其實落雨又有咩好怕喎?岩岩過左嘅long weekend,小編就無懼風雨咁去左灣仔露營,講緊真係要搭船過海個個灣仔呀!本來諗住靜靜地咁放下假。但原來小編真係太天真太傻……

KKdap App

▲碼頭對開嘅灣仔南營地,靠近洗手間同浴室,位置方便,於是有超過一半嘅地方都比旅行團霸左。

話說小編一行四人係鑽石山巴士總站搭92號巴士去到西貢碼頭,大概坐左45分鐘,車上面大部分都係裝備齊全嘅露營人士。誰不知去到西貢碼頭,小編遇到一班拎住紅白藍膠袋嘅旅行團同我地一齊等巴士去黃石碼頭,後來仲一齊坐大飛入到灣仔。本住八卦嘅心,小編用一口流利嘅普通話問佢地點解黎呢度,原來佢地參加左個露營團,團費大約五六百蚊,有預先搭好嘅帳篷同食物包。就係咁,整個灣仔南營地就比普通話包圍……

唔怕離廁所遠少少,其實都可以行大約五至十分鐘,去到較高嘅灣仔西營地,有一大片平坦嘅草地,帳篷就可以唔洗痴咁埋,可以盡情夜話!不過要留意牛牛會黎搵你,唔想餓住過夜就守護好啲食物啦!

▲雖然天氣唔好,但一場黎到都行下山呼吸下清新空氣!

小編去個兩日天氣都相當差,所以日出同日落都冇睇到。如果你有幸同陽光玩遊戲,千祈唔好咁傻豬係南營等日出,要行大約大概15分鐘到南風角先睇到,不過都係會比島仔遮住少少。起唔到身睇日出嘅,都可以係西營地或者行大概45分鐘去到海下睇日落。海下嘅士多亦係附近唯一可以補給物資嘅地方,唔想行就記得買齊野啦!

▲坐大飛走人,盛惠每位20蚊,附送啪啪聲打埋黎嘅海風同海水,驚險滿分!

鐘意郊遊、露營但又係新手嘅你,其實灣仔真係一個唔錯嘅選擇,設備齊全而且又可以沖涼,不過想避靜就最好唔好旺季去啦!

▲認識KKday▲

KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁:www.kkday.com

KKday  Facebook: KKday