主題樂園美國

【美國加州】加州迪士尼必買必食清單

話晒加州迪士尼樂園都係全球第一座迪士尼樂園,當然有元祖級嘅特殊限定商品同可愛零食!就等KKday同大家介紹下有咩必買商品同必食嘅限定美食!

KKdap App

#必買商品:荷包大出血!

圖片來源|Ivy

加州迪士尼分為加州迪士尼樂園(Disneyland Park) 同迪士尼加州冒險樂園(Disney California Adventure Park),而商店美食街(Downtown Disney) 喺園外嘅出入口,唔洗需要買飛。當中一定要行迪士尼商店旗艦店,佢比一般迪士尼商店仲要大五倍。

圖片來源|Ivy

1. Mickey Ears

圖片來源|Ivy

嚟到迪士尼樂園點可以唔帶米奇頭箍?加州園區入面好多款頭飾,可以慢慢搵你鍾意嘅角色,仲可以襯返個閨蜜、情侶、親子裝!

2. 星巴克杯

星巴克係2012進駐加州迪士尼,仲推出咗啲迪士尼限定商品,加州迪士尼樂園同迪士尼加州冒險樂園兩個園區分別有各自嘅限定城市杯,好多人都會買嚟記念。除咗陶瓷杯,連普通外賣膠杯都好靚,用完都唔捨得扔!

圖片來源|Ivy

3. 毛公仔

圖片來源|Ivy

小編覺得加州迪士尼嘅公仔好值得買,除咗做工精緻,連比較冷門嘅配角都有得賣,好似海底奇兵嘅海鷗同阿拉丁嘅賈方,仲成日有特別款嘅公仔。

4. 美國限定版Duffy

Duffy家族喺美國唔係特別搶手,通常都係亞洲人喺加州迪士尼入面買Duffy,所以有好多限定服裝都唔驚缺貨。

5. 公主裙

圖片來源|Ivy

迪士尼就係實現夢想嘅好地方,無論想扮白雪公主、Elsa定長髮公主,呢度都有!

圖片來源|Ivy

由假髮、服裝到手套、腰帶全部都有,成身裝扮一次過買晒都冇問題!

6. 襟章

圖片來源|Ivy

好多人都鍾意收集迪士尼襟章,因為迪士尼嘅襟章又多款又唔貴,時不時仲有限定款式,買嚟留念或者送比人做手信都唔錯。

7. 期間限定商品

圖片來源|Ivy

喺加州迪士尼60th週年,PANDORA就出咗一系列加州園區限定,淨係喺加州迪士尼園區內嘅PANDORA先買到,當中仲有加州迪士尼嘅地標 — 米奇摩天輪。

圖片來源|Ivy

萬聖節嘅限定商品都好可愛!

仲有印有年份嘅商品,買嚟紀念幾時去過迪士尼都唔錯。

圖片來源|Ivy

8. 特殊造型杯

圖片來源|Ivy

迪士尼樂園嘅特殊造型杯一直都係粉絲嘅收藏目標,每一季都會根據期間活動推出唔同款嘅杯。好似之前美女與野獸電影版上映嗰時出嘅限量玫瑰杯,有人就排咗5個鍾先買到,好誇張!

圖片來源|Ivy

9. 彼思(Pixar) 玩具

圖片來源|Ivy

迪士尼加州冒險樂園係第一個以Pixar為主題嘅園區,園內有好多Pixar嘅玩具同周邊商品,好似閃電麥坤、胡迪、巴斯光年、兔仔朱迪,Pixar迷一定會大出血!

10. 星球大戰

圖片來源|Ivy

好消息!迪士尼宣佈會喺加州迪士尼、佛羅里達迪士尼打造星球大戰園區,2019開幕,不過依家已經可以喺園區內買到好多週邊商品!

#必吃美食:唔食對唔住我自己

圖片來源|Ivy

坐咗10個鐘頭飛機先去到美國迪士尼,梗係要食啲迪士尼先食到嘅美食!喺園區內周圍都見到餐車,Downtown Disney都有啲餐廳,而高級餐廳就集中喺Pacific Wharf。小編建議早、午餐可以喺餐車買啲小食,夜晚先去餐廳食餐好嘅!

1. 火雞腿 Turkey Leg

圖片來源|Ivy

加州迪士尼一定要食超大火雞脾,皮脆肉嫩又大份,女仔午餐食一隻都好足夠。
▶售賣地點:Edelweiss Snacks, Disneyland

2. 都樂菠蘿雪糕 Dole Whip

圖片來源|Ivy

都樂菠蘿味嘅雪糕淨係得迪士尼同夏威夷先有,雖然唔係迪士尼限定,不過真係好好食!
▶售賣地點:The Enchanted Tiki Room, California Adventure

3. 煙肉芝士通心粉筒 Bacon Mac and Cheese Cone

圖片來源|Ivy

香濃嘅芝士味配埋煙肉脆片,就咁諗都知好味!
▶售賣地點:Cozy Cone Motel, California Adventure

4. 米奇 Beignets

圖片來源|Ivy

呢個法式無孔甜甜圈係新奧爾良廣場Mint Julep Bar嘅招牌甜點,好受歡迎。
▶售賣地點:Mint Julep Bar, New Orleans Square, Disneyland

5. 可愛零食同必吃爆谷 Sweets and Popcorn

圖片來源|Ivy

園區內周圍都係可愛夢幻嘅小零食,尤其係爆谷,一路排隊一路食就啱晒!

更多關於加州迪士尼的詳細資訊、票券購買:
▶︎三日先夠玩?加州迪士尼三日券
▶︎快速攻略迪士尼!一日卷就夠玩
▶︎一天一樂園,買兩日券就啱啱好

仲有其他加州迪士尼攻略:
▶︎ 【美國加州】加州迪士尼必玩全攻略
▶︎【美國加州】加州迪士尼終極攻略

KKday日韓賞櫻精選期間限定折扣指定產品低至8折,立即了解詳情!限量APP專用優惠碼:KRSAKURA20/JPSAKURA15(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: