日本旅遊資訊

【日本京都】 京都嵐山 – 渡月橋、天龍寺等景點三小時散步遊

小編獨愛 京都嵐山 ,即使一般人預留遊覽京阪神嘅時間唔會好長,但小編都唔想大家錯過 京都嵐山 呢個純樸、可以洗滌心靈嘅地方。KKday為大家整理咗一個三小時內遊覽嵐山嘅散步行程!可以話係一個慳錢慳時間嘅攻略~(由於每個景點都可以徒步前往,所以交通開支應該只有來回嵐山嘅費用。)

KKdap App

京都嵐山 起點:嵐電嵐山車站

第一站:渡月橋(三十分鐘)

京都嵐山

嵐山最出名嘅景點係渡月橋,可以見到桂川河,望住小橋流水真係會令人身心放鬆。秋天嘅時候,呢度仲可欣賞到楓葉美景。渡月橋嘅命名係嚟自龜山上皇嘅一句話:「似滿月過橋般」。外觀上渡月橋好似係一條脆弱嘅木橋,但實際上佢係由鋼筋混凝土構成嘅現代化建築。相信小編,你會喺渡月橋影到大量「文青」相!

第二站:天龍寺(三十分鐘)

京都嵐山

大本山天龍寺係京都五大禪寺之首,更喺1995年被列入聯合國教科文組織嘅世界文化遺產,可見天龍寺嘅歷史價值之高,絕對值得前往。

京都嵐山

京都嵐山
一入去就會見到飛雲觀音像,如果喺旅程較後嘅時間到訪更加合適,因為飛雲觀音像係祈求航空安全嘅。十一月嘅時候,天龍寺仲會係一個賞楓嘅好地方。

 

第三站:竹林之道(三十分鐘)

京都嵐山

竹林之道應該係嵐山最夢幻嘅地方,眼前盡是一片綠意,只見到連綿不絕嘅竹林,置身其中會令人忘掉現實嘅煩惱。竹林之道係由天龍寺前往野宮神社嘅必經之路。如果喺12月花燈路季嗰時去,竹林之道入夜後仲會有花燈作點綴,又會係另一番美態!

第四站:落柿舍(三十分鐘)

落柿舍嘅名字由來十分有趣,話說當年庭園種咗40株柿子樹,有一年即將秋收之時,有個好豪爽嘅商人想買咗整個庭園。但就喺比錢嘅前一個晚上,一夜嘅狂風將全部柿子都吹晒落嚟,落柿舍就係呢位主人自嘲而起嘅名。快啲去落柿舍,搵下呢位可憐嘅主人係邊個?

第五站:野宮神社(三十分鐘)

唔知道大家有冇聽過《源氏物語》,佢入面都有提到野宮神社。「學業進步」同「締結良緣」都係野宮神社嘅特色同香火不絕嘅最大原因。以野宮神社作為呢個三小時嵐山散步遊嘅最後一站,係最好嘅完結!

終點:嵐電嵐山車站

覺得呢個簡而精嘅三小時遊覽嵐山散步路線點樣呢?小編想即刻出發去京都感受令人難以忘懷嘅嵐山景色!

更多京都攻略:
【日本京都】嵐山小火車行程懶人包
【日本京都】京都宇治一日遊全攻略
【日本京都】京都近郊攻略 – 鞍馬、美山町、宇治、福知山城總整理
【日本全國】2018 日本紅葉 全攻略 – 賞楓必到景點

到京都旅行時必備:
關西地區鐵路周遊券JR Pass
嵯峨野嵐山小火車、清水寺、伏見稻荷大社一日遊
機場接送:關西機場(KIX)-關西市區酒店
京都清水道四季櫻花和服體驗
京都、奈良遊!伏見稻荷大社・奈良公園一日遊

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: