環球旅遊

【2016台灣露營攻略】老街、觀星、螢火蟲,原來係台灣露營咁正架!

image

台灣?已經去過好多次?唔知去台灣旅行仲可以有啲咩突破?近排「露營」越嚟越受歡迎,或者係因為忙碌嘅都市人希望可以係郊外遠離下煩囂,忘記下煩惱。小編都認為大家偶爾應該係浪聲、星空、山溪、螢火蟲嘅陪伴下訓覺,同咁都幾舒服同浪漫。所以KKday就幫大家整理咗一啲係台灣露營嘅資料,趁著4-6月去下台灣搵螢火蟲啦~

KKdap App

〖台北〗烏來 泰雅巴萊村落

image

圖片來源:Flickr/Chiang Chun Yi

image

圖片來源:泰雅巴萊部落村 Facebook Page

烏來嘅泰雅巴萊部落村提供特別嘅在地體驗,等大家先從泰雅傳統服飾、紋面、文化開始了解,之後仲可以有機會嘗試打麻糬、射箭,又參加下森林圍火野宴,就好似返到古時候同獵人一齊生活咁!當然唔可以錯過就係一齊行入山林探訪螢火蟲。

▶︎泰雅巴萊部落村 Facebook Page (賞螢期間4/23~5/22 不開放露營)

▶︎其他選擇:泰雅族的獵人山林學校「給綠營地」大型山泉游泳池「福山綠營地」

〖宜蘭〗礁溪

image

圖片來源:Flickr/光點 攝影

image

圖片來源:Flick/Andrew

image

圖片來源:Flickr/hjw223

宜蘭嘅螢火蟲季節係四月底到五月初,但聽講要撞到佢地就要有返一定程度嘅運氣。不過除咗呢樣之外,去到宜蘭仲可以浸溫泉、試下俾魚食死皮、仲可以行羅東夜市等;鍾意運動嘅,更加可以試下爬山、衝浪,好值得去玩架!

▶︎紮營選擇:山水幽谷營地

〖桃園〗 桃源仙谷

image

圖片來源:Flickr/小五

image

圖片來源:桃源仙谷官網

桃源仙谷係一個生態農場,唔同季節就會睇到唔同種類嘅花,梅花、櫻花到成個鬱金花田都有,好靚!另外,桃源仙谷嘅周圍仲有唔少山林步道、山泉,等人可以係呢個依山傍水嘅環境下,體驗露營嘅樂趣。

除此之外,桃源仙谷仲提供燒烤場地、又有麻糬、愛玉DIY、放風箏等活動,令到成個體驗更加豐富,好適合一家人去啊~

▶︎紮營地點:桃源仙谷
▶︎開放時間:08:00-17:00
▶︎入園票價:NT175-350
▶︎租營價位:

image

▶︎其他選擇:拉拉山觀星營地巫婆景觀農場鄉之旅度假村

〖新竹〗 南坪露營區逛老街賞螢

image

圖片來源:Flickr/Shenghung lin

image

圖片來源:Flickr/Shenghung lin

南坪露營區距離內灣老街只有10分鐘嘅路程!日頭如果冇咩計劃,可以試下由內灣老街參觀老戲院、吊橋,仲可以係當地古早味嘅柑仔店回想返之前嘅舊事。如果想同大自然更親近嘅話,除咗夜晚嘅紮營體驗外,仲可以前往附近嘅油羅溪玩下水添!

▶︎紮營地點:南坪露營區

▶︎其他選擇:水田谷露營地油羅溪森林花園

▶︎推薦一同參觀:到泰安打比厝溪,溯溪、跳水兼泡湯

〖苗栗〗賞油桐花(五月雪)+螢火蟲

image

圖片來源:Flickr/Vincent Chien

image

圖片來源:Flickr/Jennifer 真泥佛

image

圖片來源:Flickr/Lcools

苗栗擁有四季分明嘅天氣,係唔少禽鳥、昆蟲嘅棲息地,呢度嘅動植物生態都相當豐富,除咗有知名嘅五月雪 —— 油桐花季以外,仲可以搵到櫻花、山蘇、台灣藍鵲嘅蹤跡,每年4-6月嘅螢火蟲季節,夜晚更加好似被光點圍住,相當令人迷戀。

▶︎紮營地點:金成露營度假山莊青雲螢火蟲露營區飛螢農莊 (苗栗選擇仲有很多啊~)

〖台中〗 東勢林場

image

圖片來源:Flickr/Martin Chen

image

圖片來源:Flickr/幾架D

image

圖片來源:東勢林場官網

台中東勢林場嘅螢火蟲生態旅遊聞名全台灣,係唔少人賞螢嘅首選!因應唔同嘅季節,仲可以賞櫻、賞楓、賞油桐,更可以同獨角仙、鍬型蟲有好深嘅相處。另外,營區入面有射箭場、體能訓練區、蝴蝶館等,無論係咪過夜,都好岩花一日時間玩下啊~

▶︎紮營地點:東勢林場

▶︎開放時間:06:30-22:00

▶︎入園票價:NT 60-250

▶︎租營價位:

image

▶︎推薦一同參觀:彩虹眷村

〖南投〗溪頭 沐浴在芬多精裡賞螢火蟲

image

圖片來源:Flickr/Tsukacyi

image

圖片來源:Flickr/Jennifer 真泥佛

image

圖片來源:Flickr/祐群 林

未聽過溪頭?可能只係知道2800年嘅紅檜神木?或者係台灣少見嘅金黃銀杏林?定係大學池嘅拱橋?

溪頭自然教育園區(溪頭森林遊樂區)位於鹿谷鄉嘅鳳凰谷山麓,因地處北勢溪嘅源頭而被命名做「溪頭」。佔地2500公頃,入面仲保留咗好多唔同種類嘅珍貴樹種,除咗欣賞螢火蟲之外,仲可以去下附近好出名嘅忘憂森林,感受下水光瀲灧如鏡嘅景色!

▶︎溪頭森林遊樂區官網

▶︎開放時間:07:00-7:00

▶︎入園票價:NT 90-240

▶︎紮營選擇:波斯園露營區黃金森林露營區

▶︎推薦一同參觀:妖怪村

〖台南〗梅嶺賞螢火蟲

image

圖片來源:Flickr/Rical Hsieh

image

圖片來源:Flickr/Andrew

「梅嶺風景區」係台南主要嘅螢火蟲棲息地,入面品種多達19種以上!而除咗每年1、2月嘅梅樹花期之外,仲可以遠望到曾文水庫嘅湖光山色,品嘗下當地嘅生果,例如:楊桃、棗子、龍眼等等,都係唔少人係梅嶺嘅重要體驗。

另外,「梅嶺風景區」都有好多出名嘅登山步道,如:梅峰古道、一線天,一路風景又靚,係行山愛好者嘅心頭好。

▶︎梅嶺風景區-西拉雅國家風景區

〖高雄〗觀星賞螢趣

image

圖片來源:Official Facebook Page

image

圖片來源:Official Facebook Page

高雄那瑪夏區擁有二十幾種螢火蟲,每年4月嘅「戀戀螢火蟲」活動經常吸引好多人參與,現場唔單只有導覽解說,仲有螢火晚會,更加有觀星、賞螢嘅活動,令大家可以親近大自然嘅同時,仲學到唔少嘢!

▶︎Official Facebook Page:螢河星語那瑪夏賞螢活動

〖點樣可以影到專業嘅螢火蟲相片?〗

image

圖片來源:Flickr/photoeys889

睇咗咁多唔同螢火蟲嘅相之後,係咪都想自己試下影下呢?

KKday係呢度整理咗幾個小技巧,雖然同專業攝影師嘅建議仲有一段距離,不過都可以為攝影新手提供一啲基本技巧!

#1 時段: 晚上7-9點 (唔岩嘅時段:滿月、下雨)

#2 器材:腳架(需長時間曝光)、快門線、相機

#3 相機設定:較大光圈、長曝

〖賞螢守則〗

image

圖片來源:Flickr/Ares Hsu

最後,嫌麻煩都要提醒大家三樣嘢,就係唔好喧嘩、唔好捉螢火蟲及唔好拎光筒直接照射螢火蟲!係冇光污染嘅環境下,螢火蟲先可以開心咁一直生存。 謝謝~

好啦,以上就係KKday整理出嚟嘅螢火蟲季露營攻略!希望大家都可以係大自然中度過一個愉快嘅賞螢之旅!

仲有更多行程架!

>>>想在露營時看到美麗螢火蟲?去東勢林場就對了!

▲認識KKday▲
KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁:www.kkday.com
KKday  Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: