車嘅聲音都有配備,真係令人有置身其中嘅感覺!而小編最欣賞嘅就係呢度所有嘅嘢都可以用手碰,拎起嚟影相都冇問題,仲可以自由自在咁參觀唔同嘅角落。

image

時代村都有可以食嘢嘅地方,食嘅當然係台灣小吃:牛肉麵、滷肉飯、豆花等一應俱全,唔洗擔心會肚餓~

image

小編一邊拍照,一邊參觀,唔經唔覺就已經過咗三個鐘喇。夏天台灣熱辣辣,好彩呢度嘅冷氣夠強勁,剛好避過咗正午嘅太陽~所以小編建議大家最好中午時分嚟(六點半關門),之後可以去桃米村紙教堂、埔里酒廠等景點~

>>>【古早眷村回憶】Taxi tour 8HR 寶島時代村好時光之旅

 

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: