交通指南旅遊資訊歐洲

【英國倫敦】交通網絡全攻略

倫敦絕對係世界上數一數二嘅迷人城市,經典嘅大笨鐘、倫敦橋同大英博物館,好想即刻飛去英國!想去倫敦但又怕複雜嘅交通網絡搞到頭都暈?唔洗擔心!KKday幫你整理好倫敦機場交通、市區地鐵同鐵路攻略,出發前一定要睇!

KKdap App

一、機場去市區

#希斯洛機場 Heathrow

1. 地鐵 Tube

圖片來源 | Shutterstock

倫敦地鐵Piccadilly線同希斯洛機場1、2、3、4同5客運大樓連接,喺第六區(zone 6),直接去到市中心大約50~60分鐘。地鐵收費方式,以zone計算,如果係住喺比較熱鬧嘅地點、或者熱門景點附近,多數係喺zone 1 同 zone 2 呢兩區。

2. 希斯洛機場快線 (Heathrow Express)

圖片來源 | Shutterstock

由希斯洛機場去倫敦帕丁頓火車站嘅機場快線,火車站中途唔會停靠任何站,啱晒想慳時間嘅旅客!事先上網買飛仲有優惠㖭,可以喺希斯洛機場1、2、3、4、5 客運大樓搭,如果到現場先買飛,價錢會比較貴。

唔同時間車飛有唔同價錢,大約37~55英鎊(來回,預先買飛價錢),另外亦有週末假日嘅票價選擇,如果揀單程同埋提早購買,可以有比較平嘅價錢啊~

▶︎Heathrow Express 票價查詢

每15分鐘一班(1、2、3客運大樓),4、5客運大樓大約20分鐘一班。

3. Heathrow Connect

圖片來源 | Flickr

一樣係由希斯洛機場去倫敦帕丁頓火車嘅機場快線,但停靠站比較多,所以車程就耐啲啦~車費係Heathrow Express嘅一半,列車只會喺2、3客運大樓開出,大約30分鐘一班。

其他停靠站:Hayes & Harlington, Southall, Hanwell, West Ealing, Ealing Broadway

車費:
(1) 單程:6.30英鎊~10.30英鎊(唔同站唔同價錢)
(2) 來回:12.6英鎊~20.70英鎊(唔同站唔同價錢)

4. 機場巴士(National Express)

圖片來源 | Flickr

第2、3客運大樓距離機場裡面嘅巴士總站好近,24小時都有巴士(旅遊中心開放時間係06:00~22:30),巴士喺4、5號客運大樓都有得上車,有大型行李嘅旅客唔洗擔心,因為途中都會有電梯嘅。機場巴士慳錢但嘥時間~

National Express 係英國最大嘅巴士公司,路線非常廣泛,可以搭巴士去英國嘅其他機場、英國市中心、牛津等地方,當然機場內亦有其他營運公司,例如The Airline(機場<->牛津)、Railair Coaches

▶︎National Express 官網

#蓋威克機場 Gatwick

係倫敦第二大機場,比希斯洛機場遠啲,主要飛歐洲線、英國國內線。

1. 蓋威克機場快線 (Gatwick Express)

圖片來源 | Shutterstock

直到倫敦維多利亞車站,車程大約半個鐘,班次多,每15分鐘就有一班,單程車費大約18英鎊。

▶︎Gatwick Express 票價查詢

2. 火車

搭火車到倫敦市區大約四十分鐘到一個鐘,可以去其他火車站同城市,優點係越早買車費越平,時間只係比機場快線耐啲啲。

3. 巴士

唔趕時間嘅話巴士係個好選擇,雖然要一個半鐘先去到市區,但車費當然最平!但如果搭easybus等巴士,多數都有限行李大細,記得上網查清楚佢哋嘅規定,或者直接訂National Express,亦都係直到維多利亞站。

▶︎National Express 官網
▶︎easyBus 官網

二、市區交通

The Tube 地鐵 (Underground/ Overground)

圖片來源 | Shutterstock

分地下(Underground)同埋路面上(Overground)兩種,統稱為倫敦地鐵,車費以跨區域嚟計算。例如你要喺zone 1上車去zone 3,就算係坐三站,車費計算方式都係計zone 1去zone 3,熱門景點多數喺zone 1。

Overground多數喺zone 2以外嘅範圍,而且月台同Underground分開,如果行程包括大地鐵建議提早到車站啊!

圖片來源 | Coral Hou

搭地鐵除咗要確認好邊線之外,亦要確認地鐵係邊個方向,因為英國地鐵有分Eastbound、Westbound、Southbound、Northbound 四個方向。另外要注意車身、月台電子告示寫嘅地鐵終點站名、同埋係行邊條路線,因為倫敦地有唔同路線嘅車共用同一個月台。

如果唔確定路線嘅小編建議大家可以下載Tube Map,唔單止可以確認地鐵路線圖,仲可以睇到地鐵嘅行駛狀況。

溫馨提示:倫敦地鐵係世界上歷史最悠久嘅地鐵,所以部分路線係冇電梯嘅!有大型行李嘅旅客都幾唔方便,所以要注意如果地鐵圖上有殘障標誌就代表有無障礙設施,建議喺揀住宿地點嘅時候都要考慮埋呢樣嘢啊!

▶︎倫敦地鐵路線圖

圖片來源 | Coral Hou

倫敦熱門景點集中喺zone 1~2,好多景點雖然冇地鐵線連接,但行去會仲方便,建議以區域安排代替地鐵線安排。

▶︎熱門景點地鐵大站:


#火車

圖片來源 | Coral hou

英國火車範圍廣,路線多,有去唔同地方嘅路線,由好多唔同嘅公司營運,所以總站地點會唔同。如果係喺倫敦裡面搭火車嘅話,可以用Oyster card 同埋Travelcard,但出咗倫敦,去牛津、劍橋等地方就冇得用~

火車亦係倫敦去其他城鎮嘅主要方式,如果想查詢路線、價錢,可以用National Rail查詢。已經計劃好想去嘅地方,可以參考路線圖有冇想去嘅地方嘅站,再mark低車站,排出最順嘅路線。

圖片來源 | Shutterstock

▶︎火車路線圖

火車車票價錢有分以下三種:

  • Advance 預售票:類似早鳥票,越早買越平,但一定要搭固定日期同時間嘅班次,原則上冇得退票。
  • off-peak 離峰票:喺有效日期內可以指定離峰時間嘅任何班次,車票可以去到先買,但有啲飛有註明需要喺網路上預訂,有啲飛亦會另外規定唔可以搭高速班次。
  • Anytime:相比前兩種車飛,Anytime 票嘅班次選擇上會比較彈性,但價錢最貴,而且買咗Anytime都唔係所有班次都搭得(如果係同一間公司、路線唔會有呢個問題),可以上National Rail 查詢。

#巴士

圖片來源 | Fotolia

喺倫敦搭巴士做主要交通工具,算係幾平嘅選擇,zone 1 – zone 6均一票價,所以唔係以區嚟計錢。

需要注意嘅係,倫敦巴士係唔接受上車買飛,所以上車前要買好飛先,亦可以用Oyster card、Travel card、Tram&bus Pass 上巴士,可以喺站牌查睇路線圖,或留意巴士螢幕上嘅目的地,係咪自己要去嘅地方。

有啲路線嘅巴士(例如熱門景點區域)係有通宵巴士嘅!詳細資訊、了解路線,都可以喺倫敦公車的官網Centeal London Bus 查詢。亦可以選擇用Journey Planner查詢公車路線、車程時間等。

#觀光巴士

圖片來源 | Shutterstock

分為四條路線:

藍線 ( The Essential Tour ):

包括倫敦市中心主要景點,例如白金漢宮、倫敦眼、倫敦鐵橋等。車上有英語導遊為你講解各大景點嘅精采故事同歷史。

紅線( The Classic Tour ):

包括倫敦市中心主要景點,多數倫敦博物館都會有站會停。

橙線( The Grand Tour ):

國王十字車站( 電影「 哈利波特 」中嘅九又四分之三月台 )、杜莎夫人蠟像館等經典倫敦必去行程~橙線觀光巴士帶你輕鬆去晒必去景點!

黃線( The Pick Up )/綠線( Drop Off Route ):

朝早限定~黃線觀光巴士主要服務由酒店區出倫敦市中心。夜晚限定~綠線觀光巴士主要服務由倫敦市中心返酒店區。

▶︎觀光巴士官網
▶︎【愈夜愈美麗】倫敦夜景觀光巴士乘車券

#倫敦電車 (London trams)

圖片來源 | Flickr

雖然倫敦電車比地鐵平,但電車路線少,主要喺倫敦南邊zone 3 – zone6 ,唔一定有機會用到。

#水上巴士

圖片來源 | Fotolia

喺倫敦搭船唔只係遊客嘅體驗,亦都係倫敦人嘅重要交通方式之一。由於泰晤士河貫穿成個倫敦市中心(Zone 1),除咗主要嘅地標同景點都喺河畔,兩邊都係重要嘅商業區,所以倫敦水上巴士嘅使用率好高。

想搭Riverboat非常方便,只要有Oyster Card就搞掂,唔洗另外買飛~但要注意嘅係,喺泰晤士河行駛嘅船有幾間唔同公司分別經營,如果要搭由地鐵公司經營嘅要留意標誌,同地鐵標誌一樣先啱!

▶︎水上巴士地圖

Barclays Bikes 單車租借服務

圖片來源 | Shutterstock

倫敦單車租借非常方便,只需要有一張信用卡就搞掂!啱晒冇咩budget去城市深度旅行。仲要好方便華人遊客,租借站機器有中文服務,唔洗擔心語言不通嘅問題。另外需要注意嘅係租借人要夠18歲、使用者要夠14歲,英國係右軚,同香港一樣嘅!租到單車後可以下載App「Barclays Bikes」,方便租還車。

收費方式:

・前 30min 免費(還車後 5分鐘可以再借第二次)

・24小時:£2

・七日:£10

但提醒大家一定要記得租借時間,遲咗還車嘅罰金非常驚人!例如你借24個鐘,超過就要俾£150,唔係講笑㗎!

三、交通票卡

Oyster card(蠔卡)

圖片來源 | Ariel

倫敦版嘅八達通,喺各個地鐵站都買到,儲值好方便同香港一樣!可以用嚟坐倫敦市內嘅大部分交通工具,除咗地鐵、巴士、電車、倫敦火車,仲包埋空中纜車(Emirate Air Line)同部分交通船(River Services),但單車就唔包含在內。只可以喺倫敦用,近郊地方溫莎、劍橋、牛津等都冇得用。

第一次買卡除咗增值之外,另外需要俾£5押金,離開英國前喺希斯洛機場退卡就可以攞返£5~

最大嘅特點係有Daily Cap(每日扣款上限),一日之內搭巴士同電車嘅扣款上限係£4.5,所有交通工具嘅上限係£6.6。姐係無論你點搭,一天內都唔會扣超過£6.6!

小知識:喺英國增值叫『Top up』~

仲有一種叫Visitor Oyster Card遊客版蠔卡,卡圖案都幾靚,有好多間鋪頭有折扣優惠,一般都唔會退卡要嚟紀念。

Travelcard

Travelcard係另一種倫敦嘅交通卡,分一日券(1 day travelcard)、七日券(7 day travelcard)、月票(Monthly travelcard)同年票(Annual travelcard),可以喺範圍內連續天數無限次搭交通工具,範圍以zones區分,可以搭交通工具包括地鐵、巴士、倫敦南部電車同倫敦內火車,一日券仲會細分離峰Off-peak同Anytime。

小編建議買七日券~因為倫敦大部分景點都喺zone1~2,計落比Oyster card嘅Daily Cap仲平,同埋唔洗擔心七日會唔會太多,因為倫敦市中心絕對兩個禮拜都行唔晒!

關於Travelcard要注意有兩種購買方式,你可以喺國鐵局(National Rail)買到紙本,紙本可以參加London 2 for 1活動,或者可以喺地鐵站買直接加入Oyster Card嘅虛擬票,虛擬票方便搭地鐵唔洗兩種票換嚟換去,譬如你買咗zone1~2七日券,而搭到zone3會自動轉Oyster Card扣錢。

Contactless

比較新嘅支付方式,分為信用卡感應同手機銀包(Apple Pay、Android Pay、Samsung Pay同Barclaycards&Barclays),扣錢機制同Oyster Card一樣,仲多咗Weekly Cap,除咗每日扣款上限外,仲多咗每週扣款上限,缺點係唔可以同16-25Railcard或Travelcard合併。

四、近郊:溫莎、劍橋、牛津、巴斯

南方英格蘭地區以倫敦為中心,大部分遊客會選擇由倫敦出發去近郊景點同埋其他城市。另外鐵路嘅車費係浮動嘅,有時Advance早鳥票同正常票價錢可以差好幾倍,最好提前兩個月確定行程,搶平飛!(以下係正常票車費)

長途巴士都係一個舒服開旅行方式,仲要比火車票平。有啲路線仲可以搶到£1飛,倫敦最主要長途巴士站有兩個:維多利亞長途巴士同希斯洛中央巴士站,可以同火車互補足英國交通網絡,常見嘅巴士有National ExpressMegabus

#溫莎 Windsor

圖片來源 | Coral Hou

由zone1帕丁頓站London Paddington,搭火車喺斯勞站Slough轉車,轉去溫莎同伊頓中央火車站Windsor&Eton Central,就可以去到溫莎堡。

▶ 票價:£10.1
▶ 時間:約半個鐘
▶ 倫敦近郊一日遊,溫莎、巴斯羅馬浴場、巨石陣中文導覽

#劍橋 Cambridge

圖片來源 | Shutterstock

由zone1利物浦街站Liverpool street同王十字站King Cross搭火車都可直到劍橋,王十字站出發雖然票價比較貴但比較快,仲可以順便同9又3/4月台影返張相!

▶ 票價:約£18~£23,提早兩個星期訂可能可以買到低於十蚊嘅車飛~
▶ 時間:50分鐘~90分鐘

#牛津 Oxford

圖片來源 | Shutterstock

去牛津嘅話小編建議搭巴士,唔單止車費平,牛津巴士總站離市區比火車站近,你可以喺zone 1 Victoria站10號巴士站(不是Victoria Coach Station)搭Megabus去Oxford客運總站Gloucester Green,有可能搶到£1車飛!又或者可以搭乘National Express.

▶ 票價:£7
▶ 時間:大約2個鐘

火車由zone 1帕丁頓站London Paddington出發,某地班次直到,某啲就要喺Didcot Parkway轉車。

▶ 票價:約£25
▶ 時間:1個鐘多啲

▶ 走訪真實版哈利波特霍格華茲,一訪最高學府牛津、劍橋

#巴斯 Bath

圖片來源 | Coral Hou

由zone 1帕丁頓站London Paddington搭火車可以直到巴斯。

▶ 票價:約£33
▶ 時間:個半鐘

嚟到倫敦不妨安排一天去近郊放鬆吓~

去倫敦玩即刻睇吓!

▶︎London Pass一卡玩倫敦各大熱點免排隊+觀光巴士一日券
▶︎自助行必備!歐洲通用Sim卡,讓你隨時打卡查地圖
▶︎倫敦眼門票打九折,省去排隊兩小時時間
▶︎泰唔士河遊船Party,邊飲紅酒邊賞岸邊夜景

出發之前睇吓攻略先:

▶︎【sim卡】歐洲sim卡比較
▶︎【行程】倫敦四天閨蜜遊

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: