越南交通指南旅遊資訊

【越南】胡志明市交通攻略

隨住越南旅遊業嘅發展,香港人都越嚟越鍾意去越南旅遊,最緊要又平又正!而胡志明市作為越南南部大城市,除咗保存完整嘅戰爭遺跡,統一宮、紅教堂等歐式建築同埋熱鬧嘅檳城市場都絕對值得一去,只係交通問題仍然係自由行嘅一大煩惱!點樣由機場搭出市區?搭邊種的士先會唔會俾人呃?KKday已經幫你整理好晒所有你搵到嘅資料,即睇交通攻略!

KKdap App

#機場交通

1. 機場巴士

一出入境大廳往右手邊行,往市區嘅站牌就喺Burger King附近。全程大約30~45分鐘,主要視乎塞唔塞車。去到搵紅色售票亭搵站務員買飛,唔肯定邊個站牌可以直接俾站務員酒店名或者要去嘅地點,佢哋一般都會識英文嘅。

【接駁巴士109  Shuttle Bus】

大約20~30分鐘一班,尾班車00:20,一人20000VND,經濱城市場、范伍佬、23/9公園,上車前可以俾站務員睇睇你嘅目的地,沿途都可以落車,車會有英語廣播、字幕同WiFi,方便外國人落車。(巴士路線

【接駁巴士49  Shuttle Bus】

中巴士,30分鐘一班,一人40000VND,尾班車00:30,同巴士109一樣主要為外國人而設,有英語廣播、英語字幕、WiFi,比109停靠更多大飯店。(巴士路線

【市區巴士152】

大約15分鐘一班,尾班車18:30,一人5000VND,經濱城市場、統一宮、聖母教堂,車有分新舊款,舊款冇冷氣,雖然平啲,但車上只會顯示越語,乘客以當地人為主,而且大型行李需再收一人5000VND費用。(巴士路線

2. 的士(胡志明市中心)

大約30分鐘到市區,120,000-140,000VND唔超過150,000VND,包含過路費10000VND,好多的士都唔找錢嘅,最好自己預備散紙或者當小費俾司機。

出國際線大廳往左邊就有的士站,但遇到坤你錢嘅的士機會較高,比較安全嘅做法係去departure level 出境層搵的士,呢度嘅的士都係送完客去機場嘅,Mailinh同Vinasun比較多。

Vinasun(白色)和Mailinh(綠色):合法營業,價錢睇錶(by meter),比較有保障,12000VND起跳,

Uber/ Grab Taxi:適合有SIM卡嘅遊客,因為機場好多人,如果冇辦法同司機聯繫建議唔好叫Uber。

SATSCO:機場大廳有寫Taxi嘅櫃檯有賣的士券,大約19~25萬VND,比一般的士貴,但亦都保證唔會遇到騙子司機,晏晝塞車或者就買的士券比較抵。

#市區交通

1. 的士 Vinasun/ Mailinh

圖片來源 | Irene Li

Vinasun(白色車身)同Mailinh(綠色車身)係兩間合法嘅的士公司,起跳價12000VND,前者比後者評價好,司機有可能靜係識講越南文,最好事先抄定目的地嘅越文俾司機睇,路上會有好多假車,可以睇車身電話號碼辨認,Vinasun係38 27 27 27,Mailinh係38 38 38 38。

2. Uber/ Grab

除了當地車行,Uber都有好多人用!唔止車好乾淨,價錢仲比的士平,但只可以用信用卡俾錢,如果打算搭Uber為主,小編建議喺香港註冊好link咗信用卡先~

Grab係另一個喺東南亞最大嘅call車平台,同Uber一樣會計好錢先,大大減少亂加錢嘅風險!價錢抵仲可以現金俾錢,只要電話號碼就可以註冊,其中Grab bike特別受歡迎,係電單車的士,喺市區成日都可以睇到著住綠色制服嘅電單車騎士後面載住客人喺車同車之間穿插!

▶︎ Uber   iOS   Android
▶︎ Grab   iOS   Android

3. 市區巴士 Bus

當地巴士路線有啲亂,一人大約5000~6000 VND,上車入錢,司機多數用當地語言而且冇冷氣,亦都冇到站顯示器,遊客要隨時開住google map搵自己喺邊。胡志明市嘅景點集中喺第一郡,對觀光客嚟講冇咩用市區巴士嘅機會,小編建議第一次去越南嘅遊客都係搭其他車啦~

▶︎ 胡志明市區巴士路線

4. 電單車的士 Xe Om

圖片來源 | Shutterstock

當地好常見嘅代步方式,要講價嘅,所以呢雖然方便同平,但你如果唔識越南文就有啲麻煩,同埋一般遊客都唔清楚市價,都係搭的士/Uber/grab比較穩陣。

5. 租電單車 Motorbike/Scooter Rental

當地人以電單車為主要交通工具,雖然方便、租金低,但因為遊客唔熟悉當地交通規則,而且胡志明市街有啲混亂,所以小編並唔建議租電單車,計劃喺當地租電單車嘅遊客一定要非常小心啊!

#跨市交通

1. 臥鋪巴士 Sleeping Bus

圖片來源 | KKday
圖片來源 | KKday

越南嘅臥鋪巴士非常出名,評價好好!胡志明市嘅長途巴士站集中喺范伍佬街Pham Ngu Lao,最出名為新咖啡 The sinh coffee同芳莊巴士 FUTA/Phuong Trang兩間,現場買票方便,亦可以上網事先買好,價格平,胡志明市去美奈大約五個鐘12萬VND,去芽莊大約八個鐘16萬VND,買完飛之後接駁車會將乘客載到郊區,再上臥鋪巴士。

圖片來源 | KKday

▶︎ 小編提醒:上車要除鞋㗎~雖然佢哋會準備拖鞋,如果唔想用要記得自備
▶︎ The sinh coffee網上訂飛FUTA網上訂飛
▶︎ 越南臥鋪巴士票!胡志明出發,去晒美奈、大叻、芽莊

2. 火車 Train

路程係臥鋪巴士嘅一半,適合長程跨城市行程。越南鐵路貫穿南北,被稱為「統一線」。火車票有唔同票價,大致分為硬臥、軟臥同有冇冷氣。火車站唔多,美奈冇火車站,要轉搭其他交通工具。

▶︎ 網上買飛
▶︎ 小編提醒:外國遊客有10%優惠。
▶︎ 小編補充:越南火車亦有跨國路段,係由越南北部大城河內去大陸南寧

#延伸:人力車

圖片來源 | Shutterstock

越南嘅三輪車分兩種用途,一種俾當地人搬貨、家用,另一種就係載觀光客嘅人力車,各大觀光區、鬧區都有,大家可以體驗一下人力車漫遊老街。雖然越南政府規定人力車司機唔可以停喺旅館拉客,但喺旅館外面通常都會見到。

玩胡志明市這些必不可少:
▶︎湄公河水上風情,美托搖船文化一日遊
▶︎胡志明市古芝地道半日遊,體驗越戰時期神秘感
▶︎15日越南高速上網sim卡

玩越南你需要知道:
▶︎【景點】胡志明市十大必訪景點
▶︎【美食】越南十大必吃美食
▶︎【手信】去越南有咩好買?越南十大必買手信!

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: