日本美食手冊購物指南

【日本沖繩】十大必食+必買手信

KKdap App

沖繩有咩出名嘅手信同小食係唔可以錯過架呢?而家就等KKday詳細為你介紹啦!

一、石垣牛

石垣島氣候溫暖、養牛業盛行,特產嘅黑毛和牛,肉質鮮美多汁,入口即溶,係必食嘅鮮美食材。上等嘅肉品,簡單調味後,放到鐵網上炙烤,絕對係嚟石垣島上最被推崇嘅美食之一。

推薦店家:金城燒肉

二、紫薯撻

嚟到沖繩,一定會見到各種紫薯做成嘅甜品,而紫薯撻更係其中被公認為最有代表性嘅土產,撻皮香酥、餡料甜而不膩,小包裝送禮自食兩相宜!

另外,紫薯做成嘅餅乾、雪糕、年糕等,都值得品嚐一下喔!

三、海葡萄

海葡萄係一種食用海藻,睇起嚟好似迷你版嘅綠葡萄,食起嚟就似魚子,所以都有「綠色魚子醬」之稱。鍾意嚐鮮嘅朋友仔,嚟到沖繩一定要食一碗海葡萄魚生丼飯~

四、黑糖

沖繩溫暖潮濕嘅氣候帶動咗呢度嘅製糖產業,將甘蔗以不漂白嘅方式,製成內含豐富鐵、鈣質嘅黑糖,係好多人嚟沖繩必買嘅手信。

五、阿咕豬

阿咕豬相傳係喺14世紀、沖繩仲係被稱為「琉球」嘅時候從中國傳到島上,其體型比普通嘅豬細小,生長繁殖較慢,又被稱為沖繩嘅「島豬」。而阿咕豬因為肉質軟嫩、冇乜腥味、肥而不膩、低膽固醇等特性,成為咗珍貴嘅肉品。 (睇相已經好想食!)

六、金楚糕

金楚糕,又名珍楚糕,係由豬油、雞蛋、麵粉同黑白糖燒制而成,食落去感覺甜甜粉粉,係沖繩嘅傳統菓子。從琉球王國時期流傳至今,係受旅人喜愛嘅高人氣小食。

七、泡盛辣椒

用泰國米蒸餾製成嘅泡盛酒,同小辣椒浸泡一齊之後,就成為咗酒香四溢嘅「泡盛辣椒」喇!不論係拌麵、炒菜、定調味,都非常適合喔!

八、沖繩麵

沖繩麵,又稱琉球麵,唔用傳統嘅蕎麥同麵粉製作,而係將小麥粉加工而成,係琉球料理嘅特色菜之一。

九、菠蘿

沖繩以生產釋迦菠蘿為主,產量係日本第一。喺呢度,從新鮮嘅水果到加工品、手信都可以見到佢嘅影子,想要瞭解更多嘅話,仲可以拜訪「名護菠蘿園」呢個以菠蘿為主嘅觀光園區,開住可愛菠蘿造型嘅車聽多國語言解說!

十、Orion啤酒

最後,旅行點少得酒精?Orion係沖繩啤酒第一品牌,不論係餐廳、便利店都會見到佢嘅影子。有咩美好得過一邊吹住海風聽浪,一邊嘆住沁涼嘅啤酒同旅伴談心?

今次嘅沖繩十大必吃就介紹到呢度,大家玩得開心之餘,亦都要用地道嘅沖繩美食餵飽肚皮!

▶︎美味晚宴:在夕陽的時候搭船出海,享受美食盛宴!

▶︎延伸閱讀:沖繩還能這樣玩!

 

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: