日本旅遊資訊主題樂園購物指南

【日本環球影城】8間哈利波特園區紀念品店

嚟到日本環球影城,相信大家對於園區嘅遊樂設施都抱好大嘅期望,希望可以開開心心咁玩得愈多愈好。日本環球影城有各種唔同風貌嘅園區,帶你進入另一個充滿感動嘅世界,大人同小朋友都會樂而忘返。(圖片來源

KKdap App

不過,今次小編要介紹嘅並唔係環球影城有幾好玩,而係有咩必買嘅紀念品!我都明白大家去到環球影城都係「先玩為快」,所以小編就為大家捜集一下哈利波特園區有咩紀念品店,等大家盡興完都可以用最短嘅時間搵到心頭好!

▲▲▲哈利波特魔法世界8間商店地圖

1 # Zonko’s Joke Shop

桑科的『惡作劇』專門店係惡作劇用具和整人玩意嘅專門店,連衛斯理家族雙胞胎喬治同弗雷都係呢度嘅常客。店內佈滿奇特古怪嘅惡作劇用具,如果你係「整蠱專家」,你一定要嚟呢間商店,了解一下最新嘅整蠱玩意!

▲▲▲方便偷聽嘅「伸縮耳」。

2 #Honeydukes

霍格華茲魔法與巫術學院學生最鍾意嘅糖果店—蜂蜜公爵。相信大家睇戲嗰陣都知道有怪味糖!而家真係可以試下喇!呢間色彩繽紛嘅商店,有千奇百怪嘅糖果令你目不暇給。

「柏蒂全口味豆」同「朱古力蛙」等嘅經典魔法界糖果非試不可。買嚟做手信夠哂驚喜!

3 # Ollivanders

哈利波特迷必到!!揀返一根屬於你嘅魔杖啦!奧利凡德商店內堆積嘅魔杖多到直達天花板,可親身體驗「魔杖選擇主人」嘅場面。當然,你都可以為自己選置一根魔杖,呢度搜羅咗哈利波特電影各個角色嘅魔杖,等住你嚟揀!

4 # Wiseacre’s Wizarding Equipment

雙筒望遠鏡、放大鏡、指南針等各式各樣嘅魔法器材都可以喺呢間「自作聰明的魔法裝備商店」選購。霍格華茲魔法與巫術學院學生嘅必須品,好似長袍同領帶等都可以喺度買到。咁就可以試下做霍格華茲學生嘅感覺啦!

5 # Owl Post & Owlery

「貓頭鷹郵局」喺「貓頭鷹小屋」隔離。除咗賣活米村嘅郵票同文具之外,喺呢度寄信,仲會為你提供蓋上印有活米村郵戳嘅服務。快啲寫定一堆明信片嚟寄啦~

6 #Dervish and Banges

德維斯和班斯樂器店係活米村嘅魔法用品店。店內有魁地奇嘅必備用具、霍格華茲魔法與巫術學院嘅校服同配件等,仲有各様有趣嘅魔法用品

7 # Gladrags Wizardwear

如果你喺櫥窗見到一條似係妙麗喺聖誕舞會著過嘅裙,咁呢間就係「風雅牌巫師服裝店」。店內仲有展示各種珠寶、配飾等時裝配件。

8 #Filch’s Emporium of Confiscated Goods

喺「費爾奇沒收品百貨店」呢度,你可以搵到霍格華茲魔法與巫術學院嘅管理員—飛七從違反校規嘅學生所沒收嘅寶物。有重現電影中各小道具嘅物品、印有四個學院徽章嘅服飾文具等,呢度搜羅咗各様最適合作為紀念嘅商品。

睇完以上嘅介紹,你係咪好想即刻親身飛過去買呢?

>>日本大阪環球影城電子入園門票

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: