日本交通指南旅遊資訊

【日本交通】JR PASS 全攻略

覺得JR Pass有好多款,好複雜好難揀?唔好放棄!即刻睇KKday嘅JR Pass全攻略,幫你分清楚JR東日本鐵路周遊券、JR關西地區鐵路周遊券、高山北陸鐵路周遊券等JR Pass,教你點玩先最抵!

KKdap App

一、東京市區、近郊嘅JR Pass應該揀邊款?

【JR東日本周遊券(東北地區)、JR東日本周遊券(長野、新瀉)】

  • 如果去日光地區,需要撘JR東日本線同東武鐵道線相互過軌嘅特快普通車廂:「日光號」、「SPACIA日光號」、「鬼怒川號」、「SPACIA 鬼怒川號」,可搭指定座席。

▶︎ 兩張周遊券都唔可以搭…

  • 東海道新幹線(由東京去名古屋、大阪嘅新幹線)
  • JR巴士
  • 於非JR線嘅車站上、落車

▶︎ 注意事項:
如果想坐指定座席,需要喺撘車前到JR東日本車站嘅售票處或者旅遊服務中心領取指定座席券(指定範圍內),亦都可以先上官網預訂。

Q1:JR東日本周遊券(東北地區)與JR東日本周遊券(長野、新瀉地區)有咩唔同?

  • 黃色部份:JR東日本周遊券(東北地區)同JR東日本周遊券(長野、新瀉地區)都可以使用。
  • 粉色部分:只係JR東日本周遊券(東北地區)可以使用。
  • 淺藍部分:只係JR東日本周遊券(長野、新瀉地區)可以使用。

基本上呢兩張周遊券可以用嘅範圍差唔多,最大嘅分別係JR東日本周遊券(東北地區)可以去山形、秋田、青森地區JR東日本周遊券(長野、新瀉地區)係去新瀉地區

Q2:呢兩款券可唔可以去富士山?
呢兩張券都唔可以撘富士急行全線!如果想去富士山,可先搭JR去「大月站」再轉乘富士急。

Q3: JR東日本周遊券(東北地區)可唔可以撘新幹線?

JR東日本周遊券(東北地區)可以搭五條新幹線:

  • 東北新幹線(前往青森)
  • 秋田新幹線(前往秋田)
  • 山形新幹線(前往米澤、藏王樹冰、銀山溫泉)
  • 上越新幹線(越後湯澤)
  • 北陸新幹線(輕井澤)

Q4:JR東日本周遊券(長野、新瀉地區)可唔可以撘新幹線?
 
JR東日本周遊券(長野、新瀉地區)可以搭四條新幹線:

  • 東北新幹線(宇都宮、那須鹽原,無法至仙台、新青森)
  • 山形新幹線(宇都宮、那須鹽原,無法至米澤、山形)
  • 上越新幹線(越後湯澤、新瀉)
  • 北陸新幹線(輕井澤、上月妙高)

Q5:JR東日本周遊券(長野、新瀉地區)可唔可以順便去立山黑部?

JR東日本周遊券(長野、新瀉地區)嘅北陸新幹線最遠只可以去到「上越妙高」,如果想去立山黑部,可以搭新幹線到「JR長野站」再用加購票嘅方式去「富山站」,可以慳3000日圓!

如果想去晒大阪、東京、立山黑部,可以考慮買「北陸拱形周遊券」同立山黑部嘅加購票,都好抵!

Q6 : 我應唔應該買JR東日本周遊券?

相信好多人都係因為價錢貴,唔敢買JR Pass。如果你會用新幹線去輕井澤,或者搭特急列車去日光,再加埋係機場搭N’EX出市區,JR東日本周遊券就好抵買。簡單嚟講,如果你會係東京玩五日,又會用新幹線去遠啲嘅近郊地區,買JR東日本周遊券又慳錢又慳時間。

二、關西地區嘅JR Pass應該揀邊款?

基本上關西區域嘅JR Pass都可以去JR西日本全線(大阪、奈良、京都、宇治、神戶等),揀邊款周遊券主要係睇行程同去幾多日。不過,高山&北陸周遊券規定唔可以撘京都市內嘅JR,但係可以喺大阪搭JR去京都!

Q1 :  呢四張券到底可以搭邊啲列車?

  • 四張券都可以搭Haruka,但係只有山陽山陰鐵路周遊券可以搭指定席,其餘淨係可以撘自由席。
  • 山陽山陰鐵路周遊券可搭北陸新幹線(新大阪-九州博多)普通車廂指定席。

Q2 : 關西地區有好多款周遊券,我應該揀邊款?

簡單啲講,如果你淨係去大阪、京都、奈良、宇治、神戶等,比較大路嘅關西景點,交通方式會以JR為主要,「關西地區鐵路周遊券」就好值得考慮!如果你想去埋其他地方,例如岡山、廣島、九州博多等,可以諗下周遊券上規定嘅範圍係唔係符合你嘅行程,再揀買邊款JR Pass。不過,可以去嘅地方愈多,票價都會愈貴!

Q3 : JR Pass真係抵買?

其實只要規劃好自己嘅行程,同肯定多數會撘JR,買關西地區嘅周遊券都幾抵。以新大阪去廣島為例,單程新幹線都要9710日圓,如果用「山陽&山陰鐵路周遊券」,撘2程以上嘅新幹線就可以回本。所以,如果要用新幹線跨區旅行,買JR Pass就最抵!

Q4:高山&北陸地區周遊券可唔可以撘關西地區嘅JR?

答案係可以!高山北陸地區周遊券可以撘Haruka、大阪環狀線、阪和線等,不過除咗由大阪去京都,係唔可以搭京都市內JR。如果你想一次過玩晒大阪、北陸、名古屋,而重點玩日本中部地區,小編非常推薦買呢張周遊券。無論係金澤、白川鄉、富山、高山、下呂都可以去到,仲可以喺指定區域內撘濃飛巴士、北陸鐵道巴士、加越能巴士,好方便。

講到㡳,只要安排好行程,揀啱JR Pass,就可以慳好多交通費!建議大家編完行程後,再參考呢篇文章,睇下有冇適合你嘅JR Pass!

仲有其他JR Pass嘅疑問,可以睇埋:
▶︎【周遊日本】JR PASS 解密 Q&A
▶︎【日本交通】日本JR PASS使用指南
▶︎【日本行程安排攻略!】全國JR PASS使用須知

JR Pass點買?喺KKday買好方便!

▶︎ JR東日本鐵路周遊券(東北)
▶︎ 東日本鐵路周遊券(長野、新瀉)
▶︎ 關西地區鐵路周遊券(非廣域版)
▶︎ JR關西廣域周遊券
▶︎ 山陽山陰地區鐵路周遊券
▶︎ 高山北陸地區周遊券

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: