歐洲美食手冊購物指南

【KKday美食篇】土耳其甜蜜之旅

正所謂女人食甜品就有第二個胃,但如果你已經食厭咗日韓台嘅甜品,就係時候轉戰土耳其啦。唔好以為土耳其淨係得火雞同軟糖,事實上土耳其嘅甜品真係多到街頭排到街尾。鐘意食甜品嘅就千祈唔好錯過啦~

KKdap App

➤土耳其冬甩(Lokma)

去到土耳其,有好多唔同嘅小攤檔都會用Lokma嚟做鎮店之寶。其實Lokma可以話係土耳其式嘅冬甩,將麵團低溫油炸再將成個浸落糖漿入面,有啲鋪頭仲會加開心果碎,口感更加豐富。

因為浸咗落糖漿入面,麵團嘅質地會比真冬甩實一啲,雖然都冇乜飽肚感,但強烈建議大家一‧次‧只‧食‧一‧個!

除咗有冬甩形狀,有時亦會係球狀。買嘅時候可以指定要幾多個,亦都可以用價錢同重量嚟計。Lokma會放喺紙袋入面,用竹籤食先唔會整到隻手「痴立立」。

➤土耳其軟糖(Lokum)

無論你有冇去過土耳其,都一定有聽過土耳其軟糖Lokum。喺土耳其,每間甜品或者蛋糕鋪都會有得賣,材料好簡單,只係將果膠加上開心果或者榛果,但味道選擇就有好多。

土耳其人做嘅軟糖有玫瑰、肉桂、檸檬等好多唔同嘅果味。除咗平常可以見到嘅正方形軟糖,亦都有灑滿糖粉或者椰子粉嘅長條狀軟糖,不過就要自己切。但如果你夠牙力都可以就咁咬嘅~

如果去到土耳其只可以食一種甜品,一定係揀土耳其軟糖。好唔好食就見仁見智,但係去到唔同地方旅行,都當然係想試下當地最有特色嘅野啦~

有咁多口味揀咩好?最穩陣就係揀堅果味,最傳統亦都冇咁甜。另一個好受歡迎嘅味係石榴,裡面充滿當地出產嘅開心果,好受外國遊客歡迎,大家都不妨一試。

到底幾時開始有土耳其軟糖?

紅色:玫瑰水;黃色:檸檬皮;綠色:苦橙。

土耳其軟糖發明嘅時間冇人可以確定到,不過佢之所以出名,係因為甜品師傅 Ali Muhittin Hacı Bekir喺1776年開咗一間甜品鋪,某日有一位英國探險家幫襯,將lokum帶番英國,自此之後,Turkish Delight呢個名就全世界都識啦!

➤土耳其龍鬚糖(Pişmaniye)

外國人叫Turkish Fairy Floss(土耳其夢幻棉花糖),就好似香港嘅龍鬚糖一樣,入口即溶,好似食咗甜甜嘅空氣。 Pişmaniye食落好似棉花糖,因為做法係將糖溶化再冷凍,拉成一個大圈,再把糖圈放入麵粉同牛油,之後就要不斷將糖圈拉開,直至質地變得鬆軟。

Pişmaniye有唔同口味,例如係開心果同朱古力,睇顏色就可以分到,白色就係原味。Pişmaniye嘅起源可以追溯到15世紀,常見嘅包裝係將十幾個裝成一個紙盒,一個大約兩隻手指公嘅大細。

食嘅時候要小心啲因為好容易跌到一地都係,而且一掂到熱野或者水蒸氣就會溶溶地,所以你想「梅」耐啲都唔得。而且拆封之後一定要包好,唔可以接觸空氣,亦都唔好放入雪櫃,如果唔係就會變硬咖啦!

➤哈爾瓦酥糖(Helva/Halva)

哈爾瓦酥糖係泛指一種喺整個中東、南亞、中亞、西亞、北非、巴爾幹同東歐都有嘅甜品,味道十分甘甜,望落就好似用糖粉堆積而成嘅蘿蔔糕。喺巴爾幹同中東地區,哈爾瓦唔止係一種甜品,有時仲會當係早餐咁食咖!

一般酥糖底有兩種整法,一種係用粗麵粉加上牛油同糖;另一種就係用芝麻糊或者其他堅果油,再加牛油同糖,會比較易碎。整好咗酥糖底之後,多數再加大量果仁,例如係開心果。

怕甜嘅人可以叫老闆切薄啲,少食多滋味!同土耳其軟糖一樣,哈爾瓦酥糖都係好容易喺唔同嘅甜品店搵到。相對嚟講,哈爾瓦酥糖嘅甜度係比較容易接受,不過當你已經去咗土耳其幾日,可能已經有啲味覺遲鈍。

➤庫納法(Künefe)

庫納法係由法蒂瑪王朝到依加都流行嘅甜品,鐘意芝士嘅朋友一定要試下,因為呢個蛋糕係以白芝士為底,再加上麵粉小麥糊,鋪上酥脆糖漿,最後灑上開心果粉,亦有玫瑰或橙味。

土耳其大部份餐廳食完飯都會有甜品,而庫納法都係選擇之一。可能因為用芝士做底,所以唔算太甜。唔想太飽滯嘅話,可以兩個人happy share~

➤番紅花布甸(Zerde)

番紅花布甸係傳統嘅土耳其甜品,唔止係土耳其,喺伊朗嘅農產區都好受歡迎。布甸嘅主要材料有大米同玉米粉,做法同布甸好相似,不過布甸會加牛奶,而番紅花布甸就係加水。

番紅花布甸睇落好似好濃稠嘅南瓜湯,通常會喺土耳其婚禮或者新生兒嘅慶祝場合食用。如果你有試過土耳其嘅八寶粥 (Ashure),你可能會以為佢係黃色嘅八寶粥。事實上,佢嘅顏色主要來自薑黃同番紅花兩種配料,再加上當地盛產嘅水果,例如係葡萄乾、松子、玫瑰水、開心果同埋石榴等等。

➤丘爾其赫拉(Cevizli Sucuk / Küme)

丘爾其赫拉源自喬治亞(Georgia),係一種外形似腸仔,裡面包住合桃同其他唔同果仁嘅甜食,所以又叫做核桃香腸或者甜香腸。將果仁插入小麥粉,浸入用提子、桑樹同梨所做成嘅果漿入面,曬乾就可以食啦~雖然個樣似腸仔,不過就唔會致癌,仲有豐富礦物質同埋維他命A、D、E。

➤乾果(Kuru Meyve)

喺伊斯坦堡,呢種攤檔好常見。前排係香料、右邊係土耳其軟糖,後面就係各式各樣嘅果乾同埋曬乾嘅茶葉,格局有少少似香港嘅藥材鋪同海味鋪。

介紹咗咁多甜嘢怕唔怕自己去完土耳其要去睇牙醫?但我相信鐘情於甜食嘅人無論食咗幾多日甜野,番到香港都會掛住佢嘅水果乾。

由於地理同歷史文化嘅原因,土耳其人好了解長期保存水果嘅技術,乾果就係其中一個辦法。特別嘅地方係乾果入面會加一啲合桃或者榛子,可以增加口感,亦都可以中和甜味。

馬上同KKday暢遊土耳其:
>>來到土耳其,當然要坐熱、氣、球!
>>一起走訪世間最美的場景:棉花堡~

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: