旅遊資訊主題樂園美國

【美國加州】加州迪士尼終極攻略

去到美國加州點可以唔去全世界第一座迪士尼樂園?!但加州迪士尼樂園係點去?點買門票先最抵玩?兩個樂園點樣玩先可以玩到最多嘅設施?KKday已經幫你整理好交通、門票、遊玩攻略,滿足你3個願望!

KKdap App

一、加州迪士尼門票咁多款,應該點買?

圖片來源|Ivy

如果係官網買迪士尼入場卷,唔同日期有唔同價錢,唔同套票組合又有唔同價錢,好複雜啊!所以一定要喺買飛之前知道邊款入場卷最適合你。

圖片來源|Disney

時段分類:加州迪士尼將門票分為3個等級,分別係經濟(Value)、平日(Regular)、尖峰(Peak)。一般嚟講淡季嘅平日係屬於經濟票;淡季嘅假日就會係平日票;而旺季(萬聖節、感恩節、聖誕節等)係尖峰票。如果買咗飛想改期,補返差額就可以。

小編提醒:買飛之前上官網,可以睇到未來4-5個月嘅票價。

圖片來源|Disney

單園、雙園門票:因為加州迪士尼有兩個樂園(加州迪士尼、迪士尼加州冒險),如果買一日卷 (1 day ticket),買飛之前就要決定想玩一個樂園 (1 Park),定想一次過玩晒兩個樂園 (Hopper ticket)。如果想玩多幾日,買二、三、四、五日卷,都可以揀一日玩一個樂園 (1 Park Per Day),定係兩個樂園跨園仼意玩 (Park Hopper Ticket)。

圖片來源|Disney

多日數套票:除咗一日卷,你都可以買套票連續幾日入園玩,最多可以玩5日 (5-day ticket)。而買三日卷 (3-day ticket) 或以上嘅迪士尼迷,可以係部分日子有Extra Magic Hour或者Magic Morning,提早1個鐘頭入園。

圖片來源|Disney

小編提醒:想知幾時有Extra Magic Hour或者Magic Morning,可以參考官網嘅日程表。

▶︎加州迪士尼開放時間
▶︎加州迪士尼官網買飛

二、喺KKday買入場卷唔洗煩

三、可以撘咩車去迪士尼?

圖片來源|Ivy

#洛杉磯國際機場(Lax)到迪士尼

如果你住迪士尼酒店,或者一落機就想去迪士尼玩,喺洛杉磯國際機場 Los Angeles International Airport (LAX)去迪士尼樂園好方便。

a. Disneyland Resort Express

住Disney Resort嘅朋友,可以喺機埸各客運大樓搵Disney Resort Express嘅綠色牌等車。落車嘅時後用信用卡俾錢,記住淨係可以用信用卡,唔收現金。

b. Metro (Bus and Rail)

如果唔想撘Disney Resort Express,可以喺各客運大樓撘LAX Shuttle & Airline(免費接駁),搭G線嘅巴士或者接駁車到 Aviation Station,再轉 Metro Rail 到Norwalk Station,再搭Metro Express Line(MTR) 460 去Disney Resort。

▶︎更多資訊可以上LA Metro官網查詢

c. Shuttles, Limousines and Taxicabs

最後一種,係同其他人共乘Van仔、Limousines。Limousines會收Flat fare,同撘的士差唔多價錢。小編個人建議可以選擇搭共乘嘅長途Van仔,Super Shuttle、Prime Time Shuttle 兩個都可以去迪士尼,價錢可以喺官網查詢(有時共乘去迪士尼嘅車會有特別優惠)。

▶︎Supershuttle官網
▶︎Prime Time Shuttle官網

#市中心出發搭乘巴士

喺市中心出發,可以喺市中心嘅Norwalk、Figueroa St.、6th St、5th St、 Flower St搭MTA 460號巴士去迪士尼,車程大約兩個鐘頭。

▶︎更多資訊可以上LA Metro官網查詢巴士資訊

另外可以撘OCAT嘅50、43、46、83、430號巴士去迪士尼,每條線嘅出發地區都唔一樣。

  • 路線50:會喺Long Beach 同 The Village at Orange繞行(東西方向),途中會經過Katella Ave
  • 路線43:會喺Costa Mesa同 La Habra (南北方向),途中會經過Whittier Blvd. 、 Harbor Blvd.
  • 路線46:會喺 Los Alamitos同The Village at Orange繞行(東西方向),途中會經過Ball Rd. 同Taft Ave.
  • 路線83(express):會喺 Anaheim同 Laguna Hills(南北方向)繞行,途中會經過the 5 Freeway同 Main Street.
  • 路線430 (station link bus line):會喺Anaheim Amtrak/Metrolink Station同 the Anaheim Resort Area繞行(東西方向),途中會經過Katella Ave, Harbor Blvd. , Ball Rd.

▶︎ 更多資訊可上OCAT官網查詢

#自駕遊最方便

如果係自己揸車嘅話,行5號公路 (Santa Ana Fwy.),喺Harbor Blvd.交叉路,沿住迪士尼標誌行(停車費官網標價20美金)。

▶︎地址:1313 Disneyland Dr, Anaheim, CA 92802 America
▶︎更多加州迪士尼交通詳細資訊可上官網查詢

四、迪士尼幾多點開園?

圖片來源|Disney

迪士尼嘅開放時間喺旺季、淡季都會唔同,旺季可以由朝早9點玩到半夜,而平日、淡季通常都係開9:00-20:00,迪士尼加州冒險樂園多數都係開10:0-21:00。大家可以早2-3個月前上官網睇營業時間,仲可以睇埋有冇Magice Morning、Extra Magic Hour。

▶︎加州迪士尼開園時間

五、最好幾點去排隊?入園前有咩要注意?

圖片來源|Ivy

如果想一早入園,小編建議喺開園時間前一個半鐘頭到迪士尼樂園,因為泊車、再撘園內專車到樂園門口、入園前安檢都需要一段時間,而且晏奏會比較多人。如果買咗、三、四、五日入場卷,可以有Magic Morning,喺指定日子提早入場。喺入最好都係睇咗攻略/迪士尼地圖先,廢是到時手忙腳亂。

小編建議:喺入園之前可先下載加州迪士尼嘅官方手機app,呢個app會話你知遊樂設施嘅地點、廁所、飲水機、餐廳等位置資訊、設施嘅排隊等候時間、迪士尼人物會喺幾點同邊度出現、幾時放煙花等重要資訊!

▶︎iTunes 載點
▶︎Android載點

圖片來源|Ivy

▲喺入園之後嘅兩邊,認住呢個”i”字嘅櫃,會有免費嘅中文樂園地圖。

六、玩邊樣設施先?有咩必玩設施?

圖片來源|Ivy

【加州迪士尼樂園】

1. 一定要拎熱門設施嘅Fast Pass

圖片來源|Ivy

有Fast Pass嘅設施都係比較受歡迎,如果排隊時間少過20-30分鐘就可以先排隊玩,如果要等太耐就可以拎咗Fast Pass先,再去玩唔洗排隊嘅遊樂設施。因為迪士尼樂園表演秀嘅Fast Pass可以拎多過一張,冇時間限制,可以抽完遊樂設施嘅Fast Pass,就即刻抽表演秀。

▶︎Fast Pass小知識:

如果大家唔想即刻排隊,可以先抽Fast Pass,按Fast Pass飛寫嘅指定時間返嚟遊樂設施,就可以排Fast Pass通道優先玩。

圖片來源|Ivy

通常熱門設施都可以抽Fast Pass,迪士尼樂園嘅app都有寫邊啲設施可以抽,只要將樂園入場卷放入指定嘅入口就可以抽。如果你已經拎咗好多設施嘅Fast Pass,系統會要求你等30分鐘-1小時先可以再抽,所以最好鎖定幾個最想玩嘅目標先抽。

2. 先玩Tommorowland

圖片來源|Ivy

Tommorowland距離入口好近,又有四樣人氣明星設施:飛越太空山、星際大戰、Finding Nemo、巴斯光年,下午會有好多人排隊,所以可以先排隊玩或者先抽Fast Pass。

3. 玩完Tommorowlalnd,再玩Adventureland

圖片來源|Ivy

Adventureland就喺Tommorowlalnd對面,所以玩完Tommorowland可以先去印第安那瓊斯抽fast pass,如果唔多人就可以排隊玩咗先。喺Tommorowlalnd行去Adventureland嘅途中會經過美國大街,小編建議可以留15分鐘喺美國大街同城堡合照。

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

4. 小熊維尼迷請注意!

如果你係小熊維尼迷嘅話,小編建議你一定要去加州迪士尼嘅 Critter Country 玩 The Many Adventures of Winnie Pooh,有好多可愛Pooh Pooh~

5. 玩完熱門設施後,可以去順路嘅園區玩

圖片來源|Ivy

玩完Tommorowlalnd、Adventureland嘅熱門設施,可以順著紐奧良區(New Orleans Square)→動物天地(Critter Country)→西部樂園(Frontierland)→卡通城(Mickey’s Toontown)→夢幻樂園(Fantasyland),一路玩到美國大街。

6. 返到美國大街後,要即刻霸位!!!

圖片來源|Ivy

睇煙花嘅最佳位置係Main Street 、Frontierland前面嘅美國河,遊行都會經呢兩個地方,早少少6、7點嚟霸位就差唔多。

【迪士尼加州冒險樂園】

1. 一定要拎熱門設施嘅Fast Pass

圖片來源|Ivy

加州迪士尼冒險樂園嘅人氣設施多數集中喺Paradise Pier,好似米奇摩天輪、加州尖叫雲霄飛車、玩具總動員。而隔嚟Cars land區域嘅Radiator Springs Racers都好受歡迎。如果排隊時間喺20-30分鐘內就可以排隊玩先,如果唔係就建議先抽Fast Pass。

2. IG打卡熱點:米奇摩天輪

圖片來源|Ivy圖片來源|Ivy

去到加州迪士尼冒險樂園,一定要去米奇摩天輪嘅對面影相打卡,太陽嘅自然光加上經典米奇老鼠,好有feel~

3. 去完Paradise Pier,一定要去抽水舞表演秀嘅Fast Pass

水舞表演秀係迪士尼冒險樂園夜晚嘅重頭戲,一定要有Fast Pass先可以入場,所以一定要去Grizzly Peak抽水舞表演秀嘅Fast Pass。

4. Paradise Pier、Cars land都玩完之後,就到Hollywood land!

玩完啲必玩設施之後,就可以去Hollywood land,有銀河護衛隊、怪獸電力公司遊園車、冰雪奇緣舞台劇等,記住要抽張Fast Pass睇阿拉丁表演秀。

六、有咩必吃必買?

1. 買個Mickey Ears啦!

喺迪士尼梗係要帶返對Mickey Ears,仲有Star Wars㗎~

2. 一定要食超大火雞脾

圖片來源|Ivy

加州迪士尼嘅火雞脾就嚟大過小編塊面,而且佢外皮酥脆、軟嫩多汁,唔食真係對唔住自己~

3. 必買嘅星巴克造型杯

圖片來源|Ivy

加州迪士尼同迪士尼加州冒險有推出各自嘅造型杯,好靚好想買!

4. 玩完樂園,記住要行Downtown Disney!

圖片來源|Ivy

Downtown Disney係條商店美食街,唔係園區內,所以建議玩完樂園先去行,仲有迪士尼旗艦店。

番外:不可不知嘅小秘密

樂園嘅遊樂設施有啲隱藏嘅小秘密,不過唔知呢啲都市傳聞係唔係真。

1. 親自駕駛馬克吐溫號

圖片來源|Ivy

據聞Frontierland嘅馬克吐溫號唔止可以搭船,喺登船前問下工作人員可唔可以做「Lucky Guest」,就有機會被帶到寫著「Private」嘅房,親自駕駛,仲會有張迪士尼駕駛證照!

2. 叢林巡航嘅神祕禮物

圖片來源|Ivy

玩完Adventureland嘅叢林巡航,可以問工作人員拎一份神秘地圖留念,但係你要完成一個小任務,好似扮動物嘅叫聲、扮米奇等,先可以有呢份神秘小禮物。

3. 小編推薦必玩小遊戲

圖片來源|Ivy

呢個迪士尼隱藏版嘅小遊戲,5蚊美金就可以玩兩次,好大機會中獎!

想買迪士尼飛或者睇其他攻略?不如睇下👇
▶︎三日一定好夠玩,加州迪士尼三日券
▶︎玩一個園又得,兩個園都得!加州迪士尼一日券
▶︎一日玩一個樂園,兩日券啱啱好!
▶︎【美國Q&A】旅遊簽證懶人包

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: