東南亞美食手冊

【馬來西亞美食篇】沙巴亞庇經典10大美食

馬來西亞嘅多元種族,唔單止令城市街頭有多元化嘅風景,同時都令馬來西亞擁有亞洲種類最多、融合咗唔同文化特色嘅美食。從口味濃厚嘅馬來佳餚、香噴噴嘅中式料理、極多香料嘅印度料理到獨一無二嘅峇峇娘惹食品,喺馬來西亞都應有盡有!

KKdap App

第一次去沙巴,而又唔知道有邊啲必吃美食?咁就唔好錯過KKday整理嘅10大亞庇經典美食清單!

#1 肉骨茶(Bak kut teh)

圖片來源|fotolia

肉骨茶係嚟沙巴必吃嘅美食!其湯頭用豬大骨同中藥材燜煮4個鐘頭以上,帶有薄薄嘅藥材香味。仲可以揀豬大骨、豬排骨、豬肉丸、豬肝、豬腰或三層肉等嘅配搭,再加上醬油膏配白飯一齊食!而喺亞庇最出名嘅就係「佑記肉骨茶」同「新記肉骨茶」喇!

【推薦店家:佑記肉骨茶(Yu Kee Bak Kut Teh)
►地址:74, Jalan GayaKota Kinabalu, 88000, Kota Kinabalu, Sabah,Malaysia(座標:5.984761, 116.077448)
►營業時間: 16:00 – 22:30
►電話:+60 88-221 192
►交通:位於喺亞庇市區,信號山觀景台附近。

#2 椰漿飯 (Nasi Lemak)

圖片來源|fotolia

椰漿飯可以話係馬來西亞嘅國民美食,好多馬來西亞華人都會將佢當做早餐。佢仲有個好記又幽默嘅唸法:「辣死你媽」,令你到咗當地一定識點叫餐,喺一般嘅茶餐廳都可以見到呢道菜色!

將米飯伴椰漿一齊蒸煮,配搭辣醬以及烤花生、小魚乾等佐料食用;有啲仲會附上雞腿、水煮蛋、小黃瓜等。除咗一般以盤子盛裝,都有用蕉葉將所有食材包裹起來食用嘅傳統方法。

【推薦店家:富源茶室】
►地址:69 Jalan Gaya Kota Kinabalu, Sabah, Malaysia(座標:5.985124, 116.077983)
►營業時間:06:00 – 00:00
►電話:+60 88-447 784
►交通:位於亞庇市區,信號山觀景台附近。

#3 牛什湯麵

圖片來源|fotolia

需要煮幾個鐘頭嘅牛大骨湯,加上獨門香料同白蘿蔔,就變成咗牛什湯麵嘅鮮美湯底。之後再擺埋牛筋、牛肉片、牛肉丸、牛腱同牛肚等落去,簡直就係一場超夢幻嘅牛肉饗宴!唔知道喺邊度可以搵到呢啲咁好味嘅湯麵?「亞庇茶餐室」嘅牛什湯麵令旅人同當地人都忍唔住大讚啊!

【推薦店家:亞庇茶餐室(Kedai Kopi Kinabalu)
►地址:581, Jalan Kota Kinabalu Lama 2, Pusat Bandar Kota Kinabalu, 88000 Kota Kinabalu, Sabah, Malaysia(座標:5.983819, 116.076728)
►營業時間:07:00 – 23:00
►電話:+60 88-255 627
►交通:亞庇市區內,加雅街附近。
►小提醒:又稱為京那巴魯咖啡店,白天係由三家唔同攤販共同喺店面營業,可分開結帳。到咗晚上又會變成唔同店家。

#4 囉惹 (Rojak)

圖片來源|fotolia

Rojak喺馬來話當中有大雜燴嘅意思,其實呢項食物喺東南亞各地基本上都可以吃得到,不過都會有唔同嘅風味!沙巴嘅囉惹通常會有菠蘿、薯仔、蘿蔔、生芒果等蔬果;淋上蝦醬、糖、辣椒同青檸汁混合而成嘅醬汁,再灑上啲花生粉。同一般沙拉相比,唔可以話係非常清爽嘅口味,不過都好推薦大家去試下!

【推薦市集:Gaya Street Sunday Market】
▶︎營業時間:每周日早上7點至下午1點(依店家而有所不同)

 #5 印度煎餅 (Roti)

圖片來源|fotolia

經過馬來西亞嘅嘛嘛檔(Mamak),你一定會發現每枱客人,都會點至少一份印度煎餅。佢可以話係相當受當地人歡迎嘅點心,你可以揀煎餅配咖哩嚟食,或者都可以配搭香蕉或加央醬嚟品嚐。享用印度煎餅嗰陣,唔好唔記得叫多杯拉茶,因為咁先係最地道嘅馬來西亞風味!「Nasi Kandar Anak Mami」同「Salim’s Curry House」都係搵呢種美味嘅好去處!

【推薦店家:Salim’s Curry House 】
►地址:Lot 69/2.0, Lorong Lintas Plaza 2, Jalan Lintas, 88300,, Luyang, Kota Kinabalu, Sabah(座標:5.946693, 116.089103)
►營業時間:24小時
►電話:+60 88-261 220
►交通:離亞庇市區有一段距離,建議搭乘計程車,約20分鐘嘅時間。

#6 烤魚

圖片來源|fotolia

烤魚有咩特別?馬來西亞嘅烤魚又真係幾特別,尤其係烤魔鬼魚!魔鬼魚其實就姐係魟魚,唔好咁快就嚇到,魟魚嘅肉質可以話係相當鮮美。煮法通常會係搽當地蝦醬嚟入味,然後喺鐵板燒烤,口味會較重,但都好好味!喺各個大排檔你都可以睇到佢嘅身影。

【推薦店家:華興海鮮樓】
►地址:Block B, LOT 4 Sedco Square, KG.AIR, Kota Kinabalu, Sabah(座標:5.977789, 116.074202)
►營業時間:11:00 – 00:00
►電話:+60 18-981 1326
►交通:位於亞庇市區較南邊,行路約10-15分鐘;都可以選擇搭KK City Bus至Jalan Laiman Diki街就可以囉!

#7 燒烤雞翼

圖片來源|fotolia

燒烤雞翼係當地人比較生活化嘅美食,用咗獨特蜜汁醃製三小時嘅雞翼,再用慢火燒烤將肉汁鎖住。食下食下就會發現…完全停唔到手!係亞庇嘅「菲律賓夜市」就充滿咗燒烤雞翼嘅香味!喺呢度再同大家分享一個小秘密,如果食完之後你想試下返屋企整燒烤雞翼,可以喺當地商店買Marmite醬,你會發現雞翼同Marmite嘅組合真係無得輸!

【推薦地點:菲律賓夜市(Filipino Market)
▶︎地址: Jalan Tun Fuad Stephens, Kota Kinabalu 88000, Malaysia(座標:5.981721, 116.072088)
▶︎開放時間:夜市時段為下午4點至晚上11點
▶︎小提醒:亞庇市區嘅景點基本上行路都可以到

#8 Secret Recipe蛋糕

圖片來源|fotolia

Secret Recipe係馬來西亞嘅知名連鎖蛋糕店,呢度嘅蛋糕唔止係用料實在,份量亦夠足。而且佢仲有一啲獨特口味,好似係榴蓮芝士蛋糕。食完正餐,唔好唔記得要留返少少胃口試下Secret Recipe!

【推薦店家:Secret Recipe Suria Sabah店】
►地址:Unit G-6, Ground Floor, Suria Sabah Shopping Mall, 1, Jalan Tun Fuad Stephen, Kota Kinabalu, 88000 Kota Kinabalu, Sabah,, Malaysia(座標:5.987497, 116.077836)
►營業時間:10:00 – 23:00
►電話:+60 88-487 333
►交通:位於亞庇市區,靠近Wisma Sabah百貨公司附近。

#9 椰子布甸

圖片來源|fotolia

椰子布甸可以話係亞庇嘅大明星,每個嚟到亞庇嘅人,一定都會指定要食到椰子布丁,唔係會唔甘心返屋企!亞庇嘅椰子布丁係用真椰子製作,所以好新鮮,食落去瞬間消暑!亞庇「Jalan Sulaman」街上嘅椰子布甸係當地人同旅人嘅第一選擇。

【推薦店家:太子椰 The Royal Coconut】
►地址:41, Jalan Pantai, Pusat Bandar Kota Kinabalu, 88000 Kota Kinabalu, Sabah, Malaysia(座標:5.983602, 116.076259)
►營業時間:00:00 – 22:00;週日為10:00 – 22:00
►電話:+60 16-833 1984
►交通:位於亞庇市中心,靠近加雅街。

#10 熱帶生果

圖片來源|fotolia

嚟到馬來西亞,當然唔可以錯過呢度嘅生果!位於熱帶地區嘅馬來西亞,盛產榴蓮、山竹、紅毛丹、桔子、楊桃、石榴、沙巴果同波羅蜜等熱帶特色水果。但呢啲生果嘅產季都好短暫(約為7-9月),所以如果你相當鍾意食熱帶生果,就更加唔好錯過沙巴熱帶生果嘅產季,錯過咗就要再等多一年喇!

【推薦市集:亞庇中央菜市場(Pasar Besar Kota Kinabalu)
►地址:Jalan Tun Fuad Stephens, Kota Kinabalu, 88000 Kota Kinabalu, Sabah, Malaysia(座標:5.983220, 116.072880)
►營業時間:大多為06:00 – 18:00,每家攤販嘅營業時間不同
►交通:位於亞庇市區內,走路約3-5分鐘。

你可能會感興趣:
>> 道地沙巴家常料理教室,從採買、烹調到與當地人共進午餐!
>> 沙巴美饌一日遊

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: