旅遊資訊歐洲美食手冊

【KKday美食篇】西班牙5大美食精選

一講起去西班牙旅行,大多數嘅香港人都會第一時間就諗起要去睇鬥牛、西甲球賽同埋彿朗明哥舞等等。但正所謂「民以食為天」,唔食飽又邊有力氣玩呢?其實西班牙菜都好有特色架。所以今日就為大家介紹幾款去西班牙必食嘅美食,未食過點可以話自己去過西班牙!

KKdap App

1. Tapas

西班牙人可以話係名符其實嘅「夜貓」一族,佢地唔多注重早餐,通常去到下午兩、三點先食午餐,然後到夜晚十點先再會食晚餐。咁你可能會問:「咁夜先食飯中間肚餓點算?」唔洗擔心,香港有得食下午茶,西班牙都有Tapas作為餐與餐之間嘅小食,暫時「頂住肚先」。

Tapas嘅種類大大話話有十幾二十種,梗有幾款啱你心水。而且價錢由2€至5€不等,豐儉由人。喺一啲專食Tapas嘅餐廳,通常都有bar枱擺哂當日供應嘅Tapas出嚟,你只需要睇啱邊款指邊款,就會有專人攞畀你,好似食自助餐咁~等小編都為大家推廌幾款好食嘅Tapas啦~

薯仔蛋餅Tortilla

有啲似奄列,蛋加薯仔好有飽肚感。

西班牙肉丸Albondigas

有IKEA肉丸mix咕嚕肉嘅感覺,酸酸甜甜幾開胃。

炒青椒仔Fried Padron Peppers

一啲都唔辣嘅炒青椒仔,灑咗啲海鹽喺上面幾啱用嚟送酒。

2. 西班牙火腿Jamon

講起西班牙就當然不得不提西班牙火腿啦。平時食開金x牌火腿嘅你,去到西班牙先知道原來火腿都可以有咁多種。平嘅幾歐就有交易,貴嘅可以去到幾十歐一細塊!當中以風乾72個月、食Belloa(橡果)大嘅黑毛豬最為矜貴。西班牙火腿除咗可以就咁食之外,仲可以配法包、蜜瓜、餅乾等。去西班牙嘅話一定要試下!

3. 西班牙燉飯Paella

可以同西班牙火腿齊名嘅應該都只有西班牙海鮮飯。其實西班牙燉飯Paella有好幾種,海鮮飯只係其中一種比較出名嘅。好似Paella嘅發源地華倫西亞(Valencia),就會用兔肉或者雞肉煮飯。Paella金黃色嘅飯粒,表層泛起層層油光真係會令人胃口大開。

4. Churros

小食講咗喇,主食又講咗,係咪硬係覺得差梗啲嘢呢?無錯就係甜品喇!西班牙傳統嘅甜品之一Churros就咁睇有啲似我地平時食開嘅油炸鬼,但係留意番同佢一齊上嘅唔係粥而係熱朱古力!西班牙有間買Churros嘅老字號,喺太陽門廣場附近。當你完成點單,店家就會送上Churros加配上一杯熱騰騰、極濃郁嘅朱古力。食法好簡單,就係用Churros沾滿朱古力醬嚟食,食完淨低嘅朱古力當地人會一飲而盡,不過小編就覺得太甜喇。嗜甜之人可以挑戰下~

5. Sangria

有美食又點可以冇美酒呢~西班牙代表性飲品非Sangria莫屬。Sangria係由紅酒、水果切片、烈酒、梳打水同糖漿混合調配而成嘅飲品。比起單飲紅酒而言,Sangria味道比較豐富,而且較甜,較為容易入口。平時唔飲酒嘅朋友都可以輕嘗一兩杯。不過每間餐廳嘅配方都唔一樣,有啲烈酒嘅含量較多,所以酒量唔太好嘅朋友記得喺落單嗰時提醒侍應唔好太重手呀。

西班牙嘅美食又點止咁少,以上五樣只係入門版,仲有更多美食等住你發掘!係咪好想即刻飛去西班牙大快朵頤呢?…但係你又怕人生路不熟會中伏?咁不如搵個當地人帶你捐窿捐罅搵美食,咁就可以專心大吃大喝啦!

【最經典Tapas步行導覽】巴塞隆拿必吃、必去一次滿足!

【巴塞隆拿美食文化】製作你嘅精釀啤酒同Tapas!

【品味生活】巴塞隆拿品酒之旅

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: