環球旅遊

【期間限定】2016泰國潑水節遊玩指南

image

一年一度嘅泰國潑水節喺今年四月又黎啦!喺呢三日嘅慶祝活動入面,除左大家最熟識嘅互相潑水祈福以外,仲有齋僧行善、放生、歌舞表演等重頭戲。「潑水節遊玩指南」喺呢到整理左一切要注意嘅事項:去邊到?需要注意D咩?有咩好玩?有咩想問想知睇曬呢篇野就清楚曬架啦!

KKdap App

#1 潑水節係點黎嘅?起源係乜?

image

潑水節又稱「宋干節」(Songkran),係泰國傳統過年嘅重要活動。傳說中有七個「宋干女神」,佢地嘅爸爸爸因得罪印度神而被斬頭處死,而因為一旦佢個頭落地會造成旱災,所以七個女神就輪流保管爸爸個頭顱啦(好老實小編聽完都唔知關潑水節咩事)。

有趣嘅係,潑水節仲會因應唔同嘅星期而依照女神嘅名去命名,每次潑水節都會有唔同嘅名字,例如星期五嘅潑水節就會叫Kimina。

#2 潑水節喺咩時候舉行?

image

Flickr | John Shedrick

每年潑水節舉辦嘅時間都係13/4 – 15/4,為期三日。

#3 潑水節當日有咩做?

image

Flickr | James Antrobus

潑水節作為泰國嘅新年,活動相當之多元,好多喺外地工作嘅泰國人都會趁呢個機會番泰國同家人朋友團聚。(曼谷、大城喺呢幾日反而會變得好似好冷清咁。)

image

Flickr|butforthesky.com

▶︎去當地廟宇:

傳統嘅潑水節朝早會先沐浴淨身、然後去廟宇祈福、再對僧侶捐施,想更深入體驗當地人嘅傳統,可以試下起個早身去當地嘅廟見識下。(圖:善男信「浴佛」,即係幫佛像沖涼嘅動作。)

image

Flickr | Jan

▶︎潑水:

泰國人認為水係純淨嘅,透過潑水呢個動作可以洗走d衰氣,為新嘅一年帶黎嶄新嘅開始。喺廟入面佢地會對僧侶和佛像灑水,喺屋企都會向長輩行表達感恩嘅「灑水禮」,至於街頭就一早已經演變成一個狂歡嘅「水戰」現場,水槍、水喉、水桶應有盡有,正常黎講你一定會變成隻濕水鴨!

image

Flickr | Ben Reeves

▶︎歌舞表演:

既然係慶典,又點少得跳舞同音樂!潑水節當日會有唔少人著泰國傳統服飾出街,無論係樂器演奏、抑或係舞蹈表演,都會令到現場好似嘉年華會咁熱鬧!

image

Flickr | Jim

▶︎街頭大餐:

食物就更加唔洗講啦!相信泰國嘅街頭小食早已俘虜左唔少人嘅胃,而呢日因應潑水節更加會有唔少野食會沿街叫賣,流動式嘅街頭美食,等大家瘋狂玩水之餘,都絕對唔會餓親!

#4 潑水節去邊到玩?

image

Flickr | Ol’pete

潑水節係全國嘅慶典,除左大家熟悉嘅清邁、曼谷兩大城市之外,以古蹟聞名嘅大城、以水上市集吸引遊客嘅安帕瓦,都有相當盛大嘅活動舉行。

〖曼谷〗

image

Flickr | James Antrobus

潑水節當日,曼谷嘅人群多數都聚集喺考山路(Khao Shan Rd.)、席隆路(Chit Lom)、民主紀念碑(Victory Monument)同埋皇家田廣場(The Royal Plaza)一帶。

〖清邁〗

image

Flickr | Ol’Pete

清邁潑水節嘅戰區主要沿住古城牆護城河一帶,其中又以東門塔佩門(Thapae Gate)、北門常帕門(Chang Puek Gate)最為熱鬧(仲好得人驚)。

〖大城〗

image

Tatnews.org

大城係舊時大城王朝嘅首都,更加係泰國觀光局建議參加潑水節嘅地點。呢日充滿歷史古蹟嘅老城入面會出現彩繪大象,係大城府特有嘅景色黎架,非常值得去一轉!

〖安帕瓦〗

圖片來源

安帕瓦係目前保有最多傳統水上市集風景嘅地方,更係好多人為左體驗「游船河睇螢火蟲」而去嘅地點。喺潑水節呢日,安帕瓦都唔例外,以傳統嘅篤篤車,配合「水槍戰」,地道嘅交通工具令你擁有更獨特嘅體驗!

#5 有咩建議?

Flickr | Ol’pete

一、唔洗驚,你一定會比人潑濕!

唔好諗住咩佢地又唔識我、或者我可以遠離戰場呢D野啦!唔識你分分鍾潑得仲金。

二、你以為呢段期間得潑水節炸咩?

呢個期間,臨近曼谷嘅世界遺產Wat Khanon廟有舉辦皮影戲節,廟內館藏嘅300副皮影,過去係上至皇朝、下至平民百姓都鍾意嘅娛樂,而家寺廟唔單止開放比大眾參觀,同時都開設左教授課程,鍾意傳統藝術嘅朋友,千祈唔好錯過呢個一年一度嘅文化盛事啦!

跟著KKday去泰國潑水節:

▶︎建議:參與大城潑水節,同時走訪水上市集跟古蹟

▶︎建議:於安帕瓦當地廟宇看「浴佛禮」,並走訪鐵道市集、安帕瓦水上市集、以及晚上嘅螢火蟲游船。

延伸資料:

▶︎曼谷捷運游船沿線景點總整理

▶︎曼谷自助三大利器,讓你暢行無阻!

▶︎泰國曼谷/芭達雅終極票券比價整理,來看看你是不是買貴了!

▲認識KKday▲
KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁:www.kkday.com
KKday  Facebook: KKday

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: