日本主題樂園

【日本】Universal Cool Japan 2018 四大新設施新開幕

新一年新開始,日本環球影城就快推出2018全新活動喇!好評不斷嘅UNIVERSAL COOL JAPAN期間限定推出《名偵探柯南WORLD》三大推理遊戲同埋《美少女戰士》系列活動。另外,哈利波特禁忌之城最新完整版等四大新設施亦就快全新開幕!等小編話你知日本環球影城2018最新又詳細嘅消息啦!(Source:日本環球影城

KKdap App

美少女戰士

1. 4D劇場—美少女戰士 THE MIRACLE 4D

圖片來源 | 日本環球影城

「我salior moon今日就要替月行道,警惡懲奸!」雖然小編唔係咁熟美少女戰士,但係都聽過呢句經典開場白!如果你係美少女戰士迷,終於到你哋出場喇!日本環球影城將會喺今年3月推出《美少女戰士THE MIRACLE 4D劇場》,原味呈現美少女戰士世界!夢幻嘅變身場景同埋水手服戰士一齊奮戰,等你戰士夢成真!

▶︎ 活動期間:2018 年 3 月 16 日至6 月 24 日 (期間可能有變動)
▶︎ 地點:4D 劇場

2. 美少女戰士影相區

圖片來源 | 日本環球影城

現場有水手服戰士嘅道具俾你影相,擺出最經典嘅姿勢,一定要好好紀念成為水手服戰士嘅呢一日!相片仲有特製框框~

▶︎ 活動期間:2018 年 1月 19 日搶先開放
▶︎ 地點:夢幻照片館

3. 美戰獨創料理

圖片來源 | 日本環球影城

除咗4D劇場同影相區,美食當然唔可以錯過!尤其係美少女戰士套餐(標號1)嘅三日月造型牛角包同露娜粟米濃湯太可愛喇~仲有月光水晶變身盒造型嘅草莓生乳酪蛋糕(標號2),要嚟影相呃like一流!

▶︎ 活動期間:2018 年 1月 19 搶先開放
▶︎ 地點:比佛利山莊法式咖啡

名偵探柯南 WORLD

1. 名偵探柯南 THE ESCAPE~零的序曲~

圖片來源 | 日本環球影城

名偵探柯南逃脫遊戲2018年大升級,以今年第22彈劇場版《零的執行人》嘅序章命名!唔單止可以睇到型仔波本再加上現場表演融合嘅武打,一定好刺激精彩!

圖片來源 | 日本環球影城

另外,THE ESCAPE 逃脫遊戲需要買Universal Cool Japan 2018 快速通關先有得玩㗎!逃脫遊戲有提供繁體中文版,唔識日文都冇有怕!

▶︎ 活動期間:2018 年 1月 19 日至6月24日
▶︎ 地點:STAGE 18
▶︎ 【期間限定】Universal Cool Japan 2018 快速® 通關(不含門票)

2. 名偵探柯南神秘餐廳

圖片來源 | 日本環球影城

日本環球影城推出期間限定名偵探柯南神秘餐廳,有「現場推理× 料理」全新型態推理秀,等你食住嘢都要推理。會場有專屬嘅攝影師,拍攝活動現場,可以當日喺會場購買啊~

圖片來源 | 日本環球影城
圖片來源 | 日本環球影城

劇情背景係參加鈴木財團所舉辦嘅party食緊豪華大餐嘅時候,遇到無法預料嘅事件,現場非常混亂,參加者要同安室(波本)、柯南等角色人物一齊協力解決事件,還原真相。

小編提醒:神秘餐廳入場需另外上官網訂㗎!

▶︎ 活動期間:2018 年 2月 1日 至3月20日
▶︎ 地點:Lombard’s Landing

3. 名偵探柯南解謎挑戰

圖片來源 | 日本環球影城

前兩項係波本迷嘅福利,跟著呢樣就造福一吓服部粉絲啦!全新解謎活動《名偵探柯南解謎挑戰》唔單止結合現場表演,仲可以同服部平次一齊解謎,一家大細玩都啱!

小編提醒:參加呢個活動必須先去STAGE 22報名同領取偵探手帳,報名直到滿額為止。

▶︎ 活動期間:2018 年 1月 19日 至6月24日
▶︎ 地點:園區各處

柯南美食點可以錯過!

圖片來源 | 日本環球影城

仲記唔記得名偵探柯南電視版安室教你整美味三明治嘅第813集?美味三明治將變成餅乾麵包,會喺日本環球影城賣!另外,安室嘅愛車都會變成可愛嘅迷你車,銀包出血喇!!

圖片來源 | 日本環球影城

日本環球影城亦會推出名偵探柯南造型嘅可麗餅,分別為灰原哀(綜合莓味)、柯南(士多啤梨味)同安室(蘋果&焦糖味)三種,真係三種味都想試晒~

柯南周邊商品 輕鬆變身柯南

圖片來源 | 日本環球影城

呢個系列週邊實在太正喇,除咗之前大受好評嘅「麻醉手錶」會再推出!「蝴蝶結變聲器」都好特別,用變聲器講嘢可以變成工藤新一或毛利小五郎把聲,靜係喺日本環球影城先買到㗎~

圖片來源 | 日本環球影城

《美少女戰士》同《名偵探柯南》系列活動都喺同一園區,一次過盡情玩晒!

圖片來源 | 日本環球影城
圖片來源 | 日本環球影城

除咗知名嘅動漫以外,UNIVERSAL COOL JAPAN亦推出咗熱門電子遊戲特別活動,例如《FINAL FANTASY》 嘅超越VR技術新型雲霄飛車同埋《魔物獵人》嘅行走式遊樂設施,俾你置身遊戲世界!

延伸:2018年春天4大遊樂設施新開幕

除咗有世界首創顛覆常識嘅完全跨世代夜間遊行, 仲有風靡全球嘅人氣角色《Curious George》亦將會化身成為新遊樂設施主題。 哈利波特禁忌之城完整版同埋大改造嘅超人氣設施水世界,等你新一年有新體驗!

1. 環球影城夜間奇觀遊行~Best Of Hollywood~

圖片來源 | 日本環球影城

《小小兵》、《侏儸紀世界》、《哈利波特》同埋《變形金剛》四種唔同嘅風格融合同時呈現喺你面前!日本環球影城要突破你嘅想像,俾你有個前所未有嘅遊行體驗!

2. Playing with Curious George

圖片來源 | 日本環球影城

《Curious George》係全球廣為人喜愛嘅手繪插圖,更被翻譯成 26 種語言!而日本環球影城將推出同Curious George一齊玩嘅劇院表演show,親子同樂嘅新選擇!

3. 哈利波特禁忌之旅完整版

圖片來源 | 日本環球影城

哈利波特禁忌之城連續5年榮登世界No.1 嘅乘坐式遊樂設施,竟然要推出更新嘅完整版呀~預計於3月下旬完全重建後再開幕,鍾意哈利波特嘅大家千期唔好錯過啊!

4. 水世界大改造

圖片來源 | 日本環球影城

累積 1 億人次體驗嘅「水世界」亦會大翻新,強勢重返日本環球影城!無論係眼前表演嘅特技定係特殊效果,都將會帶俾遊客前所未有嘅震撼!

想玩日本環球影城但訂飛好煩好複雜?唔洗擔心!KKday幫你準備好啦~
▶︎【官方授權】日本環球影城® 電子門票
▶︎ 【官方授權】Universal Cool Japan 2018 快速® 通關(不含門票)
▶︎【官方授權】日本環球影城®VIP入園手環+阿倍野HARUKAS展望台門票

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: