泰國東南亞美食手冊

【KKday美食篇】泰國十大必吃美食

泰國除咗SPA、SHOPPING出名之外,仲有一個S!呢個S就係SNACKS喇。快啲跟KKday為大家整理嘅「泰國十大必吃美食」去泰國搵食啦!

KKdap App

#10 泰式奶茶

唔好以為奶茶得香港同台灣嘅先出名,泰國奶茶都絕對要試下!泰式奶茶以橘黃色澤著名,佢嘅特點就係~甜!泰式奶茶甜度比香港同台灣奶茶甜得多。記得要放多啲冰,咁就可以等佢冇咁甜~唔少泰國市集都有賣泰式奶茶,口渴嘅時候可以買一杯嚟試試。

#9 Pad Thai

Pad Thai係一種泰式炒麵,材料包括麵、雞蛋、海鮮,再用獨門醬汁炒出嚟~Pad Thai價錢平、飽肚之餘又好食,係一款唔錯嘅小食,每份價錢約40至60泰銖不等,通常有成三、四種麵可以揀,包括寬麵、瓜米粉、油麵等等。

學咗點煮Pad Thai返到香港就隨時都有得食啦!
>> 曼谷Maliwan私房泰式廚藝教室
>> 清邁Mama Noi廚藝學校半日/全日體驗課程

#8 海南雞飯

海南雞飯?你冇睇錯,雖然唔係新加坡嘅海南雞飯,但其實泰國嘅海南雞飯值得試下,味道絕對唔會被比下去,非常美味可口~而且市集上面賣嘅多數係一細份,食完個胃都仲有位食其他好野!

#7 香蕉煎餅

圖片來源|Shutterstock

煎餅係由薄薄嘅餅皮加埋香蕉、雞蛋同煉奶一齊煎。通常香蕉煎餅嘅價錢大約係30泰銖左右,平之餘食起嚟味道甜甜哋,同個煎餅配搭好夾,超好食!

#6 泰式湯麵

唔好睇小湯麵,喺泰國同樣係必食,麵同湯底嘅選擇十分之多!而泰國嘅配料通常係牛肉或者唔同丸類,配上帶有各種鮮味嘅湯底,食起嚟十分滿足!一碗湯麵價錢大多約30至40泰銖左右。

#5 椰絲煎餅

椰絲煎餅係泰國傳統點心之一,煎餅又薄又脆,加上甜甜哋嘅椰絲,非常可口。

#4 鮮榨果汁

喺香港隨便買一枝嘢飲,郁啲都可能要10蚊或以上,但係喺泰國10蚊已經可以買到一枝鮮榨果汁!果汁價錢平均係大約20至30泰銖左右,小編特別推介椰子汁、橙汁同菠蘿汁,含豐富嘅維他命C,健康消暑又解渴~

#3 串燒

泰國最出名嘅就係沙嗲串燒,小編最推介食豬肉!味道唔會太辣,好適合邊行街邊食!

#2 芒果糯米飯

圖片來源|Shutterstock

泰國盛產芒果就人人都知,而芒果糯米飯更加係泰國隨處可見嘅美食。芒果放滿喺糯米飯上,配搭住椰奶咁食,滋味無窮!小編成日喺機場臨飛前都忍唔住要再買嚟食多次先走!

#1 椰子冰

泰國椰子十分出名,話佢係泰國必食嘅第一位,絕對當之無愧!椰子冰用咗新鮮嘅椰子殼,載住椰子味雪糕,底部仲有椰子肉可以食!大家邊行街邊食,好味又消暑!

快啲出發去泰國盡情食啦!
>> 【魅力曼谷一日遊】水上市場+樹中廟+鐵道市集
>> 【席隆 Silom 廚藝教室】半天學會五道經典泰國菜
>> 【動手做泰國菜】曼谷Maliwan私房泰式廚藝教室
>> 【動手做泰國菜】清邁Mama Noi廚藝學校半日/全日體驗課程
>> 【香格里拉遊船晚宴】國際級的五星級享受

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: